Xiyimiso Xa Xikolo Xa Vutirheli Bya Le Tilweni Xa 1994
SWILETELO
Hi 1994, malunghiselelo lama landzelaka ma ta tirha loko ku fambisiwa Xikolo xa Vutirheli bya le Tilweni.
TIBUKU-MPFUNO: Bibele, United in Worship of the Only True God [uw], “Matsalwa Hinkwawo Ma Huhuteriwe Hi Xikwembu Naswona Ma Pfuna” [siTS], Nghwazi Leyi Tshameke Yi Hanya [gtTS], na Tinhloko-mhaka To Vulavurisana Ta Bibele (Nkandziyiso wa 1993) [tdTS] ti ta va xisekelo xa swiavelo.
Xikolo xi ta sungula hi risimu, xikhongelo ni marito yo amukela, ivi xi fambisa xileswi:
XIAVELO NO. 1: 15 wa timinete. Nkulumo leyi yi fanele ku tameriwa hi nkulu kumbe hi nandza wa vutirheli la fanelekaka, naswona yi ta va yi sekeriwe eka United in Worship of the Only True God kumbe “Matsalwa Hinkwawo Ma Huhuteriwe Hi Xikwembu Naswona Ma Pfuna.” Xiavelo lexi xi fanele ku nyikeriwa tanihi nkulumo yo laya ya 10 ku ya ka 12 wa timinete leyi landziwaka hi mpfuxeto wo vulavurisana wa 3 ku ya ka 5 wa timinete, ku tirhisiwa swivutiso leswi tsariweke ebukwini. Xikongomelo a ku fanelanga ku va ku hlanganisa mhaka ntsena, kambe ni ku yisa nyingiso eka ntikelo lowu tirhaka wa rungula leri hlamuseriwaka, ku kandziyisiwa leswi swi nga ta pfuna ngopfu evandlheni. Ku fanele ku tirhisiwa xihloko lexi kombisiweke. Hinkwerhu hi khutaziwa ku lunghiselela hi vukheta ka ha ri ni nkarhi leswaku hi pfuneka swinene emhakeni leyi.
Vamakwerhu lava averiwaka nkulumo leyi va fanele ku va ni vukheta leswaku va nga tlurisi nkarhi lowu vekiweke. Ndzayo ya le tlhelweni yi nga ha nyikeriwa loko swi laveka kumbe loko xivulavuri xi yi kombela ka ha ri emahlweni.
TINHLA-NKULU TA KU HLAYA KA BIBELE: 6 wa timinete. Tona ti fanele ti tameriwa hi mulanguteri wa xikolo kumbe nkulu un’wana la fanelekaka kumbe hi nandza wa vutirheli loyi a nga ta endla mhaka leyi yi tirha eka swilaveko swa vandlha. A ku fanelanga ku va nkatsakanyo ntsena wa ku hlaya loku aviweke. Nyikela nkatsakanyo wa tindzima leti aviweke hi tisekene ta 30 ku ya ka 60. Xikongomelo lexikulu i ku pfuna vayingiseri leswaku va twisisa leswaku ha yini mhaka ya kona yi ri ya ntikelo eka hina naswona njhani. Kutani swichudeni swi ta komberiwa ku ya etitlilasini ta swona leti hambaneke hi mulanguteri wa xikolo.
NKULUMO NO. 2: 5 wa timinete. Loku i ku hlaya ka Bibele ka mhaka leyi averiweke, yi fanele ku nyikeriwa hi makwerhu wa xinuna. Leswi swi ta tirha eka xikolo-nkulu kun’we ni le ka mintlawa leyitsongo. Swiavelo swo hlaya hakanyingi swi kome kahle ku pfumelela xichudeni leswaku xi nyikela nhlamuselo yo koma eka marito yo sungula ni yo dlayelela. Masungulo ya matimu, nkoka wa vuprofeta kumbe wa dyondzo ni ku tirhisiwa ka misinya ya milawu swi nga ha katsiwa. Tindzimana hinkwato leti aviweke ti fanele ku hlayiwa handle ko wisa. Ina, loko tindzimana leti hlayiwaka ti nga tlhandlamani, xichudeni xi nga ha vula ndzimana leyi ku hlaya ku tlulelaka eka yona.
NKULUMO NO. 3: 5 wa timinete. Nkulumo leyi yi ta averiwa vamakwerhu va xisati. Swihloko swa nkulumo leyi swi ta va swi sekeriwe ebukwini leyi nge Nghwazi Leyi Tshameke Yi Hanya. Xichudeni lexi averiweke xi fanele xi kota ku hlaya. Loko xi nyikela nkulumo leyi, xichudeni xi nga ha va xi tshamile kumbe xi yimile. Mupfuni un’we u ta hlawuriwa hi mulanguteri wa xikolo, kambe vapfuni lava engetelekeke va nga ha tirhisiwa. Swi nga va swinene leswaku maandlalelo ma katsa ntirho wa nsimu kumbe ku nyikela vumbhoni hi xitshuketa. La nyikelaka nkulumo a nga ha sungula bulo leswaku a vumba maandlalelo kumbe ku sungula (va-)mupfuni wakwe. Mhaka hi yona leyi faneleke ku khathaleriwa ngopfu hayi maandlalelo. Xichudeni xi fanele ku tirhisa xihloko lexi kombisiweke.
