Switsundzuxo Leswi Fikeke Hi Nkarhi
1 Vo tala va hina hi ta va hi nga ri kona emavandlheni ya le kaya hi December. Vunyingi bya vamakwerhu byi ta ya entsombanweni wa muganga naswona van’wana va nga ha hlanganisa nkarhi wa vona wo wisa wa lembe na lembe ni nkarhi wa ku ya entsombanweni wa muganga. Loko hi ta va hi nga ri kona eku heleni ka December, hi fanele ku tiyiseka leswaku hi rhumela swiviko swa ntirho wa nsimu eka matsalana wa vandlha. Leswi hi fanele ku swi endla ka ha ri ni nkarhi leswaku swi ta katsiwa ni xiviko xa vandlha xa n’hweti na n’hweti, lexi matsalana a xi hlanganisaka ivi a xi rhumela eka Sosayiti ku nga si fika siku ra vutsevu ra n’hweti. Nhlayo leyikulu ya vamakwerhu yi ta va kona eka mintsombano ya matiko hinkwawo ku sukela hi December 30 ku ya eka January 2. Leswi swi nga ha endla leswaku matsalana a nonon’hweriwa swinene ku kuma xiviko xa wena xa ntirho wa nsimu hi nkarhi. Swi nga antswa leswaku swiviko swa n’wina mi swi yisa hi Sonto, December 26. Loko u tshuka u ya ensin’wini endzhaku ka siku rero, u nga ha wu nghenisa eka xiviko xa wena xa January 1994.
2 Nakambe hi fanele ku xalamukela minkarhi ya ku nyikela vumbhoni hi xitshuketa. Minkarhi yo tano yi nga ha va kona loko hi ri endleleni, hi endzela maxaka kumbe loko hi vulavurisana ni lava hi hlanganaka na vona. Xana minkarhi ya ku nyikela vumbhoni hi yi languta hi laha Yesu a yi languteke ha kona? A nga tshikanga ku nyikela vumbhoni hi xitshuketa. (Yoh. 4:5-30) Muapostola Pawulo hi laha ku fanaka ‘u xave nkarhi lowu nga kona’ ivi a kuma vuyelo lebyinene. (Ef. 5:16; Mint. 17:17; 28:30, 31; Kol. 4:5) Hambi loko hi ya entsombanweni hi nga nyikela vumbhoni. Ndlela yin’wana ya ku endla leswi i ku tshama u vehele beji ya wena. Leswi swi nga ha ku nyika nkarhi wo nyikela vumbhoni. Nakambe u nga ha kuma leswaku ku ni minkarhi ya ku nyikela vumbhoni emahlweni ka nongonoko ni le ndzhaku ka wona siku na siku. Lungheka kahle hi tinhla ti nga ri tingani to vulavurisana naswona u tamela timagazini ni swiphephana leswaku u pfuxa ku tsakela.
3 Loko hi swi landzelerisisa khwatsi switsundzuxo leswi, hi ta tirhisa nkarhi wa hina hi vutlharhi ximumu lexi, naswona hi ta va hi nyika Yehovha “ŝirangana.”—Swiv. 3:9.