MINHLANGANO YA NTIRHO YA MARCH

Vhiki Leri Sungulaka Hi March 6

Risimu 25

13 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Bula hi Bokisi Ra Swivutiso.

15 min: “Hi Nyikiwa Swo Tala​—⁠Ku Laviwa Swo Tala.” Swivutiso ni tinhlamulo. Khutaza lava fanelekaka leswaku va ehleketa hi ku tsarisa tanihi maphayona ya nkarhinyana hi April.

17 min: “Ku Huwelela ‘Marito Ya Vuprofeta.’” Hlamusela tinhla-nkulu. Rhamba vayingiseri leswaku va rungula mintokoto leyi va yi tsakeleke hi ku hlaya kumbe ku fambisa buku leyi nge Ku Chaputa Ka Nhlavutelo. Khutaza hinkwavo leswaku va tiyimisela loko va fambisa buku leyi, tanihi leswi yi vulavulaka hi swiendlakalo swa sweswinyana leswi khumbaka un’wana ni un’wana. Vana ni nkombiso wun’we kumbe yimbirhi ya swingheniso.

Risimu 31 ni xikhongelo xo pfala.

Vhiki Leri Sungulaka Hi March 13

Risimu 24

10 min: Switiviso swa vandlha. Endla nhlamuselo yo koma leyi yisaka nyingiso eka bokisi leri nge “Xitsundzuxo Eka Matsalana Ni Mulanguteri Wa Ntirho.” Xiviko xa timali.

15 min: “Xiphephana Xa Kingdom News Lexi Fikeke Hi Nkarhi Xi Ta Hangalasiwa eMisaveni Hinkwayo.” Nkulumo hi nkulu. Kandziyisa nkoka wa ntirho lowu wo hlawuleka lowu nga ta va kona hi April na May. Khutaza hinkwavo, kun’we ni lavantshwa, leswaku va hlela ku hlanganyela hi xitalo.

20 min: “Ntirho Wa Le Bethele​—⁠Ku Laveka Vatirhi Va Ku Tirhandzela Lava Engetelekeke.” Ku hlanganisiwa ka swivutiso ni tinhlamulo ka tindzimana 1-13.

Risimu 36 ni xikhongelo xo pfala.

Vhiki Leri Sungulaka Hi March 20

Risimu 40

15 min: Switiviso swa vandlha. Kombisa ndlela leyi ndyangu wu nga tirhisaka 1995 Yearbook ha yona. Swirho swa ndyangu swi kombisa ku tlangela buku leyi; tatana u pfuxeta tinhla-nkulu ta xingheniso leti nga eka matluka 3-11 hi ku komisa. Va bula hi ndlela leyi va nga ta ringeta ku hlaya swin’we matluka ma nga ri mangani ya Yearbook vhiki rin’wana ni rin’wana ni ku vona leswaku siku na siku va kambisisa tsalwa ra Bibele leri hlawuriweke eka xibukwana lexi nge Ku Kambisisa Matsalwa Siku Na Siku.

15 min: Swilaveko swa vandlha. Kumbe nkulumo leyi nge “Loko Mi Kolota Swibalo, Swi Hakeleni,” eka Xihondzo xo Rindza xa November 15, 1994, matluka 26-⁠8.

15 min: “Pfuna Van’wana Leswaku Va ‘Landza Leswi Tsariweke.’” Hlamusela tinhla-nkulu, kutani u endla nkombiso wa riendzo rin’we kumbe mambirhi yo vuyela.

Risimu 52 ni xikhongelo xo pfala.

Vhiki Leri Sungulaka Hi March 27

Risimu 205

5 min: Switiviso swa vandlha. Tsundzuxa vahuweleri leswaku va vika ntirho wa vona wa March hi ku hatlisa. Vafambisi va dyondzo ya buku va fanele ku vonana ni vahuweleri hinkwavo lava nga enxaxamelweni lowu va wu kumeke eka matsalana, va va khutaza ku yisa swiviko swihi na swihi leswi nga hlwela.

12 min: “Xiendlakalo Xa Nkoka Swinene eMatin’wini Ya Munhu.” Bula ni vayingiseri. Hlamusela malunghiselelo ya Xitsundzuxo ya vandlha. Hlamusela xivangelo xa ku rhamba lava tsakelaka ni ku va pfuna leswaku va va kona.

18 min: “Ntirho Wa Le Bethele​—⁠Ku Laveka Vatirhi Va Ku Tirhandzela Lava Engetelekeke.” Loko u hlanganisa tindzimana 14-18, vana ni nkombiso lowu eka wona tatana a vulavulaka ni n’wana wa mufana wa kondlo-a-ndzi-dyi malunghana ni pakani ya ntirho wa le Bethele ni leswi n’wana a nga swi endlaka leswaku a wu lunghekela hi ku pfumelelana ni swiringanyeto leswi nyikeriweke. Loko ku ri ni swirho swa khale kumbe swa sweswinyana swa ndyangu wa Bethele evandlheni, tatana a nga ha katsa makwerhu un’we kumbe vambirhi ebulweni ni n’wana wa yena. Endzhaku ka nkombiso tindzimana 19-23 ti fanele ku hlanganisiwa hi swivutiso ni tinhlamulo.

10 min: Ku fambisa xikhokhelo xa Xihondzo xo Rindza hi April. Kambela swiringanyeto leswi landzelaka swa ku fambisa swikhokhelo hi yindlu ni yindlu: Vana ni n’wayitelo wa xinghana. Vana la hisekaka. Vulavula kahle. Hlamusela xihloko xin’we ntsena eka magazini wun’we. Nyiketa n’wini wa muti magazini. Loko nyiko ya xikhokhelo yi ariwa, fambisa timagazini timbirhi. N’wi byele leswaku u ta tlhela u vuya ni minkandziyiso leyi landzelaka. Gimeta hi ndlela leyinene loko timagazini ti ariwa. Hlayisa rhekhodo ya hinkwavo lava tsakelaka ni lomu u fambiseke kona. Loko u gimeta, vana ni nkombiso wa xingheniso xin’we kumbe swimbirhi leswi kombisaka ku fambisiwa ka timagazini ta sweswinyana.

Risimu 176 ni xikhongelo xo pfala.