Marungula Ya Swa Mfumo

Botswana: Komiti yo Aka ya Xifundzha ya le Pietersburg yi sungule ntirho wo aka wa xihatla endhawini ya le kule swinene eFrancistown, Botswana. Holo leyintshwa ya Mfumo yi hlanganisiwe ni kaya ra varhumiwa ra ndhawu leyi. Vamakwerhu lava humaka eka Komiti yo Aka ya Xifundzha ya le Botswana va pfunete vatirhi vo tirhandzela lava humaka exifundzheni xa le Pietersburg. Holo yi ta nyiketeriwa eku sunguleni ka October.

Afrika Dzonga: Mavandlha ya ntlhanu ma tsakele ku nyiketeriwa ka Tiholo ta wona ta Mfumo letintshwa. Hi lama landzelaka, Piet Retief edzongeni wa Transvaal, Ndwedwe North eNatal, Heilbron eOrange Free State, Pankop en’walungwini wa Pitori na Cape Town Central.

 Hi ti-4 ta September swichudeni swin’wana swa 11 leswi humaka eAfrika Dzonga ni le matikweni lama nga akelana na rona swi thwasile eXikolweni xa Ndzetelo wa Vutirheli eZambia. Eku heleni ka lembe leri, swichudeni swa 29 leswi humaka ensin’wini ya hina swi ta va swi twasile ku sukela loko xikolo lexi xi sungurile hi October 1993.

Swaziland: Ku akiwe Holo ya Mfumo eMbabane, ntsindza wa Swaziland. Leyi i holo yo sungula edorobeni leri naswona yi tirhisiwa hi mavandlha mambirhi. Hi mpfuno wa vamakwerhu va le Swaziland, ntirho lowu wo aka hi xihatla wu endliwe hi Komiti yo Aka ya Xifundzha ya le Witwatersrand. Madzana ya Vatirhi vo Tirhandzela vo Aka Tiholo ta Mfumo lava nga ni vuswikoti lava humaka eJoni na le Pitori va hlangane eMbabane kutani va heta muako hi masiku ma nga ri mangani. Ka Manzini, ku nga ndhawu yin’wana leyikulu ya Swaziland, na kona ku akiwa Holo ya Mfumo.