MINHLANGANO YA NTIRHO YA MAY

Vhiki Leri Sungulaka Hi May 1

Risimu 43

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Tivisa vandlha hi malunghiselelo ya nsimu hi masiku yo wisa ya mani na mani hi May. Tanihi leswi hi tiyimiseleke ku fikelela nhlohlorhi leyikulu, leyintshwa ya vahuweleri hi April, hi kombela u tsundzuxa hinkwavo ku katsa ni vahuweleri lavantshwa lava nga khuvuriwangiki, leswaku va tisa swiviko swa vona swa ntirho wa nsimu wa April handle ko hlwela. Vamatsalana ni vafambisi va dyondzo ya buku va fanele ku kambisisa leswaku ku tisiwa swiviko hinkwaswo leswi xiyekaka swa ntirho wa nsimu swa n’hweti leyi hundzeke.

15 min: “Mahungu Lamanene Ya Lava Titsongahataka.” Bula ni vayingiseri hi xihloko lexi, ivi u va ni nkombiso wun’we kumbe mimbirhi ya rungula.

20 min: “Kingdom News Yo Hlawuleka Ya Un’wana Ni Un’wana.” Nkulumo hi mulanguteri wa ntirho ni ku burisana ni vayingiseri. Hlamusela leswi se swi hetisisiweke eku hangalasiweni ka Kingdom News, ngopfu-ngopfu u boxa ku sekeriwa lokunene ka malunghiselelo ya nsimu ni ku hlanganyela ka lavantshwa entirhweni wa nsimu ro sungula. Nyika xiviko xa ku hlanganisiwa ka nsimu; hlamusela leswi faneleke ku endliwa loko vandlha rin’wana ri kombela mpfuno. Khutaza hinkwavo ku endla matshalatshala lama engetelekeke yo hangalasa ntsengo wa vona wa Kingdom News. Kandziyisa nkoka wo hlayisa rhekhodo ya lava tsakelaka ni ku endla maendzo yo vuyela hi matshalatshala yo sungula tidyondzo ta Bibele. Vana ni nkombiso wa rungula leri ringanyetiweke.

Risimu 55 ni xikhongelo xo pfala.

Vhiki Leri Sungulaka Hi May 8

Risimu 61

15 min: Switiviso swa vandlha. “Na Wena U Nga Kuma Mintokoto Leyinene!” Loko nkarhi wu pfumela, kombela vayingiseri leswaku va hlamusela mintokoto leyi khutazaka leyi va yi tsakeleke loko va fambisa Kingdom News.

15 min: Swilaveko swa vandlha. Kumbe nkulumo ya xihloko lexi nge “Ndlela Leyi Vakreste Va Langutanaka Ni Ku Sandziwa Hi Vanhu Ha Yona” lexi nga eka Xihondzo xo Rindza xa April 1, 1995, matluka 26-⁠9.

15 min: Kombisa ndlela leyi ndyangu wu nga tirhisaka ha yona 1995 Yearbook. Tatana u rhangela ndyangu eku pfuxeteni ka mhaka ya xingheniso eka matluka 3-11. U hetelela hi ku xaxameta malunghiselelo ya ndyangu yo hlaya matluka ma nga ri mangani ya Yearbook vhiki rin’wana ni rin’wana. Loko vamakwerhu va nga ri na yona Yearbook, bula hi xihloko lexi nge “Xana Wa N’wi Pfuna N’wana Wa Wena Leswaku A Hlawula Yehovha?” lexi humaka eka Xihondzo xo Rindza xa October 1, 1994, matluka 26-30.

Risimu 60 ni xikhongelo xo pfala.

Vhiki Leri Sungulaka Hi May 15

Risimu 54

10 min: Switiviso swa vandlha. Xiviko xa timali.

15 min: “Ku Landzelela Xikombiso Xa Hina Tanihi Vabyarhi Va Ku Vonakala.” Swivutiso ni tinhlamulo.

20 min: Varhandziwa Va Hina Lava Feke Va Kwihi? Bulo ra ndyangu. Hi ku tirhisa mhaka leyi hlawuriweke eka matluka 98-100 ya buku leyi nge Reasoning, nhloko ya ndyangu yi vulavula hi ku feriwa hi munghana wa le kusuhi. U tikarhatela ku pfuna vana va yena leswaku va twisisa langutelo ra Bibele. U vutisa swivutiso ku tiyiseka leswaku va swi twisisa leswi rifu ri vulaka swona ni leswaku va swi kota ku tiphofula kahle hi ku ya hi malembe ya vona. Nakambe, u va komba ndlela leyi va nga tirhisaka ha yona broxara leyintshwa leyi nge Loko U Feriwa Hi Loyi U N’wi Rhandzaka ku chavelela van’wana.

