Pfuna Van’wana Hi Ku Tirhisa Timagazini

¹ Ha tsaka swinene loko hi kuma minkandziyiso leyi ya ha ku humaka ya Xihondzo xo Rindza ni Xalamuka! Hi tlangela lunghelo ra ku yi hlaya hi ku hatlisa hi laha swi kotekaka ha kona leswaku hi pfuniwa hi rungula leri tsariweke. Ku engetela emhakeni ya ku languta mhaka leyi yi nga pfunaka hina vini, i swinene ku languta tinhla leti hi nga ti tirhisaka loko hi fambisela van’wana timagazini. Hi nga ha fungha swiphemu leswi swi nga va tsakisaka ngopfu lava va nga ensin’wini ya vandlha ra hina kumbe hi tsala ematlhelweni ka magazini wa hina leswaku hi tsundzuka tinhla to vulavula ha tona ni ndlela leyi xihloko xi nga vulavuleriwaka ha yona endhawini ya ka hina.

² Timagazini ta hina ti ni nkoka lowu nga heriki. Hambi loko ngopfu-ngopfu hi fambisa timagazini ta sweswinyana, a hi fanelanga ku cukumeta timagazini ta khale, hikuva rungula ra kona a ri heleriwi hi nkarhi. Veka minkandziyiso ya khale enkwameni wa wena leswaku yi va kona loko u nyikela vumbhoni. Yi nga ha pfuna ngopfu loko u tiva xilaveko xo karhi xa n’wini wa muti. Timagazini ta khale ti nga tirhisiwa eka tsima ra nsimu leyi nga aviwangiki.