MINHLANGANO YA NTIRHO YA APRIL

Vhiki Leri Sungulaka Hi April 3

Risimu 203

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Hlamusela xihloko lexi nge “Lunghiselelani Swilo Swa Xitsundzuxo.” Tsundzuxa vahuweleri lava nga siki tisaka swiviko swa vona swa ntirho wa nsimu wa March leswaku va swi tisa handle ko hlwela. Matsalana ni mufambisi wa dyondzo ya buku va fanele ku kambisisa leswaku ku tisiwa hinkwaswo swiviko swa ntirho wa nsimu leswi xiyekaka swa n’hweti leyi hundzeke.

15 min: “Ku Nkhensa Leswi Hi Nyikiweke Swona.” Swivutiso ni tinhlamulo. Loko nkarhi wu pfumela, endla tinhlamuselo leti engetelekeke leti sekeriweke eka Xihondzo xo Rindza xa August 1, 1990, matluka 19-20, tindzimana 15-20.

20 min: “Xihondzo xo Rindza Ni Xalamuka!​—⁠Timagazini Ta Minkarhi Ya Hina Ya Nkoka!” Bula ni vayingiseri. Hlamusela ntokoto wo kombisa ku tlangela timagazini. (g91 7/22 tl. 9) Vana ni vahuweleri vambirhi va kombisa ndlela yo lunghiselela rungula hi ku tirhisa swiringanyeto leswi nyikeriweke, kutani va nyikela rungula hi ku cincana, un’wana a va n’wini wa muti un’wana a va muhuweleri.

Risimu 219 ni xikhongelo xo pfala.

Vhiki Leri Sungulaka Hi April 10

Risimu 212

10 min: Switiviso swa vandlha. Xiviko xa timali ni marito yo tlangela minyikelo. Marungula Ya Swa Mfumo. Tsundzuxa un’wana ni un’wana mayelana ni xilaveko xo pfuna vanhu lava tsakelaka leswaku va va kona eXitsundzuxweni. Khutaza hinkwavo ku endla matshalatshala lama hlawulekeke yo hlanganyela entirhweni wa nsimu mahelo-vhiki lawa.

15 min: “Ku Hlayisa Vun’we Bya Hina Bya Mfumo.” Bula ni vayingiseri.

20 min: ‘Ku Ni Swo Tala Swo Swi Endla eNtirhweni Wa Hosi.’ Yi hlanganisiwa hi swivutiso ni tinhlamulo hi mulanguteri wa ntirho. Hlamusela malunghiselelo lama engetelekeke yo hangalasa xiphephana lexi hlawulekeke xa Kingdom News hi yindlu na yindlu. Bula hi makungu yo hlanganisa nsimu hinkwayo leyi aviweke ya vandlha. Hlamusela leswi faneleke ku endliwa ku pfuna lavantshwa leswaku va sungula ku hlanganyela entirhweni wa nsimu. (Vona Vutirheli Bya Hina Bya Mfumo bya March 1995, tluka 1.)

Risimu 150 ni xikhongelo xo pfala.

Vhiki Leri Sungulaka Hi April 17

Risimu 214

13 min: Switiviso swa vandlha. Hlamusela tinhla-nkulu leti khutazaka ta nkhuvo wa Xitsundzuxo, kutani u hlamusela tindlela leti mpfuno lowu engetelekeke wu nga nyikiwaka ha tona eka lavantshwa lava veke kona. Khutaza hinkwavo ku va kona eka nkulumo yo hlawuleka hi April 23 ni ku tlhela va pfuna lava ha ku tsakelaka leswaku va tlhela va va kona. Hlamusela malunghiselelo ya ntirho wa nsimu yo hangalasa xiphephana xa Kingdom News.

15 min: “Xana Wa Xi Vona Xilaveko?” Swivutiso ni tinhlamulo. Hi ku komisa hlamusela tipakani ta sweswinyana leti vakulu va ringetaka ku ti fikelela entirhweni wa vona wa vurisi. Hlamusela leswi vanhu va nga swi endlaka leswaku va pfuna.

17 min: “Lavisisa Lava Dyondzisekaka.” Bula hi nkoka wa ku endla maendzo yo vuyela. Khutaza ku tirhisiwa ka Bibele. Vana ni nkombiso wa rungula rin’we kumbe mambirhi hi ku komisa.

Risimu 197 ni xikhongelo xo pfala.

Vhiki Leri Sungulaka Hi April 24

Risimu 167

15 min: Switiviso swa vandlha. Hlamusela nhluvuko wa ku hangalasiwa ka xiphephana xa Kingdom News ensin’wini. Rhamba vahuweleri leswaku va hlamusela mintokoto leyi va yi tsakeleke hi ku fambisa xiphephana xa Kingdom News. Ringanyeta marungula ya timagazini lawa ma nga ta fanela ensin’wini ya ka n’wina. Tivisa malunghiselelo wahi ni wahi ya vandlha yo hlanganyela eku nyikeleni ka vumbhoni ni madyambu. Tsundzuxa un’wana ni un’wana, ku katsa ni lava ha ku vaka vahuweleri lava nga khuvuriwangiki, ku tisa swiviko swa vona swa April, swa ntirho wa nsimu hi nkarhi. Loko hinkwerhu hi tirhisana, ku nga fikeleriwa nhlohlorhi leyikulu leyintshwa ya vahuweleri hi April.

12 min: Swilaveko swa vandlha. Kumbe ku nyikeriwa nkulumo leyi nge, Vana La Khutazaka Eka Van’wana, leyi sekeriweke eka Xihondzo xo Rindza xa January 15, 1995, matluka 21-3.

18 min: Fambisa Dyondzo Ya Ndyangu Wa Wena Nkarhi Na Nkarhi. Wanuna ni wansati va phofula ku karhateka mayelana ni ku pfumaleka ka nhluvuko wa moya eka vana va vona. Wanuna u pfumela leswaku a a honisa mhaka ya ku fambisa dyondzo ya ndyangu; minkarhi yin’wana mavhiki yo hlaya ma hundza a nga wu letelanga ndyangu. Va pfuxeta switsundzuxo ni nkongomiso lowu nyikeriweke eka Buku Yo Letela Ya Xikolo, matluka 37-⁠8, tindzimana 12-14. Havambirhi va pfumelelana leswaku va ta rhangisa dyondzo ya ndyangu vhiki rin’wana ni rin’wana, va nga pfumeleli mintirho yin’wana yi kavanyeta.

Risimu 142 ni xikhongelo xo pfala.