Minhlangano Ya Ntirho Ya September

Vhiki Leri Sungulaka Hi September 6

Risimu 164

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo.

20 min: Xana U Ta Va Muhuweleri Wa Mahungu Lamanene La Humaka Nkarhi Na Nkarhi Eka Lembe Ra Ntirho Ra 1994? Bulo hi matsalana. Sungula hi bulo ra matsalwa leri sekeriweke eka rungula leri nga ebukwini leyi nge Vutirheli Bya Hina, matluka 82 na 85. Endzhaku ka sweswo, hlamusela mintirho ya vandlha ya nsimu ya malembe lama hundzeke hi ku ya hi rungula leri humaka eka Congregation Analysis Report (S-⁠10). Tivisa vandlha hi nhlayo ya lava a va nga humi nkarhi wun’wana eka lembe ra ntirho leri hundzeke. I vangani lava tluleke n’hweti yin’we ntsena ya ntirho wa nsimu? I vangani lava tluleke tin’hweti timbirhi kumbe ku tlula? Van’wana swi nga ha endleka a va langutane ni swiyimo swo nonon’hwa, tanihi swiphiqo swa rihanyo, kasi van’wana va lo tsandzeka ku vika ntirho wa vona. Xana hinkwerhu hi nga tirhisana njhani ku tiyisekisa leswaku muhuweleri un’wana ni un’wana u ta huma nkarhi na nkarhi eka lembe lerintshwa ra ntirho? Hlamusela tinhla leti humaka eka Vutirheli Bya Hina Bya Mfumo, bya June 1993, tluka 3. U nga ha tlhela u nghenisa tinhla leti humaka eka Vutirheli Bya Hina Bya Mfumo, bya July 1993, tluka 2. Kandziyisa vutihlamuleri bya munhu un’wana ni un’wana bya ku hlanganyela entirhweni wa nsimu vhiki na vhiki ni ku nghenisa xiviko hi ku hatlisa eku heleni ka n’hweti. Hlamusela xiphemu xa mufambisi un’wana ni un’wana wa Dyondzo ya Buku ya Vandlha kun’we ni matsalana xo tiyisekisa leswaku swiviko hinkwaswo leswi nga hlwela ku fika swa kumiwa kutani swi rhumeriwa eka Sosayiti swin’we ni xiviko xa n’hweti leyi landzelaka. EAfrika Dzonga vahuweleri va tiphesente ta kwalomu ka 20 a va humi minkarhi yin’wana. EJapani ko va tiphesente timbirhi ntsena ta lava nga humiki minkarhi yin’wana. Xana hi nga antswisa emhakeni leyi? Xana u ta wu amukela ntlhontlho wa ku va muhuweleri la humaka nkarhi na nkarhi eka lembe ra ntirho ra 1994?

15 min: “Ku Pfuna Van’wana Leswaku Va Vona Rifuwo Lerikulu.” Ku hlanganisiwa hi swivutiso ni tinhlamulo. Loko mi hlanganisa ndzimana 4, vana ni nkombiso, muhuweleri a fambisa buku leyi nge Hanya Hi Masiku eka mutswari.

Risimu 108 ni xikhongelo xo pfala.

Vhiki Leri Sungulaka Hi September 13

Risimu 112

10 min: Switiviso swa vandlha. Katsa xiviko xa timali ni ku nkhensa minyikelo. Bumabumela vandlha hi ku seketela swilaveko swa vandlha swin’we ni ntirho wa Sosayiti wa misava hinkwayo.

10 min: “Pfuna Van’wana Hi Ku Tirhisa Timagazini.” Nkulumo ni minkombiso. Kandziyisa nkoka wa ku tirhisa timagazini leti ta ha ku humaka ni ta khale. Endla minkombiso yimbirhi, wun’wana wu kombisa magazini wa sweswinyana kasi lowun’wana wu kombisa ndlela yo tirhisa magazini wa khale ku eneta xilaveko xo karhi xa n’wini wa muti.