NKULUMO NO. 4: 5 wa timinete. Yi averiwa makwerhu wa xinuna kumbe wa xisati. Yi ta va yi sekeriwe eka Tinhloko-mhaka To Vulavurisana Ta Bibele. Loko yi averiwe makwerhu wa xinuna, leyi yi fanele ku va nkulumo leyi nyikeriwaka vayingiseri hinkwavo. Hakanyingi swi ta antswa swinene leswaku makwerhu a lunghiselela nkulumo yakwe a ri karhi a ehleketa hi vayingiseri lava nga eHolweni ya Mfumo leswaku yi ta dyondzisa hakunene ni ku pfuna lava va yi twaka. Hambi swi ri tano, loko mhaka yi fanela maandlalelo man’wana lama pfunaka ni lama fanelaka lama fambisanaka ni vayingiseri, makwerhu a nga ha hlawula ku aka nkulumo yakwe hi ndlela yoleyo. Xichudeni xi fanele ku tirhisa xihloko lexi kombisiweke.
Loko yi averiwe makwerhu wa xisati, mhaka yi fanele ku nyikeriwa hi laha swi kombisiweke ha kona eka Nkulumo No. 3.
NDZAYO NI TINHLAMUSELO: Endzhaku ka nkulumo yin’wana ni yin’wana ya xichudeni, mulanguteri wa xikolo u ta nyikela ndzayo leyi kongomeke, a nga boheki ku landzelela ntlhandlamano wa ku laya loku xaxametiweke exiphephanini xa Ndzayo ya Nkulumo. Kambe, u fanele ku talela eka tindhawu leti xichudeni xi fanelaka ku antswisa eka tona. Loko xivulavuri xa xichudeni xi faneriwa hi “L” leyi tiyeke naswona ku ri hava mfanelo yin’wana ya vuvulavuri leyi funghiweke “A” kumbe “T,” kutani mutsundzuxi u fanele ku tsondzela bokisi ra mfanelo ya vuvulavuri leyi xichudeni xi faneleke ku tirhela eka yona enkarhini lowu taka laha hi ntolovelo a ku ta humelela “L,” “A,” kumbe “T.” U ta tsundzuxa xichudeni hi mhaka leyi emadyambyini wolawo ni ku tlhela a komba mfanelo leyi ya vuvulavuri exiphephanini xa Xiavelo xa Xikolo xa Vutirheli bya le Tilweni (S-89) lexi landzelaka xa xichudeni. Lava va nyikelaka tinkulumo va fanele ku tshamela emahlweni eholweni. Leswi swi ta hlayisa nkarhi ni ku endla leswaku mulanguteri wa xikolo a nyikela ndzayo ya yena hi ku kongoma eka xichudeni xin’wana ni xin’wana. Loko nkarhi wu pfumela endzhaku ko nyikela ndzayo leyi lavekaka hi nomu, mutsundzuxi a nga nyikela tinhlamuselo ehenhleni ka tinhla leti dyondzisaka ni leti tirhaka leti nga hlanganisiwangiki hi swichudeni. Mulanguteri wa xikolo u fanele ku va ni vukheta leswaku a nga tirhisi nkarhi lowu tlulaka ntsengo wa timinete timbirhi eku tsundzuxeni ni le ku hlamuseleni endzhaku ka nkulumo yin’wana ni yin’wana ya xichudeni. Loko rungula ra tinhla ta Bibele ri siye swin’wana swa nkoka, ndzayo ya le xihundleni yi nga ha nyikeriwa.
KU LUNGHISELELA TINKULUMO: Xi nga si lunghiselela nkulumo leyi xi averiweke yona, xichudeni xi fanele xi yi hlaya hi vukheta mhaka leyi nga eka Buku Yo Letela Ya Xikolo leyi hlamuselaka mfanelo ya nkulumo leyi xi faneleke ku tirhela eka yona. Swichudeni leswi averiweke nkulumo ya vumbirhi swi fanele ku hlawula xihloko lexi fanelaka xiyenge xa Bibele lexi swi nga ta hlaya eka xona. Tinkulumo tin’wana ti ta vumbiwa hi ku ya hi xihloko lexi kombisiweke eka xiyimiso.
KU HLAYISA NKARHI: Ku hava nkulumo leyi faneleke ku tlula nkarhi wa yona, hambi ku ri ndzayo kumbe tinhlamuselo ta mutsundzuxi. Tinkulumo No. 2 ku ya eka 4 ti fanele ti yimisiwa hi vutlharhi loko nkarhi wu herile. Loyi a averiweke ku nyikela mfungho wo yimisa u fanele ku swi endla hi xihatla. Loko vamakwerhu lava tamelaka Xiavelo No. 1 ni tinhla-nkulu ta Bibele va dya nkarhi, va fanele ku nyikiwa ndzayo ya le tlhelweni. Hinkwavo va fanele ku languta nkarhi wa vona hi vukheta. Nongonoko hinkwawo: 45 wa timinete, handle ka risimu na xikhongelo.
