Minhlangano Ya Ntirho Ya August
Vhiki Leri Sungulaka Hi August 2
Risimu 63
10 min: Switiviso swa vandlha ni Switiviso leswi hlawulekeke leswi humaka eka Vutirheli Bya Hina Bya Mfumo. Hlamusela tinhla to vulavula ha tona leti humaka eka timagazini ta sweswinyana. Khutaza hinkwavo ku hlanganyela entirhweni wa nsimu mahelo-vhiki lawa.
10 min: “Xiviko Lexinene Xa April!” Bulo leri kufumelaka, leri khutazaka hi matsalana. Boxa mintirho ya vandlha leyi endliweke hi April. Khutaza un’wana ni un’wana ku hlanganyela ensin’wini vhiki na vhiki kutani a vika hi ku hatlisa eku heleni ka August. Hlamusela mhaka leyi swi nga swa nkoka swinene ha yona ku va muhuweleri wa nkarhi na nkarhi wa mahungu lamanene. Vula loko ku ri ni vanhu lava va nga ha vaka vahuweleri lava nga khuvuriwangiki evandlheni.
10 min: Kandziyisa nkoka wa buku leyi nge Hanya Hi Masiku. U nga ha vula tinhlayo leti kombaka ku andza emalembeni lawa buku leyi a yi tirhisiwa ha wona. Vo tala va dyondze ntiyiso hi ku dyondza buku leyi. Vulavurisana ni muhuweleri un’we kumbe vambirhi lava va nga dyondza buku leyi loko va nghena entiyisweni. Va vutise leswi va swi tsakeleke eka yona ni ndlela leyi yi nga tirhisiwaka ha yona ensin’wini. Khutaza vamakwerhu leswaku va yi fambisa hi ku hiseka.
15 min: “Born Again.” Buku leyi nge Reasoning, matluka 76-80. Nkombiso wa vahuweleri vambirhi lava hlanganaka ni un’wana entirhweni wa yindlu na yindlu loyi a vutisaka a ku, “Xana mi tswariwe ravumbirhi?” Vahuweleri va angula hi yin’wana ya tindlela leti ringanyetiweke eka matluka 79-80. Endzhaku ka sweswo, vahuweleri va bula hi ku endla riendzo ro vuyela va tirhisa tinhla ta matsalwa lama nga eka tindzimana 1-3 eka tluka 78.
Risimu 193 ni xikhongelo xo pfala.
Vhiki Leri Sungulaka Hi August 9
Risimu 70
10 min: Switiviso swa vandlha, ku katsa ni xiviko xa timali ni ku nkhensa minyikelo. Bumabumela vandlha hi nseketelo wa mali evandlheni ni ntirho wa misava hinkwayo wa Sosayiti.
15 min: Mulanguteri la ungamelaka kumbe nkulu un’wana la fanelekaka u bula hi papila ra June 17, 1993, malunghana ni nhlawulo. Tirhisa rungula leri nga ebukwini leyi nge Reasoning ehansi ka “Neutrality” ku pfuna vayingiseri va twisisa xiyimo xa Timbhoni ta Yehovha etimhakeni ta misava. Hlamusela tinhla-nkulu hinkwato leti nga epapileni, u pfula matsalwa loko nkarhi wu pfumela. Endla nkombiso, laha vaseketeri vambirhi va politiki va ringetaka ku sindzisa ndyangu leswaku wu hlawula eka nhlawulo lowu taka. Hi xichavo nuna ni nsati va hlamusela vaendzi xiyimo xa vona hi ku komisa, va seketela nhlamulo ya vona hi matsalwa lama faneleke.
20 min: “Tikarhatele Ku Kuma Ndleve Leyi Yingisaka.” Bula ni vayingiseri. Kandziyisa nkoka wa ku khoma n’wini wa muti un’wana ni un’wana hi ndlela yakwe, hi xikongomelo xa ku va ni bulo na yena. Vana ni tinhlamuselo to koma leti sekeriweke eka swiringanyeto leswi nga eka tindzimana 2 na 3. Kandziyisa ku tirhisiwa ka timagazini nkarhi hinkwawo entirhweni wa nsimu.
