Marungula Ya Swa Mfumo

Afrika Dzonga: Vandlha ra Ottery le Cape Town swin’we ni Vandlha ra Cezu le Transkei ma sungule 1993 hi ntsako lowukulu loko Tiholo ta wona ta Mfumo ti nyiketeriwile evhikini ra vumbirhi ra January.

 Mintsombano ya Muganga ya “Vabyarhi Va Ku Vonakala” ya 20 leyi khomiweke eAfrika Dzonga ni le matikweni ya le kusuhi yi fambe khwatsi, lava a va ri kona hinkwavo a va ri 126 703, lava khuvuriweke vona a va ri 2 477. Hi lava ku mi khensa hinkwenu lava mi nga tirha mi pfuna vapfhumba.

Hong Kong: Hi October ku fikeleriwe nhlohlorhi leyintshwa ya vahuweleri va 2 704. Swa tsakisa ku vona leswaku va fambise tidyondzo ta Bibele ta 4 043.

Madagascar: Lava a va ri kona eka Mintsombano ya Muganga ya “Vabyarhi Va Ku Vonakala” ya ntlhanu, a va ri 10 694, ku khuvuriwe 241. Lava a va ri kona a va tlula nhlohlorhi ya vona ya vahuweleri va 4 542 yi andzisiwe kambirhi.

St. Helena: Vamakwerhu va tirhe hi matimba eka Holo ya Mfumo leyintshwa ya Vandlha ra Jamestown. A va tsakile swinene loko holo ya vona yi nyiketeriwa hi January loko va endzeriwe hi mulanguteri wa xifundzha la humaka eAfrika Dzonga.