15 min: “I Yini Leswi Hi Nga Ta Swi Endla Eka Lembe Leri Ra Ntirho?” Nkulumo ni ku burisana ni vayingiseri. Yi fanele ku tameriwa hi mulanguteri la ungamelaka. Hlamusela ntirho wa vandlha wa n’wexemu naswona u khutaza hinkwavo ku endla malunghiselelo ya ku tirha hi laha ku engetelekeke eka lembe ra ntirho ra 1994.

10 min: “Dyondzani Buku Leyi Nge Hanya Hi Masiku Ni Leyi Nge United in Worship.” Endzhaku ko bula ni vayingiseri hi xihloko lexi, vana ni muhuweleri la lunghiseleleke kahle a kombisa ndlela yo cinca ku sukela eka dyondzo ya buku leyi nge Nghwazi ku ya eka buku leyi nge Hanya Hi Masiku.

Risimu 17 ni xikhongelo xo pfala.

Vhiki Leri Sungulaka Hi September 20

Risimu 100

10 min: Switiviso swa vandlha. Kombisa swihloko swa timagazini ta sweswinyana leti ti nga ha fambisiwaka vhiki leri entirhweni wa nsimu.

20 min: “Pfuna Vanhu Lava Kotisaka Tinyimpfu Leswaku Va Aka Eka Masungulo Lama Tiyeke.” Bula ni vayingiseri. Kombisa xilaveko xo lunghiselela riendzo rin’wana ni rin’wana ro vuyela. Lunghiselela muhuweleri la fanelekaka leswaku a kombisa ndlela yo endla riendzo ro vuyela eka munhu loyi a tekeke buku leyi nge Hanya Hi Masiku, a tirhisa rungula ra ndzimana 3 kumbe 5.

15 min: “Ku Sungula Tidyondzo Ta Le Kaya Ta Bibele.” Swivutiso ni tinhlamulo. Endzhaku ka ndzimana 4, endla nkombiso lowunene wa riendzo ro vuyela laha ku tirhisiwaka Bibele ntsena, kambe rona ri sekeriwe eka swiyenge swa buku leyi nge Hanya Hi Masiku kumbe leyi nge Reasoning, hi laha swi kombisiweke ha kona.

Risimu 84 ni xikhongelo xo pfala.

Vhiki Leri Sungulaka Hi September 27

Risimu 109

15 min: Switiviso swa vandlha. Kombela mulanguteri wa ntirho leswaku a endla xiviko xa nhluvuko lowu endliwaka eku tirheni ka nsimu leyi nga aviwangiki ivi a bula hi tinhla ta n’hweti yo hetelela ya tsima. Khutaza hinkwavo ku teka tibuku to tala to hambana-hambana, kun’we ni timagazini ta khale, hi tindzimi leti vulavuriwaka eka nsimu yoleyo. Loko swi koteka, siyela n’wini wa muti un’wana ni un’wana nchumu wa ku hlaya ensin’wini.

15 min: Bokisi Ra Swivutiso. Yi fanele ku tameriwa hi nkulu. Kandziyisa lexi endlaka leswaku hi xiyisisa ku tikhoma ka hina loko ku endliwa nkhuvulo ni ndlela leyi swi khumbaka Yehovha ni rungula ra Mfumo ha yona.

15 min: Fambisa Swikhokhelo Hi October. Lunghiselela minkombiso yinharhu, wo sungula wu kombisa ndlela yo fambisa Xihondzo xo Rindza xa sweswinyana, wun’wana wu kombisa ndlela yo fambisa Xalamuka! kasi wun’wana wu kombisa n’wini wa muti loyi a khomekeke swinene kutani a teka xiphephana. Endzhaku ka nkombiso wun’wana ni wun’wana burisana ni vayingiseri leswaku ha yini rungula leri ri humelerile. Khutaza vahuweleri leswaku va fambisa swikhokhelo nkarhi hinkwawo.

Risimu 21 ni xikhongelo xo pfala.