Minhlangano Ya Ntirho Ya February

Vhiki Leri Sungulaka Hi February 7

Risimu 131

15 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa ndlela yo fambisa timagazini ta hina ta minkandziyiso ya sweswinyana. Pfuxeta tinhla-nkulu eka Bokisi Ra Swivutiso.

18 min: “Pfuxa Ku Tsakela eMfun’weni Wa Xikwembu Wa Ku Rhula.” Bula hi xihloko ni vayingiseri. Minkombiso mimbirhi. Endzhaku ko bula hi ndzimana 2, kombisa ndlela leyi xiphephana xi nga fambisiwaka ha yona eka n’wini wa muti loyi a khomekeke. Hlela leswaku muhuweleri a vutisa xivutiso hi xichavo, xivutiso lexi nga ta va xisekelo xa riendzo ro vuyela. Vana ni nkombiso eka ndzimana 3, laha n’wini wa muti a kombisaka ku tsakela ivi muhuweleri a tirhisa buku leyi nge Hanya Hi Masiku. Nakambe, ku fanele ku vekiwa xisekelo xa riendzo ro vuyela.

12 min: “Xana Wa Yi Xixima Ndhawu Ya Wena Yo Gandzela Eka Yona?” Nkulumo hi nkulu, leyi sekeriweke eka Xihondzo xo Rindza xa June 15, 1993. Tirhisa rungula eka xiyimo xa kwalaho. Loko ku ri ni xiphiqo xo karhi lexi faneleke xi lulamisiwa, nyika ndzayo leyi faneleke hi vutlharhi.

Risimu 137 ni xikhongelo xo pfala.

Vhiki Leri Sungulaka Hi February 14

Risimu 126

10 min: Switiviso swa vandlha. Xiviko xa timali. Vula marito ya Sosayiti yo nkhensa minyikelo leyi rhumeriweke, naswona u bumabumela vandlha hi ku seketela swilaveko swa vandlha hi ku tshembeka. Khutaza ku hlanganyela entirhweni wa nsimu hi mahelo-vhiki. Naswona vula malunghiselelo ya Siku ro hlawuleka ra Timagazini hi April 9, u khutaza vahuweleri leswaku va endla malunghiselelo ka ha ri sweswi, hi ku oda timagazini leti engetelekeke.

20 min: “Yisa Nhluvuko eMahlweni Hi Maendzo Yo Vuyela Lama Pfunaka.” Bulo ra swivutiso ni tinhlamulo. Vana ni nkombiso wa riendzo ro vuyela leri sekeriweke emhakeni leyi nga le ka ndzimana 3. Kandziyisa xilaveko xo tirhisa vutlharhi leswaku ku nga hlanganisiwi mhaka yo tala ngopfu eriendzweni, naswona kandziyisa nkoka wa ku pfuxa ku tsakela eka riendzo leri landzelaka.

15 min: “Va Vengiwile Hi Vanhu Va Matiko Hinkwawo.” Nkulumo hi nkulu loyi a nga ni ntokoto.

Risimu 122 ni xikhongelo xo pfala.

Vhiki Leri Sungulaka Hi February 21

Risimu 198

5 min: Switiviso swa vandlha. Marungula Ya Swa Mfumo.

15 min: “Dzunisani Mativula Ya Yehovha!” Ku hlanganisiwa ka xihloko hi swivutiso ni tinhlamulo. Nkulumo leyi khumbaka ni leyi hisaka, leyi nyikeriwaka hi nkulu, leyi khutazaka hinkwavo ku tsala mavito ya vanhu lava va nga ta va rhamba ku va kona eXitsundzuxweni ni le minhlanganweni ya nkarhi na nkarhi leyi landzelaka. Kombisa tinhla leti kombisiweke eka ndzimana 7. Vana ni nkombiso wa muhuweleri loyi a tshinelelaka munhu loyi a nghenaka eHolweni ya Mfumo a ri karhi a rhalarhala matlhelo hinkwawo. Muhuweleri u byeriwa leswaku munhu loyi u khutaziwe hi xaka rakwe leri tshamaka edorobeni rin’wana leswaku a ta. Muhuweleri u rhamba munhu loyi leswaku a ta tshama ni ndyangu wakwe leswaku va ta tirhisa swin’we Bibele yakwe ni buku yakwe ya tinsimu. Muhuweleri u tshembisa ku hlamula swivutiso swihi ni swihi leswi munhu loyi a nga ha vaka a ri na swona endzhaku ka nhlangano. Gimeta bulo hi ku tivisa nkarhi lowu vandlha ri nga ta va ni nkhuvo wa Xitsundzuxo hi wona.

10 min: Bibele​—⁠Xihlovo Xa Hina Lexinene Xa Xikhutazo. Buku leyi nge Reasoning, matluka 117-21. Nkulumo hi nkulu. Vo tala lava nga le vandlheni ni lava nga ehandle va lava xikhutazo. Kombisa ndlela leyi muhuweleri un’wana ni un’wana a nga tirhisaka Rito ra Xikwembu ha yona eku khutazeni ka van’wana.

15 min: “Vona Ndlela Leyi Swi Pfunaka Ha Yona Ku Tsundzuka Leswi Yehovha A Swi Endleke!” Bulo ra swivutiso ni tinhlamulo ra tindzimana 1-11 ta xihloko lexi xa xiengetelo. Vana ni tinhlamuselo leti lunghiseleriweke hi vamakwerhu vambirhi lava nga ni swiyimiso swa vona vini kumbe swa ndyangu, swo hlaya buku leyi. Va kombele va vula leswi va swi tsakeleke loko va yi dyondza.

Risimu 208 ni xikhongelo xo pfala.

Vhiki Leri Sungulaka Hi February 28

Risimu 219

5 min: Switiviso swa vandlha. Vula buku leyi fambisiwaka hi March.

15 min: “Vona Ndlela Leyi Swi Pfunaka Ha Yona Ku Tsundzuka Leswi Yehovha A Swi Endleke!” Ku hlanganisiwa hi swivutiso ni tinhlamulo ka tindzimana 12-20 ta xiengetelo. Vana ni tinhlamuselo timbirhi leti lunghiseleriweke ta vahuweleri lava vuyeriweke hi ku hlaya buku leyi.

15 min: “Seketela Hi Ku Helela Xiyimiso Xa Minhlangano Ya Le Rivaleni Ya Vandlha Ra Ka N’wina.” Nkulumo, kambe yi nga ha katsa xivutiso xin’we kumbe swimbirhi leswi kongomisiweke eka vayingiseri. Hlamusela ndlela leyi vanhu lava tsakelaka lava taka ro sungula eMinhlanganweni ya le Rivaleni va nga endliwaka ha yona leswaku va titwa va amukelekile. Vana ni muhuweleri la lunghiseleleke la hlamuselaka ndlela leyi a pfunekeke ha yona hi ku hlanganyela Minhlangano ya le Rivaleni nkarhi na nkarhi.

10 min: “Tivonele Eka Tintswalo Leti Nga Fanelangiki.” Nkulumo.

Risimu 197 ni xikhongelo xo pfala.