Bokisi Ra Swivutiso

◼ Xana swi fanerile ku tikandziyisela tibuku ta Sosayiti etlhelwnei leswaku u fambisela van’wana?

Emalembeni lama hundzeke, Sosayiti yi humese tibuku to tala swinene leti hlamuselaka yinhla yin’wana ni yin’wana ya vutivi bya Bibele. Vanhu lava dyondzeke tniyiso emalembeni ya sweswinyana va nga ha vona onge va lahlekeriwile hi tibuku leti humesiweke eku sunguleni, leti ti nga ha kumekiki eka Sosayiti. Van’wana va endle ni matshalatshala yo kuma tikopi ta tibuku ta khale naswona van’wana va kandziyise tibuku ta Sosayiti va ti endla ti kumeka hi tindlela to hambana-hambana. Leswi swi katse ku kandziyisiwa ka tibuku swin’we ni ku tsala hi khomphyuta. Nkarhi wun’wana leswi swi endleriwa ku bindzula.

“Nandza” la tshembekaka wa swi vona swilaveko swa hina swa moya naswona u endla malunghiselelo “hi nkarhi wa kona.” (Mt. 24:​45) Loko ku ri ni xilaveko xo tlhela ku humesiwa tibuku leti tshameke ti humesiwa, Sosayiti yi endle malunghiselelo ya sweswo. Hi xikombiso, tivholumo ta Xihondzo xo Rindza to sukela eka 1960 ku ya eka 1985 ti tlhele ti gandlisiwa leswaku ti kumeka. Hambi swi ri tano, loko vanhu va teka magoza hi voxe yo humesa ni ku hangalasa tibuku toleto, ku nga ha va ni swiphiqo leswi nga lavekiki.

Ku va ni ku nonon’hwa lokukulu loko tibuku leti ti humesiwa ni ku hangalasiwa leswaku ku kumiwa mali. Bokisi ra Swivutiso eka Our Kingdom Service ya July 1977 ri te: “I swinene ku ka ku nga onhiwi minhlangano ya le tilweni hi ku sungula ku xavisa nhundzu kumbe ku yi navetisa leswaku ku kumiwa mali eHolweni ya Mfumo, eka tidyondzo ta buku ta vandlha ni le tinhlengeletanweni ta vanhu va Yehovha. Leswi swi ta hi pfuna leswaku hi langutisisa swilaveko swa moya ni ku hlayisa ntirho wa bindzu wu ri endhawini ya wona.” Hikwalaho, i swa nkoka leswaku hi papalata ku lava ku bindzula loko swi ta eku xaviseni ka Rito ra Xikwembu kumbe timhaka leti yelanaka na rona.