MPFUXETO WO TSALA: Nkarhi na nkarhi mpfuxeto wo tsala wu ta nyikeriwa. Eku lunghiseleleni, pfuxeta mhaka leyi aviweke, u hlanganisa ku hlaya ka Bibele loku nga exiyimisweni. I Bibele ntsena leyi nga tirhisiwaka hi nkarhi wa mpfuxeto lowu wa timinete ta 25. Nkarhi lowu saleke wu ta tirhisiwa ku vulavurisana hi swivutiso ni tinhlamulo. Xichudeni xin’wana ni xin’wana xi ta fungha tinhlamulo ta xona n’wini. Mulanguteri wa xikolo u ta vulavurisana ni vayingiseri hi tinhlamulo ta swivutiso swa mpfuxeto naswona a talela eka swivutiso leswi tikaka ngopfu, a pfuna hinkwavo ku twisisa tinhlamulo kahle. Loko, hikwalaho ka xivangelo xo karhi, swiyimo swa vandlha swi swi endla swi fanela, mpfuxeto wo tsala wu nga ha endliwa vhiki leri landzaka leri kombisiweke eka xiyimiso.
MAVANDLHA LAMAKULU NI LAMATSONGO: Mavandlha lama nga ni swichudeni swa 50 kumbe ku tlula leswi tsariseke exikolweni ma nga ha tsakela ku hlela mintlawa yin’wana ya swichudeni leswaku yi nyikela tinkulumo leti nga exiyimisweni emahlweni ka vatsundzuxi van’wana. Ina, vanhu lava nga khuvuriwangiki lava vutomi bya vona byi pfumelelanaka ni misinya ya milawu ya Vukreste na vona va nga ha tsarisa exikolweni ivi va kuma swiavelo.
LAVA NGA RIKI KONA: Hinkwavo evandlheni va nga kombisa ku tlangela xikolo lexi hi ku ringeta ku va kona eka nongonoko wun’wana ni wun’wana wa vhiki na vhiki, hi ku lunghiselela swiavelo swa vona kahle, ni ku hlanganyela eka swiyenge swa swivutiso. Ku tshembiwa leswaku swichudeni hinkwaswo swi ta languta swiavelo swa swona hi vukheta. Loko xichudeni lexi nga ni nkulumo xi nga ri kona, la swirhandzaka a nga ha teka xiavelo lexi, a tirhisa swihi na swihi leswi a vonaka swi fanele ku endliwa hi nkarhinyana wolowo wutsongo. Kumbe mulanguteri wa xikolo a nga ha hlanganisa mhaka ni vayingiseri va ri karhi va hlanganyela hi laha ku faneleke.
XIYIMISO
Jan. 3 Ku hlaya ka Bibele: Nehemiya 9 ku ya ka 11
Risimu No. 2
No. 1: Ndlela Yo Kuma Vun’we Bya Ntiyiso Bya Vukreste (uw matl. 5-7 tindz. 1-7)
No. 2: Nehemiya 9:4, 26-33, 36-38
No. 3: Ku Endla Swilo Leswi Amukeriwaka Hi Xikwembu (gtTS ndzima 83)
No. 4: tdTS 15A Xikongomelo Xa Xikwembu Hi Misava
Jan. 10 Ku hlaya ka Bibele: Nehemiya 12 na 13
Risimu No. 129
No. 1: Nehemiya—Mhaka Leyi Yi Pfunaka Ha Yona (siTS matl. 90-1 tindz. 16-19)
No. 2: Nehemiya 13:15-18, 23-31
No. 3: Vutihlamuleri Bya Ku Va Mudyondzisiwa (gtTS ndzima 84)
No. 4: tdTS 17B Misava Yi Ta Tshama Yi Akiwile Hi Vanhu
Jan. 17 Ku hlaya ka Bibele: Estere 1 ku ya ka 5
Risimu No. 132
No. 1: Xingheniso Xa Estere (siTS matl. 91-2 tindz. 1-6)
No. 2: Estere 4:6-17
No. 3: Tivonele Ku Tiendla La Lulameke, U Rhandza Ku Titsongahata (gtTS ndzima 85)
No. 4: tdTS 33A Ndlela Ya Ku Tiva Vaprofeta Va Mavunwa
Jan. 24 Ku hlaya ka Bibele: Estere 6 ku ya ka 10
Risimu No. 133
No. 1: Estere—Mhaka Leyi Yi Pfunaka Ha Yona (siTS tl. 94 tindz. 16-18)
No. 2: Estere 6:1-13