Risimu 45 ni xikhongelo xo pfala.

Vhiki Leri Sungulaka Hi May 22

Risimu 66

10 min: Switiviso swa vandlha. Khutaza vuphayona bya nkarhinyana. U nga ha vulavurisana ni lava hlanganyeleke entirhweni wa vuphayona bya nkarhinyana hi April. Hlamusela timfanelo leti xaxametiweke ebukwini leyi nge Ku Hleleriwa Ku Hetisisa Vutirheli Bya Hina, matluka 113-⁠14.

15 min: “Mfungho Lowu Tisaka Ku Pona.” Bula ni vayingiseri. Katsa nkombiso wun’we kumbe mimbirhi leyi kombisaka ndlela leyi maendzo yo vuyela ma nga endliwaka ha yona.

20 min: Xana U Tirha Hi Mbilu Hinkwayo eVutirhelini Bya Wena? Bulo hi mulanguteri wa ntirho. U nga ha katsa rungula leri ku buriweke ha rona eka Xikolo xa Vutirheli bya Mfumo xa sweswinyana xa vakulu lexi a xi vulavula hi mhaka leyi. Xana swi vula yini ku tirhela Yehovha hi mbilu hinkwayo? Xana i vutlhari ku pimanisa ntirho wa hina ni wa van’wana? (Ringanisa Luka 21:​1-⁠4 na Marka 14:​3, 6-⁠9; Matewu 13:​18, 23.) Xana hi endla ntirho wa hina hi ku susumetiwa hi ku rhandza Yehovha ni vaakelani va hina? (Mt. 22:​37-39) Vakulu ni malandza ya vutirheli xikan’we ni mindyangu ya vona va khutaziwa ku veka xikombiso xa ku tirha hi mbilu hinkwayo ensin’wini. Xana u landzelela xikombiso xa vona lexinene? Katsa mintokoto yin’wana ya kwalaho leyi kombisaka leswaku Yehovha u ma katekisa hi laha ku fuweke matshalatshala ya malandza ya yena ya mbilu hinkwayo. (Nakambe vona w90-TS 1/1 tl. 7; w89-TS 1/1 tl. 31.)

Risimu 74 ni xikhongelo xo pfala.

Vhiki Leri Sungulaka Hi May 29

Risimu 79

15 min: Switiviso swa vandlha. Nyikela swiringanyeto leswi nga ta khutaza vahuweleri leswaku va ringeta ku hlaya ndzimana ya Tsalwa tanihi xiphemu xa rungula ra vona emitini. Vanhu vo tala va yi xixima Bibele naswona va swi tsakela ku yingisela loko yi hlayiwa. Ndzayo ya yona i ya ntikelo naswona yi ta khutaza la nga ni mbilu leyinene. Tindzimana ti fanele ku hlayiwa hi ku hiseka ni nkhuluko. (Vona Buku Yo Letela Ya Xikolo, matluka 32-⁠3, tindzimana 12-⁠15.) Tsundzuxa hinkwavo ku tisa swiviko swa vona swa ntirho wa nsimu swa May, ku katsa ni swiviko swihi na swihi leswi hlweleke.

12 min: Bokisi Ra Swivutiso. Swivutiso ni tinhlamulo. Hlamusela lexi endlaka hi pfuneka ngopfu eminhlanganweni loko hi lunghiselela ka ha ri emahlweni ni ku ta ni tibuku hinkwato leti nga ta tirhisiwa.

18 min: Fambisa Buku Leyi Nge Rito Ra Xikwembu Hi June. Vulavulela swiringanyeto leswi nga eka Vutirheli Bya Hina Bya Mfumo bya February 1990, tluka 4 na March 1990 matluka 1, 2 na 8, malunghana ni ku fambisa buku leyi leyinene. Kombisa swifaniso leswi nga eka tluka 4, 137, 138 na 143, ivi u kombisa ndlela leyi swi nga tirhisiwaka ha yona ku sungula mabulo. Vana ni muhuweleri la nga ni vuswikoti a endla nkombiso wa rungula leri hlamuselaka nhlawulo lowu un’wana ni un’wana a faneleke ku wu endla leswaku a kuma vutomi lebyi nga heriki, hi ku tirhisa mhaka ni matsalwa lama nga eka tluka 189. Tsundzuxa un’wana ni un’wana leswaku a kuma tikopi to ti tirhisa ensin’wini mahelo-vhiki lawa.

Risimu 63 ni xikhongelo xo pfala.