MPFUXETO WA XIKOLO XA VUTIRHELI BYA LE TILWENI

Mpfuxeto wo pfala tibuku wa mhaka leyi hlanganisiweke eswiavelweni swa Xikolo xa Vutirheli bya le Tilweni swa mavhiki ya January 2 ku ya ka April 17, 1995. Tirhisa phepha leri hambaneke ku tsala tinhlamulo ta swivutiso swo tala hi laha u nga swi kotaka ha kona hi nkarhi lowu nyikiweke.

[Xiya: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xin’wana ni xin’wana. Swikombo leswi landzelaka swivutiso i swa ndzavisiso wa wena n’wini. Tinomboro ta matluka ni tindzimana swi nga ha endleka ti nga humeleli eka tinhlamuselo hinkwato ta Xihondzo xo Rindza.]

Hlamula yin’wana ni yin’wana ya tinhlamuselo leti landzelaka, u ku I Ntiyiso kumbe I Mavunwa:

1. Mhaka ya vuhosi entiyisweni i mphikamakaneta ya leswaku i mani loyi a nga ni matimba, Yehovha kumbe Sathana. [jv-TS matl. 11-12]

2. Vandlha ra Vukreste ra lembe xidzana ro sungula a ri ri mintlawa leyi nga yoxe ya mavandlha ya kwalaho lama tilawulaka. [jv-TS tl. 29 tindz. 1-⁠3]

3. Ku amukela ndzayo i xikombiso xa ku tsana. [uw-TS tl. 127 ndzim. 4]

4. Marito lama nge “mulanguteri” na “nkulukumba,” kumbe “nkulu,” entiyisweni hinkwawo ma vula xiyimo lexi fanaka. [jv-⁠TS tl. 35 nhlamuselo ya le hansi]

5. Swivuriso 11:​25 i xikombiso xa mianakanyo leyi yelanaka ya vuphati bya Xiheveru, naswona Swivuriso 10:⁠7 i xikombiso xa ku yelana loku hambanaka. [si-TS tl. 107 ndz. 7]

6. Hi 33 C.E., loko a pfuxiwa ivi a ya tshama evokweni ra xinene ra Xikwembu, Yesu u sungule ku fuma enkarhini wolowo eka vadyondzisiwa vakwe lava totiweke. (Kol. 1:​13) [gt-TS ndzima 132]

7. Malembe ya kwalomu ka 3 000 vativi va sayense va nga si tiva fambiselo ra xitekela, Pisalema 139:​13-16 yi vulavule hi rona. [Ku hlaya ka Bibele ka vhiki na vhiki; vona w92-TS 5/15 tl. 4.]

8. Swivuriso 8:​22-31 hi yona ntsena nhlamuselo ya vutlharhi. [Ku hlaya ka Bibele ka vhiki na vhiki; vona w87-TS 5/15 tl. 28.]

9. Mukreste wa ntiyiso a nga fanelanga a venga nchumu ni wun’we. [Ku hlaya ka Bibele ka vhiki na vhiki; vona w92-TS 1/1 tl. 21.]

10. Hikwalaho ka leswi vunyingi bya Vakreste vo sungula va nyikeleke vumbhoni va langutane ni rifu, rito ra Xigriki leri nge “mbhoni” a ri ri ni nhlamuselo leyi a yi vula vanhu lava va tiyimiseleke ku fela ripfumelo ra vona. [jv-TS tl. 13]

Hlamula swivutiso leswi landzelaka:

11. Vula timbhoni tinharhu ta Yehovha ta le mahlweni ka Ndhambi. [jv-TS matl. 13-14]

12. Hi ku ya hi Esaya 43:​10 na 61:​1, 2, xana Yesu a a fanele ku va mbhoni ya Yehovha hikwalaho ka swivangelo swihi swimbirhi? [jv-TS tl. 19 ndz. 4]

13. Loko Vayuda lava endzhaku va veke Vakreste va ri tivile vito ra Xikwembu ka ha ri emahlweni, xana Yesu u va tivise rona hi ndlela yihi? [jv-TS tl. 21 ndz. 1]

14. Hi kwihi ku cinca kumbirhi ka nkoka loku ngheneke evandlheni ku nga si hela malembe ya 150 endzhaku ka rifu ra vaapostola vo hetelela? [jv-TS tl. 35 ndz. 2, tl. 36 ndz. 2]

15. Hambi leswi Ndzhundzhunuko wu hetisiseke swilo leswinene, kombisa swihoxo swimbirhi leswi tikereke ta Protestente ti swi kumeke eka Vukhatoliki. [jv-TS tl. 39 tindz. 2, 3]

16. I dyondzo yihi ya mavunwa leyi a yi nga amukeleki embilwini yo tshembeka ya Charles Taze Russell wa kondlo-a-ndzi-dyi? [jv-TS tl. 43 ndz. 2]

17. I yini lexi endleke leswaku ndlela ya Makwerhu Russell yo hlamusela tidyondzo ta Bibele yi hambana ni ya vatsari vo tala va siku ra yena? [jv-TS tl. 53 ndz. 3]

18. Xana ku va ni vutivi hi Tipisalema swi n’wi pfune njhani Yesu? [si-TS tl. 105 ndz. 30]

19. Ha yini vaapostola vo tshembeka, Yakobo makwavo wa Yesu hi tatana, ni vadyondzisiwa vo tlula 500 va tshembile leswaku Yesu u pfuxiwile? [gt-TS ndzima 131]

