Switiviso

◼ Tibuku leti nga ta tirhisiwa hi October: Swikhokhelo swa Xalamuka! ni Xihondzo xo Rindza hi munyikelo wa R19,00 eka minkandziyiso leyi humaka kambirhi hi n’hweti. Swikhokhelo swa lembe eka minkandziyiso leyi humaka kan’we hi n’hweti ni swikhokhelo swa tin’hweti ta tsevu eka minkandziyiso leyi humaka kambirhi hi n’hweti i R9,50. November: Bibele​​—⁠⁠I Rito Ra Xikwembu Kumbe I Ra Munhu? hi munyikelo wa R3,00. December: Nghwazi Leyi Tshameke Yi Hanya hi munyikelo wa R9,00. January: Buku yin’wana ni yin’wana ya khale ya matluka ya 192 leyi humesiweke emahlweni ka 1980 leyi nga kona exitokweni xa vandlha hi munyikelo wa R1,00. Mavandlha ma nga ha oda buku leyi landzelaka ya nyiko yo hlawuleka eka Sosayiti: Ntiyiso Lowu Yisaka eVuton’wini Lebyi Nga Heriki. Mavandlha ma nga kombela ku hunguteriwa nxavo eka tibuku leti tekiweke hi vahuweleri ni maphayona. Hi nkarhi wa tsima ntsena, nxavo wa maphayona ya nkarhi hinkwawo ni yo hlawuleka i 60 wa tisente. Eka vahuweleri va vandlha ni maphayona ya nkarhinyana, nxavo wa kona i R1,00.

◼ Xiengetelo xa “Xiyimiso Xa Xikolo Xa Vutirheli Bya Le Tilweni Xa 1994” xi kona eka nkandziyiso lowu wa Vutirheli Bya Hina Bya Mfumo kutani xi fanele ku hlayisiwa leswaku xi tirhisiwa hi 1994.

◼ Mavandlha sweswi ma nga oda ndzimana ya lembe ya 1994, leyi kumekaka hi nxavo wa R13,00 yin’we, hi Xibunu, Xinghezi, Xisuthu, Xixhosa ni Xizulu. Mali yi ta chajiwa eka akhawunti ya tibuku. Mavandlha lama nga ni xikweleti eka akhawunti ya wona ya tibuku ma fanele ku rhumela mali ni tioda ta wona. Swi nga va swinene loko mavandlha hinkwawo ma kombisa ndzimana leyintshwa ya lembe hi January 1, 1994.

◼ Mavandlha ma fanele ma sungula ku oda Ku Kambisisa Matsalwa Siku Na Siku​​—⁠⁠1994 eka oda ya wona ya nkarhi na nkarhi ku sukela hi October 1. Swibukwana leswi swi ta kumeka hi Xibunu, Xifurwa, Xigriki, Xijarimani, Xikwanyama, Xinghezi, Xintariyana, Xipedi, Xiputukezi, Xisuthu, Xitsonga, Xitswana, Xivenda, Xixhosa ni Xizulu. Ku fikela loko swibukwana leswi se swi kumeka ni loko se swi rhumeriwile, swi ta humelela tanihi “Back Ordered” eka ti-invoice ta vandlha. Swibukwana leswi nge Ku Kambisisa Matsalwa i swilo swa xitoko lexi lawuriwaka naswona swi ta chajiwa eka akhawunti ya tibuku hi R1,50 xin’we, hi nxavo wa vahuweleri. Maphayona ya nkarhi hinkwawo ni yo hlawuleka lama tsarisiweke ku nga si hundza July 1, 1993, ma nga kuma kopi yin’we ya mahala kutani ma tikumela tikopi tin’wana hi 75 wa tisente yin’we. Mavandlha lama nga riki na akhawunti ni Sosayiti kumbe lama nga ni xikweleti eka akhawunti ya wona ya tibuku ma fanele ma tisa mali ni tioda ta wona. Ku fanele ku tsariwa eka fomo ya Remittance and Credit Request (S-AB-20) ku kombisiwa tikopi ta mahala leti nyikiweke maphayona. Ti fanele ku odiwa hi vandlha. HI KHUTAZA XIRHO XIN’WANA NI XIN’WANA XA NDYANGU, KU KATSA NI VANA LAVA KOTAKA KU HLAYA, LESWAKU VA VA NI TIKOPI TA VONA VINI TA XIBUKWANA LEXI.

◼ Tikhasete Letintshwa Leti Kumekaka:

Xizulu: Listening to the Great Teacher (Ntlhanu wa tikhasete ni buku eka albamu. Vandlha ni vanhu: R38,00; maphayona: R32,50).