Ku Lunghiselela Xitsundzuxo

Xana hinkwavo ku katsa ni xivulavuri, va tivisiwile hi nkarhi ni ndhawu ya nkhuvo leyi faneleke? Xana xivulavuri xi na xona xo famba?

Xana malunghiselelo lama heleleke yo kuma swifanekiselo ni ku swi veka endhawini ya swona hi nkarhi lowunene ma endliwile ke?

Xana malunghiselelo ya leswaku tafula ri vekiwa ka ha ri emahlweni ri ri ni nguvu yo basa ni nhlayo leyi ringaneke ya tinghilazi ni tipuleti ma endliwile ke?

Xana ku endliwe malunghiselelo wahi yo basisa Holo ya Mfumo ka ha ri nkarhi? Xana muchini lowunene wa mpfumawulo wu lunghisiwile loko holo ya kona yi qachiwile?

Xana varindzi ni vatirhi va aviwile? Xana nhlangano wu khomiwile swin’we na vona emahlweni ka Xitsundzuxo leswaku ku pfuxetiwa mintirho ya vona? Rini? I maendlelo wahi lama nga ta tirhisiwa ku tiyisekisa leswaku hinkwavo va pfuniwa kahle?

Xana ma helerile malunghiselelo yo pfuna vamakwerhu va xinuna ni va xisati lava kuleke kumbe lava lamaleke? Xana ma endliwile malunghiselelo yo pfuna un’wana wa vatotiwa loyi a nga ha vaka a pfaleriwile kutani a nga swi kotiki ku va swin’we ni vandlha?