Minhlangano Ya Ntirho Ya May

Vhiki Leri Sungulaka Hi May 3

Risimu 209

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Hlamusela malunghiselelo yo hlawuleka ya ntirho wa nsimu ya masiku yo wisa hi May.

20 min: “Ku Hlanganyela Hi Laha Ku Humelelaka eVutirhelini Bya Hina Lebyi Ponisaka Vutomi.” Nkulumo ni minkombiso. Endzhaku ka xingheniso xo koma, vana ni minkombiso minharhu leyi sekeriweke eka tindzimana 2-⁠5. Endzhaku ka nkombiso wun’wana ni wun’wana, vutisa vayingiseri leswaku xana rungula ri nga hundzuriwa njhani eka swiyimo swo hambana-hambana ensin’wini ya ka n’wina. Gimeta hi xikhutazo xo hlanganyela hi xitalo evutirhelini mahelo-vhiki lawa.

15 min: Nkoka Wa Vumoya Bya Ndyangu. Nkulumo hi nkulu. Hlamusela xilaveko xo kambisisa ndzimana ya siku swin’we tanihi ndyangu, u kombisa ndlela leyi leswi swi nga endliwaka ha yona eka swiyimo swo hambana-hambana ni swiyimiso swa ndyangu. Nakambe kandziyisa xilaveko xa xikhongelo xa ndyangu kumbexana kan’we hi siku. Leswi swi nga ha endliwa hi nkarhi wo ya eku etleleni. Ku nga ha tirha ndlela leyi fanaka eka mindyangu leyi avaneke, mindyangu leyi nga ni mutswari un’we ni mindyangu leyi nga riki na vana. Ku lunghiselela ka ndyangu ka pfuna eka ku vuyeriwa swinene eka minhlangano ya vandlha vhiki na vhiki ni ku kota ku tiyisa ripfumelo ra van’wana.​​—⁠⁠Hev. 10:​23-⁠25.

Risimu 104 ni xikhongelo xo pfala.

Vhiki Leri Sungulaka Hi May 10

Risimu 27

10 min: Switiviso swa vandlha. Vulavurisana ni vahuweleri lava koteke ku kuma swikhokhelo ku ta fika sweswi. (Leswi swi fanele swi endliwa ka ha ri emahlweni hi ku pfuniwa hi makwerhu la tamelaka swikhokhelo evandlheni.)

15 min: “Ku Hlangavetana Ni Ntlhontlho Wa Vutirheli Bya Yindlu Na Yindlu.” Swivutiso ni tinhlamulo. Hlaya matsalwa lama kombisiweke u tlhela u ma hlamuse⁠la.

20 min: “‘A Hi Yeni Ndlwini Ya Yehova.’” Ku hlanganisa tindzimana 1-⁠8 ta xiengetelo hi swivutiso ni tinhlamulo. Hi ku komisa hlamusela tinhla-nkulu ta tibuku leti boxiweke eka ndzimana 7. Vana ni muhuweleri la fanelekaka a kombisa ndlela yo pfuna munhu lontshwa a twisisa xivangelo xa ku hleriwa ka hina hi mavandlha. (wTS84 11/1 tl. 12 tindz. 6, 7) Kombisa swiphemu swa minhlangano ya hina leswi hambaneke kule ni mintirho ya vukhongeri bya Vujagana. Khutaza lava fambisaka tidyondzo ta Bibele leswaku vhiki rin’wana ni rin’wana va katsa bulo ro koma leri endleriwaka ku pfuna xichudeni xi twisisa kahle nhlengeletano ni xilaveko xa ku va xiphemu xa yona.

Risimu 134 ni xikhongelo xo pfala.

Vhiki Leri Sungulaka Hi May 17

Risimu 16

10 min: Switiviso swa vandlha, swin’we ni xiviko xa timali ni swibumabumelo swa minyikelo. Nkhensa vandlha hi ku seketela vandlha hi mali swin’we ni ntirho wa misava hinkwayo wa Sosayiti.

20 min: “Tlhelela Hi Ntsako U Ya Pfuna Lava Tsakelaka.” Bulo ni vayingiseri ni minkombiso. Kandziyisa xilaveko xo hlayisa tirhekhodo letinene ta ku tsakela loku kumiwaka. Eka mhaka leyi sukelaka eka tindzimana 3-⁠6, hlela minkombiso yimbirhi. Yi fanele yi fanela nsimu ya ka n’wina ni ku cinciwa hi laha swi lavekaka ha kona.

15 min: “‘A Hi Yeni Ndlwini Ya Yehova.’” Ku hlanganisa tindzimana 9-⁠14 ta xiengetelo hi swivutiso ni tinhlamulo. Hi ku tirhisa swiringanyeto leswi nga eka tindzimana 12 na 13, vana ni muhuweleri a kombisa ndlela yo vulavurisana ni loyi a kokelaka endzhaku.