No. 3: N’wana La Lahlekeke Ni Tata Wakwe Wa Rirhandzu (gtTS ndzima 86 tindz. 1-9)
No. 4: tdTS 7A Lexi Endlaka Leswaku Ku Hanyisa Ka Moya Ku Va Ka Nkoka
Jan. 31 Ku hlaya ka Bibele: Yobo 1 ku ya ka 3
Risimu No. 62
No. 1: Xingheniso Xa Yobo (siTS matl. 95-6 tindz. 1-6)
No. 2: Yobo 2:1-13
No. 3: Ku Vuya Ka N’wana La Lahlekeke Ku Khumba Van’wana (gtTS ndzima 86 tindz. 10-20)
No. 4: tdTS 7B Mfumo Wa Xikwembu Wu Ta Hanyisa Miri Hi Laha Ku Heleleke
Feb. 7 Ku hlaya ka Bibele: Yobo 4 ku ya ka 6
Risimu No. 158
No. 1: Tinhla Ta Nkoka Ta Vun’we Bya Vukreste (uw tl. 8 ndz. 8 ku ya ka 8 [3])
No. 2: Yobo 6:1-11, 29, 30
No. 3: Lunghiselela Vumundzuku Hi Vutlharhi Lebyi Tirhaka (gtTS ndzima 87)
No. 4: tdTS 7C Ku Hanyisa Hi Ripfumelo Ka Manguva Lawa Ku Tikomba Ku Nga Amukeriwi Hi Xikwembu
Feb. 14 Ku hlaya ka Bibele: Yobo 7 ku ya ka 9
Risimu No. 213
No. 1: Tinhla Leti Hoxaka Xandla Eka Vun’we Bya Vukreste (uw tl. 9 tindz. 8 [4] ku ya ka 9)
No. 2: Yobo 9:1-15
No. 3: Mufuwi Na Lazaro (gtTS ndzima 88 tindz. 1-10)
No. 4: tdTS 7D Ku Vulavula Hi Tindzimi A Ku Ri Lunghiselelo Ra Nkarhinyana
Feb. 21 Ku hlaya ka Bibele: Yobo 10 ku ya ka 12
Risimu No. 191
No. 1: Vakreste Va Ntiyiso Va Papalata Minkucetelo Leyi Pfuxaka Ku Avana (uw matl. 10-11 tindz. 10-12)
No. 2: Yobo 12:1-16
No. 3: Leswi Xifaniso Xa Mufuwi Na Lazaro Xi Vulaka Swona (gtTS ndzima 88 tindz. 11-21)
No. 4: tdTS 31A I 144 000 Ntsena Lava Yaka eTilweni
Feb. 28 Ku hlaya ka Bibele: Yobo 13 ku ya ka 15
Risimu No. 97
No. 1: Tiva Yehovha, U N’wi Twisisa (uw matl. 12-13 tindz. 1-4)
No. 2: Yobo 13:1-13
No. 3: Ntirho Wa Musa eYudiya (gtTS ndzima 89)
No. 4: tdTS 29A Ku Hava Ndzilo Wa Xiviri eTiheleni
Mar. 7 Ku hlaya ka Bibele: Yobo 16 ku ya ka 18
Risimu No. 185
No. 1: Tekelela Xikombiso Xa Yehovha Xa Rirhandzu (uw matl. 14-15 tindz. 5-7)
No. 2: Yobo 16:1-11, 22
No. 3: Yesu U Vulavula Hi Ntshembo Wa Ku Pfuxiwa (gtTS ndzima 90)
No. 4: tdTS 29B Ndzilo I Xikombiso Xa Ndzoviso
Mar. 14 Ku hlaya ka Bibele: Yobo 19 na 20
Risimu No. 85
No. 1: Pfuna Vanhu Va Dyondza Ntiyiso Wa Xikwembu (uw matl. 15-17 tindz. 8 ku ya ka 11 [2])
No. 2: Yobo 19:14-29
No. 3: Yesu U Pfuxa Lazaro (gtTS ndzima 91)
No. 4: tdTS 29C Mhaka Ya Mufuwi Na Lazaro—A Hi Xikombiso Xa Ku Xanisiwa Hi Laha Ku Nga Heriki
Mar. 21 Ku hlaya ka Bibele: Yobo 21 na 22
Risimu No. 95
No. 1: Yehovha I Un’we Ntsena (uw matl. 17-18 tindz. 11 [3] ku yaka 12)
No. 2: Yobo 21:19-34
No. 3: Tlangela Vunene Bya Xikwembu (gtTS ndzima 92)
No. 4: tdTS 30A Vakreste Vo Sungula A Va Nga Hlayisi Masiku Ya Ku Velekiwa Kumbe Khisimusi
Mar. 28 Ku hlaya ka Bibele: Yobo 23 ku ya ka 26
Risimu No. 138
No. 1: Leswi Ku Famba eVitweni Ra Xikwembu Swi Vulaka Swona (uw matl. 18-19 tindz. 13-15)
No. 2: Yobo 24:1, 2, 14-25
No. 3: Loko N’wana Wa Munhu A Paluxiwa (gtTS ndzima 93)
No. 4: tdTS 28A Ku Tirhisa Swifaniso eVugandzerini A Swi Xi Tsakisi Xikwembu
