Switiviso

◼ Tibuku leti nga ta tirhisiwa hi September: U Nga Hanya Hi Masiku aParadeyisini eMisaveni hi munyikelo wa R9,00. Tibuku ta mpimo lowutsongo i R4,50. October: Swikhokhelo swa Xalamuka! ni Xihondzo xo Rindza hi munyikelo wa R19,00 eka minkandziyiso leyi humaka kambirhi hi n’hweti. Swikhokhelo swa lembe eka minkandziyiso leyi humaka kan’we hi n’hweti ni swikhokhelo swa tin’hweti ta tsevu eka minkandziyiso leyi humaka kambirhi hi n’hweti i R9,50. November: Bibele​​—⁠⁠I Rito Ra Xikwembu Kumbe I Ra Munhu? hi munyikelo wa R3,00. December: Nghwazi Leyi Tshameke Yi Hanya hi munyikelo wa R9,00.

◼ Mulanguteri la ungamelaka kumbe un’wana la hlawuriweke hi yena, u fanele ku kambisisa timali ta vandlha hi September 1 kumbe hi ku hatlisa hi laha swi kotekaka ha kona endzhaku ka sweswo. Endla xitiviso evandlheni loko leswi se swi endliwile.

◼ Eka vamatsalana va mavandlha. Loko mi tsalela Sosayiti malunghana ni tiakhawunti, tioda ta timagazini, tioda ta tibuku, swiviko swa ntirho wa nsimu, swivutiso swa swikhokhelo, nkarhi hinkwawo tsalani nomboro ya vandlha ra n’wina. Nakambe tiyisekani leswaku mi tsala nomboro leyi eka ndhawu ya kona efomeni. Loko mi nga ri na tona tifomo ta Sosayiti, endlani oda.

◼ Ku sukela hi November 8, 1993, ku ya fika eka May 2, 1994, buku leyi nge Making Your Family Life Happy yi ta dyondziwa eka Dyondzo ya Buku ya Vandlha.

◼ Hi Mugqivela, October 9, 1993, kaya ra Bethele ni fetri swi ta va swi pfarile, leswaku swi basisiwa, kutani malunghiselelo ya vapfhumba a ma nge vi kona.

◼ Vahuweleri lava hlelaka ku phayona nkarhinyana hi October va fanele va hatlisa va tisa xikombelo xa vona. Leswi swi ta pfuna vakulu ku endla malunghiselelo lama faneleke ya tibuku ni nsimu.

◼ Vakulu va tsundzuxiwa leswaku va landzela swiletelo leswi nyikiweke eka matluka 21-⁠3 ya Xihondzo xo Rindza xa April 15, 1991, malunghana ni vanhu lava susiweke kumbe lava tisuseke lava kumbexana va lavaka ku vuyiseriwa.

◼ Mavandlha ma fanele ku sungula ku oda 1994 Calendar of Jehovah’s Witnesses eka oda ya wona ya tibuku ya September. Tikhaleda ti ta kumeka hi Xibunu, Xichayina, Xifurwa, Xigriki, Xijaramani, Xinghezi, Xintariyana, Xiputukezi, Xisuthu, Xixhosa ni Xizulu.