Switiviso

◼ Nyiko ya buku ya November: Bibele—I Rito Ra Xikwembu Kumbe I Ra Munhu? hi munyikelo wa R2,60. December: Nghwazi Leyi Tshameke Yi Hanya hi munyikelo wa R8,00. January: Buku yin’wana ni yin’wana ya matluka ya 192 leyi humesiweke hi 1980 kumbe emahlweni ka kwalaho, leyi yi nga kona exitokweni xa vandlha hi R1,00 yin’we. Mavandlha ma nga ha oda tibuku leti landzelaka ta nyiko yo hlawuleka eka Sosayiti naswona ma nga ha kombela ku hunguteriwa nxavo eka tibuku leti tekiweke hi vahuweleri ni maphayona: Ntiyiso Lowu Yisaka eVuton’wini Lebyi Nga Heriki na Xana Vutomi Lebyi Byo Va Na Sweswi Ntsena? Hi nkarhi wa tsima ntsena, nxavo wa maphayona ya nkarhi hinkwawo ni yo hlawuleka i 60 wa tisente. Eka vahuweleri va vandlha ni maphayona ya nkarhinyana nxavo wa kona i R1,00. February: U Nga Hanya Hi Masiku aParadeyisini eMisaveni hi munyikelo wa R8,00. Tibuku ta mpimo lowutsongo i R4,00

◼ Vamatsalana va ta nyika makhadi ya Pioneer Service Identification (S-202) lama pfalaka yo sungula eka maphayona lama rhurhelaka evandlheni ra vona, ensin’wini leyi nga ehansi ka rhavi ra Afrika Dzonga. Hi kombela mi xiya mapapila ya hina ya October 23, 1989, na April 1, 1991, emhakeni leyi. Nakambe, mi nga si rhumela fomo ya S-206 mi tivisa Sosayiti hi maphayona lama suriwaka enxaxamelweni, hi kombela mi kambisisa hi vukheta swiletelo leswi nga efomeni ivi mi hlamula swivutiso hinkwaswo swa nkoka.

◼ Mavandlha sweswi se ma nga oda tivholumo ta Watchtower leti tlheleke ti kandziyisiwa ta malembe ya 1983 na 1984. Hi kombela leswaku mi nga endli tioda ta malembe ya le ndzhaku ka 1984 ku kondza mi tivisiwa leswaku ta kumeka eka Vutirheli Bya Hina Bya Mfumo.

◼ Hi tshamela ku amukela swikombelo leswi humaka eka vamakwerhu lava lavaka ku khomisa Sosayiti timali ta vona, ivi va ti teka loko ti laveka. Mhaka ya kona hi leswaku Sosayiti a yi swi koti ku teka mali leyi lombisiwaka. Hambi swi ri tano, hi nga amukela minyikelo leyi heleleke ni ya ku ya hi swiyimo. Loko u lava vuxokoxoko lebyi engetelekeke mayelana ni lunghiselelo ra munyikelo wa ku ya hi swiyimo u nga ha vulavurisana ni matsalana wa vandlha kumbe u tsalela eka Treasurer’s Office, eka rhavi ra ka n’wina.

◼ Mavandlha sweswi ma nga oda ndzimana ya lembe ya 1993, leyi kumekaka hi nxavo wa R12,00 yin’we hi Xibunu, Xinghezi, Xisuthu, Xixhosa ni Xizulu. Mali ya kona yi ta chajiwa eka akhawunti ya tibuku. Mavandlha lama nga ni swikweleti eka tiakhawunti ta tibuku ma fanele ma rhumela mali ni tioda ta wona. Ku ringanyetiwa leswaku mavandlha hinkwawo ma kombisa ndzimana ya lembe hi January 1, 1993.

◼ Mavandlha ma fanele ma sungula ku oda Ku Kambisisa Matsalwa Siku Na Siku—1993 ku sukela hi December 1 eka oda ya wona ya nkarhi na nkarhi ya tibuku. Swibukwana leswi swi ta kumeka hi Xibunu, Xifurwa, Xigriki, Xikwanyama, Xijarimani, Xinghezi, Xintariyana, Xipedi, Xiputukezi, Xisuthu, Xitsonga, Xitswana, Xivenda, Xixhosa ni Xizulu. Ku kondza swibukwana leswi swi kumeka ni loko se swi rhumeriwile, swi ta humelela tanihi “Will Send Later” eka ti-invoice ta vandlha. Swibukwana leswi nge Ku Kambisisa Matsalwa i swilo swa xitoko lexi lawuriwaka naswona swi ta chajiwa eka akhawunti ya tibuku hi 85 wa tisente xin’we, hi nxavo wa vahuweleri. Maphayona ya nkarhi hinkwawo ni yo hlawuleka lama nga enxaxamelweni emahlweni ka July 1, 1992, ma nga ha xi kuma mahala kutani ma kuma tikopi to tlhandlekela hi 55 wa tisente yin’we. Mavandlha lama nga riki na yona akhawunti ni Sosayiti kumbe lama nga ni xikweleti etibukwini ta wona ma fanele ma rhumela tioda ta wona ni mali ya kona. Ku fanele ku endliwa nxaxamelo lowu hambaneke eka Remittance and Credit Request (S-AB-20) wu kombisa tikopi ta mahala leti yaka eka maphayona. Hi khutaza xirho xin’wana ni xin’wana xa ndyangu leswaku xi va ni kopi ya xibukwana lexi. Tona ti fanele ku odiwa hi vandlha.

◼ Hi engeta xitiviso lexi tshameke xi humelela eka Vutirheli Bya Hina Bya Mfumo emalembeni lama hundzeke. Ku endliwe mindzulamiso yo karhi ebukwini leyi nge Hanya Hi Masiku. Loko u ri ni kopi leyi kandziyisiweke emahlweni ka 1990 hi kombela u xiya leswi landzelaka: Ku cinciwe mavekelo malunghana ni Vasodoma lava hlamuseriwaka eka matluka 178-80. Ku cinca loku ku humelele ebukwini leyi nge Ku Chaputa Ka Nhlavutelo, tluka 273 ni le ka Xihondzo xo Rindza xa June 1, 1988, matluka 30-1. Loko wa ha tirhisa nkandziyiso lowo rhanga, hi kombela u tsala ku cinca loku ebukwini ya wena leswaku u hundzisela rungula lerinene eka swichudeni swa wena swa Bibele.

◼ EBethele ku laveka valunghisi va mimovha ya petirolo ni dizele lava swi dyondzeleke, va laveka hi ku hatlisa. Makwerhu wihi na wihi loyi a nga kumekaka u fanele a tivisa Sosayiti hi ku hatlisa hi laha swi kotekaka ha kona.

◼ Tikhasete Letintshwa Ta Video Leti Kumekaka:

Xinghezi: Purple Triangles (Mhaka ya ndyangu wa ka Kusserow, lava ntokoto wa vona wu nga humelela enkandziyisweni wa The Watchtower wa September 1, 1985. Yi humesiwe hi thelevhixini ya le Britain kutani Sosayiti ya Watchtower yi kume timfanelo ta ku yi hangalasa. Vandlha ni vanhu: R40,00; maphayona: R35,00.)