Apr. 4 Ku hlaya ka Bibele: Yobo 27 ku ya ka 29
Risimu No. 180
No. 1: Pfuna Van’wana Leswaku Va Amukela Bibele Tanihi Rito Ra Xikwembu (uw matl. 20-2 tindz. 1-6)
No. 2: Yobo 29:2-18
No. 3: Xilaveko Xa Xikhongelo Ni Ku Titsongahata (gtTS ndzima 94)
No. 4: tdTS 28B Ku Gandzela Swifaniso Swi Vangele Ku Wa Ka Israyele
Apr. 11 Ku hlaya ka Bibele: Yobo 30 na 31
Risimu No. 46
No. 1: Hlaya Bibele Siku Na Siku (uw matl. 23-5 tindz. 7-11)
No. 2: Yobo 31:23-37
No. 3: Tidyondzo eHenhleni Ka Ku Dlaya Vukati Ni Ku Rhandza Vana (gtTS ndzima 95)
No. 4: tdTS 28C Vugandzeri Lebyi Nga “Hetisekangiki” A Byi Amukeriwi Hi Xikwembu
Apr. 18 Ku hlaya ka Bibele: Yobo 32 na 33
Risimu No. 59
No. 1: Dyondzela Ku Tiva Yehovha (uw matl. 25-6 ndz. 12 ku ya ka 12 [1])
No. 2: Yobo 33:1-6, 23-33
No. 3: Yesu Ni Mufumi Lontshwa La Fumeke (gtTS ndzima 96)
No. 4: tdTS 18A Vun’we Bya Ntiyiso A Byi Tisiwi Hi Ku Hlanganisa Vupfumeri
Apr. 25 Mpfuxeto Wo Tsala. Hlanganisani Nehemiya 9 ku ya ka Yobo 33
Risimu No. 42
May 2 Ku hlaya ka Bibele: Yobo 34 ku ya ka 36
Risimu No. 47
No. 1: Kambisisa Nhloko-mhaka Ya Bibele Ni Mongo Wa Matsalwa (uw tl. 26 ndz. 12 [2] na 12 [3])
No. 2: Yobo 34:1-15
No. 3: Xifaniso Xa Yesu Xa Nsimu Ya Vhinya (gtTS ndzima 97)
No. 4: tdTS 18B Leswaku “Vukhongeri Hinkwabyo Byi Vonaka Byi Ri Byinene,” A Hi Swona
May 9 Ku hlaya ka Bibele: Yobo 37 na 38
Risimu No. 162
No. 1: Tirhisa Leswi U Swi Dyondzaka U Tlhela U Swi Avela Van’wana (uw matl. 26-8 tindz. 12 [4] ku ya ka 13)
No. 2: Yobo 37:5-14, 23, 24
No. 3: Yesu U Lunghiselela Vadyondzisiwa Vakwe Swilo Leswi Taka (gtTS ndzima 98)
No. 4: tdTS 43A Vakreste Va Fanele Ku Tirhisa Vito Ra Xikwembu
May 16 Ku hlaya ka Bibele: Yobo 39 na 40
Risimu No. 105
No. 1: Leswi Vaprofeta Va Swi Vulaka Mayelana Na Yesu (uw matl. 29-31 tindz. 1-6)
No. 2: Yobo 40:1-14
No. 3: Yesu U Vuyisa N’wana La Lahlekeke Wa Abrahama (gtTS ndzima 99)
No. 4: tdTS 43B Ntiyiso Wa Vukona Bya Xikwembu
May 23 Ku hlaya ka Bibele: Yobo 41 na 42
Risimu No. 106
No. 1: Yobo—Mhaka Leyi Yi Pfunaka Ha Yona (siTS tl. 100 tindz. 39-43)
No. 2: Yobo 42:1-10, 12-17
No. 3: Xifaniso Xa Tipondho (gtTS ndzima 100)
No. 4: tdTS 43C Ku Tiva Timfanelo Ta Xikwembu
May 30 Ku hlaya ka Bibele: Tipisalema 1 ku ya ka 6
Risimu No. 168
No. 1: Xingheniso Xa Tipisalema—Xiyenge 1 (siTS tl. 101 tindz. 1-5)
No. 2: Pisalema 2:1-12
No. 3: Yesu U Seketela Mariya Hikwalaho Ka Ntirho Wakwe Lowunene (gtTS ndzima 101)
No. 4: tdTS 43D A Hi Hinkwavo Lava Tirhelaka Xikwembu Xin’we
June 6 Ku hlaya ka Bibele: Tipisalema 7 ku ya ka 10
Risimu No. 138
No. 1: Xingheniso Xa Tipisalema—Xiyenge 2 (siTS tl. 102 tindz. 6-11)
No. 2: Pisalema 8:1–9:5
No. 3: Ku Nghena Loku Hlulaka Ka Kreste eYerusalema (gtTS ndzima 102)
No. 4: tdTS 32A Masungulo Ya Timbhoni Ta Yehovha
June 13 Ku hlaya ka Bibele: Tipisalema 11 ku ya ka 17
Risimu No. 64
No. 1: Xiya Swikombiso Swa Vuprofeta (uw matl. 32-3 tindz. 7 ku ya ka 8 [2])
