Dyondzani Buku Leyi Nge Hanya Hi Masiku  Ni Leyi Nge United in Worship

¹ Swiphephana, tibroxara, timagazini ni tibuku​​—⁠⁠hinkwaswo swi nga tirhisiwa ku sungula tidyondzo ta Bibele ni vanhu lava tsakelaka. Hikwalaho ka ku hangalaka ka yona ni ku tsakisa ka yona, buku leyi nge Nghwazi Leyi Tshameke Yi Hanya yi tirhiseriwe ku sungula tidyondzo. Hakunene, un’wana ni un’wana u fanele ku dyondzisiwa ku yi hlaya ni ku yi dyondza. Leswi hi swi endle hi ku lunghiselela ni ku va kona eka Dyondzo ya Buku ya Vandlha.

² Hambi swi ri tano, ku ni tibuku timbirhi leti ngopfu-ngopfu ti faneleke ku dyondziwa ni lavantshwa leswaku va pfuniwa va twisisa tidyondzo ta xisekelo ta Bibele swin’we ni mimpimanyeto ya mahanyelo ya Vukreste. Tibuku ta kona i: U Nga Hanya Hi Masiku aParadeyisini eMisaveni na United in Worship of the Only True God. Swi nga antswa leswaku lava va fambisaka tidyondzo ta Bibele hi tibuku tin’wana va hatlisa va cincela eka yin’wana ya tibuku leti. Loko dyondzo yi fambisiwa hi buku leyi nge Nghwazi, khutaza xichudeni leswaku xi hambeta xi tihlayela yona. Dyondzo ya Bibele yi fanele ku fambisiwa ku kondza ku hetiwa buku leyi nge Hanya Hi Masiku ni leyi nge United in Worship, hambi loko munhu a khuvuriwa ku nga si hetiwa buku ya vumbirhi. Maendlelo lawa ma ta nyika xichudeni xa Bibele matimba ni ku xi tiyisa emoyeni.