Risimu 54 ni xikhongelo xo pfala.

Vhiki Leri Sungulaka Hi May 24

Risimu 141

10 min: Switiviso swa vandlha. Marungula Ya Swa Mfumo. Tsundzuxa vandlha hi malunghiselelo yo hlawuleka ya nsimu hi Musumbunuku, May 31.

20 min: “Vantshwa​​—⁠⁠Kongomisani Mikondzo Ya N’wina Hi Vutlharhi.” Ku hlanganisiwa ka mhaka hi swivutiso ni tinhlamulo. Endzhaku ka ndzimana 3, endla nkombiso wo koma, muhuweleri lontsongo u kombela munhu lonkulu leswaku a tirha na yena entirhweni wa nsimu. Muhuweleri lonkulu wa pfumela hi ntsako naswona u vula leswaku va pfuxeta marungula ya vona va nga si tirha swin’we.

15 min: Bulo hi mulanguteri wa ntirho hi malunghiselelo ya tsima ra 1993 ra nsimu leyi nga aviwangiki. Hlamusela papila ra Sosayiti leri tsariweke hi April 1, 1993 malunghana ni tsima leri. Tivisa vandlha hi malunghiselelo lama endliwaka hi huvo ya vakulu. (Mavandlha lama nga riki na yona nsimu leyi nga aviwangiki ma nga bula hi swilaveko swa vandlha, leswi katsaka ku tirha nsimu ya vona leyi nga tirhiwiki ngopfu.)

Risimu 223 ni xikhongelo xo pfala.

Vhiki Leri Sungulaka Hi May 31

Risimu 207

10 min: Switiviso swa vandlha. Boxa tinhla to vulavurisana leti humaka eka buku leyi nge Nghwazi leti ti nga tirhisiwaka hi June. Khutaza vahuweleri leswaku va pfuxeta swiringanyeto swa ntirho wa nsimu swa tluka ra le ndzhaku ra Vutirheli Bya Hina Bya Mfumo bya August 1992.

10 min: Bokisi Ra Swivutiso. Nkulumo hi nkulu.

15 min: Xana U Ta Teka Vuphayona Byo Pfuna eTin’hwetini Leti Taka? Vulavurisana ni van’wana lava phayoneke nkarhinyana hi March na April. Xana i mimbuyelo yihi leyi va yi kumeke eka vuphayona bya nkarhinyana? Xana ntirho wa vona wa nsimu wu antswe hi ndlela yihi? Xana ti kona tidyondzo ta Bibele leti humelelaka leti va nga ti sungula kumbe mintila ya timagazini? Xana yi kona mimbuyelo yin’wana? Khutaza vantshwa ni van’wana lava swiyimo swa vona swi nga va pfumelelaka ku ehleketa hi ku tirhisa minkarhi yo wisa hi laha ku vuyerisaka swinene. Ngopfu-ngopfu vahuweleri lava nghenaka xikolo va fanele va lwela ku phayona eka masiku yo wisa ya xikolo lama taka. Vulavurisana ni muhuweleri un’we kumbe vambirhi lava nghenaka xikolo lava hlanganyeleke entirhweni wa vuphayona bya nkarhinyana enkarhini lowu hundzeke. Van’wana va nga ha pfuna ku hlanganisa nsimu leyi nga tirhiwiki ngopfu kumbe leyi nga aviwangiki eka tin’hweti leti taka.​​—⁠⁠2 Kor. 9:6b.

10 min: Xana Xikwembu Xa Hi Rivalela Swidyoho Swa Hina? Vakulu vambirhi va lunghiselela riendzo ra vurisi. Va bula hi ndlela yo pfuna makwerhu loyi a ha karhatiwaka hi swdyoho swa nkarhi lowu hundzeke naswona a nga tiyiseki leswaku Xikwembu xi n’wi rivalerile. Vakulu va kambisisa mhaka leyi nga ebukwini leyi nge Reasoning, matluka 81-⁠4, ni buku leyi nge Insight, Vholumo 1, matluka 861-⁠2. Va vona xilaveko xa leswaku va pfuna makwerhu loyi hi musa ni ku kandziyisa tintswalo ta Yehovha ni ku rivalela ka yena. Nakambe va hlela ku kandziyisa leswaku makwerhu loyi u fanele a endla matshalatshala; ku tivula xidyoho a hi swona ntsena leswi lavekaka. Vakulu va ta hlela ku kambela makwerhu loyi nkarhi na nkarhi, va hamba va n’wi pfuna emoyeni.

Risimu 214 ni xikhongelo xo pfala.