No. 2: Pisalema 14:1–15:5
No. 3: Yesu U Sola Lava Thyakisaka Tempele Ya Xikwembu (gtTS ndzima 103)
No. 4: tdTS 44A Yesu I N’wana Wa Xikwembu, Hosi Leyi Vekiweke
June 20 Ku hlaya ka Bibele: Tipisalema 18 ku ya ka 20
Risimu No. 79
No. 1: Ku Kombisiwa Ka Muprista Wa Hina Lonkulu (uw tl. 33 ndz. 8 [3] na 8 [4])
No. 2: Pisalema 19:1-14
No. 3: Rito Ra Xikwembu Ri Twiwa Ra Vunharhu (gtTS ndzima 104)
No. 4: tdTS 44B Ku Pfumela Eka Yesu Kreste I Swa Nkoka Leswaku Hi Ponisiwa
June 27 Ku hlaya ka Bibele: Tipisalema 21 ku ya ka 24
Risimu No. 144
No. 1: Mhaka Leyi Ku Hundzuka Ni Ripfumelo Swi Nga Swa Nkoka Ha Yona (uw matl. 33-7 tindz. 9-14)
No. 2: Pisalema 23:1–24:10
No. 3: Leswi Swi Fanekiseriwaka Hi Nkuwa Lowu Rhuketeriweke (gtTS ndzima 105)
No. 4: tdTS 44C Ku Laveka Swin’wana Leswi Tlulaka Ku Pfumela Eka Yesu
July 4 Ku hlaya ka Bibele: Tipisalema 25 ku ya ka 29
Risimu No. 160
No. 1: Ku Yingisela Xikwembu Swi Tisa Ntshunxeko Wa Ntiyiso (uw matl. 38-40 tindz. 1-5)
No. 2: Pisalema 26:1-12
No. 3: Ndlela Leyi Varhangeri Va Vukhongeri Va Paluxiwaka Ha Yona (gtTS ndzima 106)
No. 4: tdTS 14A Leswi Mfumo Wa Xikwembu Wu Nga Ta Swi Endlela Vanhu
July 11 Ku hlaya ka Bibele: Tipisalema 30 ku ya ka 33
Risimu No. 130
No. 1: Lomu Ntshunxeko Wa Ntiyiso Wu Nga Kumiwaka Kona Namuntlha (uw matl. 40-2 tindz. 6-9)
No. 2: Pisalema 32:1-11
No. 3: Leswi Xifaniso Xa Nkhuvo Wa Vukati Xi Fanekiselaka Swona (gtTS ndzima 107)
No. 4: tdTS 14B Ku Sungula Ka Ku Fuma Ka Mfumo Valala Va Kreste Va Ha Ri Kona
July 18 Ku hlaya ka Bibele: Tipisalema 34 ku ya ka 36
Risimu No. 167
No. 1: Ntshunxeko Wa Misava I Vuhlonga (uw matl. 42-3 tindz. 10-12)
No. 2: Pisalema 36:1-12
No. 3: Va Tsandzeka Ku Phasa Yesu (gtTS ndzima 108)
No. 4: tdTS 14C Mfumo Wa Xikwembu A Wu Tisiwi Hi Matshalatshala Ya Vanhu
July 25 Ku hlaya ka Bibele: Tipisalema 37 ku ya ka 39
Risimu No. 109
No. 1: Ndlela Ya Ku Vona Vanghana Vo Biha (uw matl. 44-5 tindz. 13, 14)
No. 2: Pisalema 37:23-38
No. 3: Yesu U Sandza Vakaneti Va Yena (gtTS ndzima 109)
No. 4: tdTS 13A Leswi “Ku Hela Ka Misava” Ku Vulaka Swona
Aug. 1 Ku hlaya ka Bibele: Tipisalema 40 ku ya ka 44
Risimu No. 207
No. 1: Mphikamakaneta Leyi Un’wana Ni Un’wana A Faneleke Ku Langutana Na Yona (uw matl. 46-7 tindz. 1-3)
No. 2: Pisalema 41:1-13
No. 3: Vutirheli Bya Yesu Byi Hetisisiwa eTempeleni (gtTS ndzima 110)
No. 4: tdTS 13B Xalamukela Xikombiso Xa Masiku Ya Makumu
Aug. 8 Ku hlaya ka Bibele: Tipisalema 45 ku ya ka 49
Risimu No. 190
No. 1: Tekelela Ripfumelo Ra Lavo Tshembeka (uw matl. 47-52 tindz. 4-11)
No. 2: Pisalema 45:1-7, 10-17
No. 3: Yesu U Nyika Xikombiso Xa Masiku Ya Makumu (gtTS ndzima 111 tindz. 1-11)
No. 4: tdTS 38A Xikwembu Xi Tshembisa Vutomi Lebyi Nga Heriki Eka Vanhu Lava Yingisaka
Aug. 15 Ku hlaya ka Bibele: Tipisalema 50 ku ya ka 52
Risimu No. 170
No. 1: Ntiyiso Wu Nyika Yehovha Xichavo (uw matl. 52-4 tindz. 12-15)
No. 2: Pisalema 51:1-17
