Marungula Ya Swa Mfumo

Afrika Dzonga: Minyikelo yo hanana yi pfune mavandlha ya 15 ku kuma mali yo lombisa, yo aka Tiholo ta wona ta Mfumo ku sukela hi October 1990. Hi lava ku tirhisa nkarhi lowu ku nkhensa munhu un’wana ni un’wana ni vandlha, hi ku nyikela hi ku tshembeka eka Nkwama wa Sosayiti wo Aka Tiholo ta Mfumo. Onge mi nga hambeta mi komba moya lowu lowunene.

Matshalatshala yo hatlisisa ku aka Tiholo ta Mfumo ma katekisiwile nakambe. Mavandlha mambirhi ya le Soweto, Diepkloof East na Central, a ma tsakile loko swiphemu leswikulu swa muako wa wona wa Holo ya Mfumo swi hetiwile hi masiku ya mune ya ku hela ka May. Vatirhi va ku Aka Tiholo ta Mfumo lava kongomisiwaka hi Komiti ya vona yo Aka ya Xifundzha va tirhe hi matimba ku pfuna mavandlha wolawo. Xana na wena wa swi lava ku pfuneta? Kombela mulanguteri wa wena la ungamelaka a ku nyika phepha ra “Kingdom Hall Construction Worker Questionnaire.”

Vandlha ra Lindize en’walungwini wa KwaZulu ri tlangele moya lowunene lowu kombisiweke hi mintlawa ya Vatirhi va ku Aka Tiholo ta Mfumo lava humaka eswiphen’wini swo hambana-hambana swa Natal, lava va pfuneke ku heta Holo ya vona ya Mfumo hi mahelo-vhiki ya tsevu. Holo ya vona yi nyiketeriwe hi July.

Vandlha ra Eastleigh aEast Rand, Vandlha ra Wilberforce ekusuhi na Vereeniging, ni Vandlha ra Midrand en’walungwini wa Joni, na wona ma nyiketele tiholo ta wona letintshwa hi July.

Rwanda: Mahungu yo tsakisa! Ku tsarisiwa ka Nhlangano wa Timbhoni ta Yehovha eRwanda ku pfumeleriwile hi April 13, 1992. Ku ve ni nhlohlorhi leyintshwa ya vahuweleri va 1 502 hi March.