Switiviso

◼ Tibuku leti nga ta tirhisiwa hi November: Bibele​​—⁠⁠I Rito Ra Xikwembu Kumbe I Ra Munhu? hi munyikelo wa R3,00. December: Nghwazi Leyi Tshameke Yi Hanya hi munyikelo wa R9,00. January: Buku yin’wana ni yin’wana ya khale ya matluka ya 192 leyi humesiweke emahlweni ka 1980 leyi nga kona exitokweni xa vandlha hi munyikelo wa R1,00. Mavandlha ma nga ha oda buku leyi landzelaka ya nyiko yo hlawuleka eka Sosayiti: Ntiyiso Lowu Yisaka eVuton’wini Lebyi Nga Heriki. Mavandlha ma nga kombela ku hunguteriwa nxavo eka tibuku leti tekiweke hi vahuweleri ni maphayona. Hi nkarhi wa tsima ntsena, nxavo wa maphayona ya nkarhi hinkwawo ni yo hlawuleka i 60 wa tisente. Eka vahuweleri va vandlha ni maphayona ya nkarhinyana, nxavo wa kona i R1,00. February: U Nga Hanya Hi Masiku aParadeyisini eMisaveni hi munyikelo wa R9,00. Tibuku ta mpimo lowutsongo i R4,50.

◼ XITSUNDZUXO: Tiyiseka leswaku u kuma beji ya wena ya Ntsombano wa Muganga wa “Dyondzo Ya Xikwembu” ka ha ri ni nkarhi. Muhuweleri un’wana ni un’wana u fanele a va na yona entsombanweni, leswi swi nga ta ku fungha tanihi un’wana wa Timbhoni ta Yehovha. Leswi swi ta tlhela swi pfuna vapfhumba va le ka matiko mambe eka mintsombano ya mune ya matiko hinkwawo leswaku va ku tiva, leswi swi nga ta endla leswaku hi va ni vunghana lebyi akaka ni vamakwerhu lava endzeke.

◼ Eka matsalana ni nandza wa tiakhawunti: Ticheke leti rhumeriwaka eka Sosayiti ti fanele ku tsariwa Watch Tower Society tanihi hi yona yi kumaka mali, naswona ku nga tsariwi WTB & TS, hikuva banki a yi swi koti ku tiva kahle leswaku i mani loyi mali yi yaka eka yena. Nakambe, loko mi endla mindzululamiso echekeni, hi kombela mi tiyiseka leswaku vanhu vambirhi lava hlawuleriweke sweswo va sayina hi ku HELELA ematshan’wini yo tsala hi ku komisa.

◼ HI KOMBELA MI XIYA: Masiku ya ntsombano wa muganga wa le Bloemfontein ma cinciwile ma ya eka December 23-26, 1993. Ndhawu na yona yi cinciwile. Ntsombano sweswi wu ta khomiwa eSpringbok Park Cricket Stadium, lexi nga ekusuhi na Rugby Stadium.

◼ Masiku ya ntsombano wa muganga wa le Gaborone, eBotswana, ma cinciwile ma ya eka December 16-19, 1993. Sweswi ntsombano lowu wu ta va eYunivhesiti ya Botswana eOld refectory and Student Union Hall.

◼ Tikhasente Ta Vhidiyo Letintshwa Leti Kumekaka:

Xinghezi: The Bible​​—⁠⁠Accurate History, Reliable Prophecy (vandlha ni vanhu: R45,00; maphayona R40,00).