No. 3: Yesu U Vula Swin’wana Malunghana Ni Masiku Ya Makumu (gtTS ndzima 111 tindz. 12-19)
No. 4: tdTS 38B Lava Nga eMirini Wa Kreste Hi Vona Ntsena Lava Yaka eTilweni
Aug. 22 Ku hlaya ka Bibele: Tipisalema 53 ku ya ka 57
Risimu No. 103
No. 1: Leswi Hi Swi Dyondzaka Hi Mhaka Ya Ku Va Xikwembu Xi Pfumelele Vubihi (uw matl. 55-7 tindz. 1-7)
No. 2: Pisalema 55:1, 2, 12-23
No. 3: Vanhwana Vo Tlhariha Ni Vo Rivala (gtTS ndzima 111 tindz. 20-8)
No. 4: tdTS 38C Vutomi Lebyi Nga Heriki Byi Tshembisiwa “Tinyimpfu Tin’wana” Ta Ntsandza-vahlayi
Aug. 29 Mpfuxeto Wo Tsala. Hlanganisani Yobo 34 ku ya ka Pisalema 57
Risimu No. 34
Sept. 5 Ku hlaya ka Bibele: Tipisalema 58 ku ya ka 62
Risimu No. 50
No. 1: Vuhomboloki A Byi Kona Eka Xikwembu (uw matl. 58-61 tindz. 8-16)
No. 2: Pisalema 62:1-12
No. 3: Xifaniso Xa Titalenta (gtTS ndzima 111 tindz. 29-37)
No. 4: tdTS 35A Vun’we Bya Vukati Byi Fanele Byi Xiximeka
Sept. 12 Ku hlaya ka Bibele: Tipisalema 63 ku ya ka 67
Risimu No. 45
No. 1: Tshembela Eka Yehovha—U Papalata Matimba Ya Mimoya Leyo Biha (uw matl. 62-4 tindz. 1-5)
No. 2: Pisalema 65:1-13
No. 3: Loko Kreste A Fika eMatimbeni Ya Mfumo (gtTS ndzima 111 tindz. 38-46)
No. 4: tdTS 35B Nawu Wa Vunhloko Wu Fanele Ku Xiximiwa Hi Vakreste
Sept. 19 Ku hlaya ka Bibele: Tipisalema 68 na 69
Risimu No. 82
No. 1: Xalamukela Marhengu Ya Diyavulosi (uw matl. 64-7 tindz. 6-12)
No. 2: Pisalema 68:1-11, 32-35
No. 3: Paseka Yo Hetelela Ya Yesu Yi Tshinele (gtTS ndzima 112)
No. 4: tdTS 35C Vutihlamuleri Bya Vatswari Va Vakreste Eka Vana
Sept. 26 Ku hlaya ka Bibele: Tipisalema 70 ku ya ka 73
Risimu No. 73
No. 1: Hlomani Matlharhi Hinkwawo Ya Xikwembu (uw matl. 67-9 tindz. 13-15)
No. 2: Pisalema 72:1-20
No. 3: Yesu U Nyika Dyondzo Ya Ku Titsongahata (gtTS ndzima 113)
No. 4: tdTS 35D Vakreste Va Fanele Va Tekana Ni Vakreste-kulobye Ntsena
Oct. 3 Ku hlaya ka Bibele: Tipisalema 74 ku ya ka 77
Risimu No. 113
No. 1: Vutivi, Ripfumelo Ni Ku Pfuxiwa (uw matl. 70-3 tindz. 1-7)
No. 2: Pisalema 76:1-12
No. 3: Yesu U Nyikela Xitsundzuxo (gtTS ndzima 114)
No. 4: tdTS 35E Vakreste A Va Teki Tshengwe
Oct. 10 Ku hlaya ka Bibele: Tipisalema 78 na 79
Risimu No. 18
No. 1: Yesu U Ni Swilotlelo Swa Rifu Ni Swa Sirha (uw matl. 73-7 tindz. 8-15)
No. 2: Pisalema 79:1-13
No. 3: Yesu U Dyondzisa Vadyondzisiwa Vakwe Rirhandzu Ni Ku Titsongahata Hi Mbilu Yo Leha (gtTS ndzima 115)
No. 4: tdTS 5A Mariya A A Ri Mana Wa Yesu, Hayi “Mana Wa Xikwembu”
Oct. 17 Ku hlaya ka Bibele: Tipisalema 80 ku ya ka 85
Risimu No. 93
No. 1: Tlangela Mfumo Wa Xikwembu Lowu Tshamaka Hi Masiku (uw matl. 78-81 tindz. 1-9)
No. 2: Pisalema 83:1-18
No. 3: Yesu U Endla Vaapostola Va Lunghekela Ku Famba Kakwe (gtTS ndzima 116 tindz. 1-14)
No. 4: tdTS 5B Bibele Yi Komba Leswaku Mariya A Nga ‘Tshamanga A Ri Wanhwana’
Oct. 24 Ku hlaya ka Bibele: Tipisalema 86 ku ya ka 89
Risimu No. 57