Risimu 71 ni xikhongelo xo pfala.
Vhiki Leri Sungulaka Hi August 16
Risimu 20
15 min: Switiviso swa vandlha.
10 min: “Vuyela U Ya Pfuna Vanhu Va Dyondza Ndlela Yo Hanya Hi Laha Ku Nga Heriki.” Ku hlanganisiwa hi swivutiso ni tinhlamulo. Vana ni nkombiso wun’we wa riendzo ro vuyela leri sekeriweke eka rungula leri nga eka tindzimana 5 na 6.
20 min: “Swilaveko Swa Vatirheli Lavantshwa Ni Lava Tiyeke.” Ku hlanganisiwa ka xihloko hi swivutiso ni tinhlamulo, hi nkulu. Gimeta hi nkatsakanyo lowu khutazaka, wo koma, wa tinhla leti tirhaka eka swilaveko swa vandlha.
Risimu 6 ni xikhongelo xo pfala.
Vhiki Leri Sungulaka Hi August 23
Risimu 148
10 min: Switiviso swa vandlha. Marungula Ya Swa Mfumo.
20 min: “Lavisisa Tidyondzo Ta Bibele Hi Ku Hiseka.” Ku hlanganisa xihloko hi swivutiso ni tinhlamulo hi mulanguteri wa ntirho. Hlaya u tlhela u hlamusela matirhelo ya matsalwa hinkwawo lama kombisiweke. Hlamusela nhluvuko wa ntirho wa tidyondzo ta Bibele evandlheni eka malembe ya ntlhanu lama hundzeke, kutani u gimeta hi ku ya hi swilaveko swa vandlha.
15 min: Nkoka Wa Masiku Eku Dyondzeni Ka Hina Bibele. Endzhaku ka nkulumo yo koma emhakeni leyi nga ehansi ka “Definition” eka tluka 93 ra buku leyi nge Reasoning, bula ni vayingiseri hi rungula lerin’wana ehansi ka “Dates.” Kambisisa mhaka leyi nge “Why do Jehovah’s Witnesses say that God’s Kingdom was established in 1914?” Kombisa ndlela leyi rungula leri ri va pfunaka ha yona lavantshwa leswaku va lunghekela ku lwela rungula ra Mfumo.
Risimu 43 ni xikhongelo xo pfala.
Vhiki Leri Sungulaka Hi August 30
Risimu 156
10 min: Switiviso swa vandlha. Bulo ra xihloko lexi nge “Nongonoko Lowuntshwa Wa Nhlengeletano Ya Siku Ro Hlawuleka.” Khutaza hinkwavo ku endla malunghiselelo ka ha ri ni nkarhi, leswaku va va kona eka nongonoko wa nhlengeletano ya siku ro hlawuleka ya lembe ra ntirho ra 1994. Tivisa siku ni ndhawu loko mi swi tiva. Nakambe khutaza ku hlanganyela entirhweni wa nsimu hi mahelo-vhiki.
20 min: Nkulumo leyi sekeriweke eka rungula ra buku leyi nge Reasoning ehansi ka xihloko lexi nge “Bible,” matluka 58-64. Kandziyisa mpfuno lowu hi wu kumaka hi hexe hi ku tirhisa misinya ya milawu ya Bibele evuton’wini bya hina.
15 min: Bula hi tsima ra nsimu leyi nga aviwangiki. Tivisa vandlha hi leswi swi endliweke ku ta fikela sweswi ivi u hlamusela malunghiselelo hinkwawo ya tsima leri. Vulavurisana ni muhuweleri un’we kumbe vambirhi lava nga ni mintokoto ya ku yi avela vandlha. Khutaza hinkwavo leswaku va seketela tsima leri hi xitalo. Mavandlha lama nga swi kotiki ku tirha nsimu leyi nga aviwangiki lembe leri ma nga ha bula hi swilaveko swa vandlha. Bulani hi xikhutazo lexi nyikeriweke hi mulanguteri wa xifundzha eka riendzo leri hundzeke. Tsundzuxa vamakwerhu leswaku va languta loko swiviko hinkwaswo swa 1993 swi tisiwile.
Risimu 31 ni xikhongelo xo pfala.