20. I mani loyi a nyikeke Solomoni vutlharhi bya yena, naswona xana sweswo swi fanele ku hi endla hi twisisa yini loko hi hlaya buku ya Swivuriso? [si-TS tl. 106 ndz. 1]

Tsala rito kumbe xiga lexi lavekaka ku hetisisa tinhlamuselo leti landzelaka:

21. Lava Yesu a kongomise marito ya yena eka vona eka Mintirho 1:⁠8 ana se a va ri timbhoni ta _________________________ , naswona sweswi a va ri na lunghelo rin’wana ra ku va timbhoni ta _________________________ . [jv-TS tl. 26 tindz. 1, 2]

22. Makwerhu Russell a tshemba leswaku ku vuya ka Kreste a ku nga ta _________________________ , naswona swa tsakisa ku tiva leswaku enkarhini wo leha emahlweni ka Russell, Sir Isaac Newton u tsale leswaku Kreste u ta vuya a ta fuma “_________________________ .” [jv-TS tl. 46 nhlamuselo ya le hansi]

23. Edyondzweni yakwe leyi dumeke hi Pentekosta ya 33 C.E., hi ku phindha-​phindha Petro u tshahe buku ya _________________________ ; esikwini rolero vanhu va kwalomu ka _________________________ va khuvuriwile kutani va engeteriwa evandlheni. [si-TS tl. 105 tindz. 25, 26]

24. Tipisalema ti vhumbe leswaku Yesu a ta nyikiwa _________________________ leswaku a nwa, naswona a ku ta tirhisiwa vuhlolotwana leswaku ku tekiwa _________________________ ta yena ta le handle, ni leswaku a ta tikomba a tshikiwe hi _________________________ . [si-TS tl. 105 ndz. 30]

25. Vukreste byi sungule ku tiviwa tanihi _________________________ hikuva a byi ri ndlela, kumbe ntila wa ku hanya hi ku fambisana ni ku pfumela eka _________________________ ni ku landzelela swinene minkondzo yakwe. [jv-TS tl. 29 ndz. 5]

Hlawula nhlamulo leyinene eka yin’wana ni yin’wana ya tinhlamuselo leti landzelaka:

26. Eku beleriweni ka yena, Yesu u nyikiwe vhinyo ni mirha, kambe u arile ku nwa hikuva (Nawu a wu swi yirisa; a a ri Munaziri; a a lava ku lawula matimba yakwe yo anakanya). [gt-TS ndzima 125]

27. Ku hlantswa tinguvu ta hina ni ku tibasisa hi ngati ya Xinyimpfana swi vula leswaku (a ha ha endli swidyoho; hi lemuka ku pfumala ka hina gandzelo ra Yesu ro rivalela swidyoho; hi nyiketela vutomi bya hina eka Xikwembu ni ku khuvuriwa). [uw-TS tl. 106 ndz. 7]

28. Yesu a nga voniwanga nandzu ku ringana minkarhi ya ntlhanu hi (Heroda; Pilato; Felikisi), loyi endzhaku a pfumelelaneke ni ku sindzisa ka Vayuda kutani a nyiketa Yesu leswaku a ya dlayiwa. [gt-TS ndzima 124]

29. Malandza hinkwawo yo tshembeka ya Xikwembu lama feke ku nga si fika Pentekosta ya (36; 35; 33) C.E. a ma totiwanga hi moya lowo kwetsima leswaku ma ta kuma vutomi bya le tilweni. [uw-TS tl. 111 ndz. 5]

30. Sathana u vule leswaku vanhu hinkwavo va susumetiwa hi (rirhandzu; rivengo; ku navela ka vutianakanyi) ni leswaku va khumbeka ngopfu hi (vito ra Xikwembu; van’wana; vona vini). [uw-TS tl. 124 ndz. 14]

Twananisa matsalwa lama landzelaka ni tinhlamuselo leti xaxametiweke laha hansi:

Swiv. 3:​27, 28; Yoh. 19:​4-6; 19:​25-27; Rhom. 15:​2, 3; Nhlav. 7:​16, 17

31. Vakreste va ni vutihlamuleri byo khathalela vatswari va vona lava dyuhaleke. [gt-TS ndzima 126]

32. Hi khumbeka swinene hi ndlela leyi ku languteka ka hina ku nga khumbaka van’wana ha yona, hikwalaho hi tshika ku endla leswi hi swi rhandzaka. [uw-TS tl. 130 tindz. 10, 11]

33. Loko hi ri ni nkarhi wo pfuna van’wana, ku nga ha va hi ndlela ya moya kumbe ya swilo leswi vonakaka, hi fanele ku tirhisa nkarhi lowu hi nga na wona leswaku hi pfuna vanhu-kulorhi, ngopfu-ngopfu vamakwerhu va hina va moya. [Ku hlaya ka Bibele ka vhiki na vhiki; vona w93-TS 12/15 tl. 20.]

34. Ku miyela ni ku rhula loko hi langutane ni maxangu swi nga tisa ku dzuneka eka Yehovha ni ku kuma xichavo eka vanhu. [gt-TS ndzima 123]

35. Ana se hi sungule ku tsakela swiyimo leswi tshembisiweke leswi hi laha ku faneleke swi vitaniwaka “paradeyisi ya moya.” [uw-⁠TS matl. 107-⁠8 tindz. 9-⁠11]