No. 1: Mfumo Wu Ta Hetisisa Xikongomelo Xa Xikwembu Xo Sungula (uw matl. 81-2 tindz. 10-12)
No. 2: Pisalema 86:1-17
No. 3: Vanghana Va Xiviri Va Yesu (gtTS ndzima 116 tindz. 15-25)
No. 4: tdTS 42A Leswi Matsalwa Ma Swi Vulaka Malunghana Ni Xitsundzuxo
Oct. 31 Ku hlaya ka Bibele: Tipisalema 90 ku ya ka 94
Risimu No. 190
No. 1: Leswi Mfumo Se Wu Nga Swi Endla (uw matl. 83-6 tindz. 13-15)
No. 2: Pisalema 90:1-17
No. 3: Yesu U Hlomisa Vadyondzisiwa Vakwe Ni Ku Va Khutaza (gtTS ndzima 116 tindz. 26-37)
No. 4: tdTS 42B Ku Tlangeriwa Ka Xilalelo Xa Khatoliki A Ku Humi Kona eMatsalweni
Nov. 7 Ku hlaya ka Bibele: Tipisalema 95 ku ya ka 101
Risimu No. 172
No. 1: Ndlela Leyi Hi Rhangaka Hi Lava Mfumo Ha Yona (uw matl. 87-9 tindz. 1-6)
No. 2: Pisalema 100:1–101:8
No. 3: Xikhongelo Xo Hetelela Xa Yesu eNdlwini Ya Le Henhla (gtTS ndzima 116 tindz. 38-51)
No. 4: tdTS 19A Vakreste Hinkwavo Va Fanele Ku Va Vatirheli
Nov. 14 Ku hlaya ka Bibele: Tipisalema 102 ku ya ka 104
Risimu No. 1
No. 1: Landzelela Ntila Wa Vadyondzisiwa Vo Sungula (uw matl. 90-1 tindz. 7-9)
No. 2: Pisalema 103:1-14, 21, 22
No. 3: Gome eNtangeni (gtTS ndzima 117)
No. 4: tdTS 19B Timfanelo Ta Vutirheli
Nov. 21 Ku hlaya ka Bibele: Tipisalema 105 na 106
Risimu No. 201
No. 1: Rhangisa Mfumo Hi Wexe (uw matl. 91-4 tindz. 10-15)
No. 2: Pisalema 106:1-12, 47, 48
No. 3: Ku Xengiwa Ni Ku Khotsiwa Ka Yesu (gtTS ndzima 118)
No. 4: tdTS 21A Lexi Endlaka Vakreste Va Ntiyiso Va Vengiwa
Nov. 28 Ku hlaya ka Bibele: Tipisalema 107 ku ya ka 109
Risimu No. 202
No. 1: Leswi Matsalwa Ma Swi Vulaka Hi Nkhuvulo Wa Yohane (uw 95-6 tindz. 1-5)
No. 2: Pisalema 108:1-13
No. 3: Yesu U Khomiwa Hi Tihanyi Ni Ku Tengisiwa Loku Nga Riki eNawini (gtTS ndzima 119)
No. 4: tdTS 21B Wansati A Nga Fanelanga A Pfumelela Nuna Wakwe A N’wi Hambanisa Ni Xikwembu
Dec. 5 Ku hlaya ka Bibele: Tipisalema 110 ku ya ka 115
Risimu No. 17
No. 1: Ku Khuvuleriwa Eku Feni (uw matl. 97-8 tindz. 6-8)
No. 2: Pisalema 110:1-7; 114:1-8
No. 3: Ku Chava Munhu Ku Endla Leswaku Petro A Kaneta Kreste (gtTS ndzima 120)
No. 4: tdTS 21C Wanuna A Nga Fanelanga A Pfumelela Nsati Wakwe A N’wi Sivela Ku Tirhela Xikwembu
Dec. 12 Ku hlaya ka Bibele: Tipisalema 116 ku ya ka 119:32
Risimu No. 195
No. 1: Ku Khuvuriwa “Hi Vito Ra Tatana, Ni Ra N’wana, Ni Ra Moya Lowo Kwetsima” (uw tl. 98 ndz. 9)
No. 2: Pisalema 116:1-19
No. 3: Yesu U Vula Ntiyiso Hi Xivindzi eMahlweni Ka Sanedri Na Pilato (gtTS ndzima 121)
No. 4: tdTS 41A Swikhongelo Leswi Xikwembu Xi Swi Yingisaka
Dec. 19 Ku hlaya ka Bibele: Pisalema 119:33-112
Risimu No. 59
No. 1: Nkhuvulo Ni Vutihlamuleri Bya Vukreste (uw matl. 99-102 tindz. 10-14)
No. 2: Pisalema 119:97-112
No. 3: Pilato Na Heroda A Va Xi Kumi Xihoxo Eka Yesu (gtTS ndzima 122)
No. 4: tdTS 41B Lexi Endlaka Leswaku Swikhongelo Swin’wana Swi Nga Tirhi
Dec. 26 Mpfuxeto Wo Tsala. Hlanganisani Tipisalema 58 ku ya ka 119:112
Risimu No. 155