MINHLANGANO YA NTIRHO YA JUNE

Vhiki Leri Sungulaka Hi June 5

Risimu 7

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Hlamusela mintirho leyi nga ta endliwa; tsundzuxa hinkwavo leswaku va hambeta va hiseka entirhweni wa nsimu, va ya eminhlanganweni ni ku yisa swiviko. Loko nkarhi wu pfumela, endla nkombiso wun’we kumbe mimbirhi yo koma ya ku fambisiwa ka timagazini leti nga ta tirhisiwa entirhweni wa le nsin’wini vhiki leri.

15 min: “Yehovha U Nyika Matimba.” Swivutiso ni tinhlamulo. Hlamusela mintokoto leyi nga eka Xihondzo xo Rindza xa February 1, 1992, tluka 32.

20 min: “Yehovha I Muvumbi Wa Hina.” Bula ni vayingiseri. Vana ni minkombiso mimbirhi leyi kombisaka ndlela yo tirhisa swingheniso leswi ringanyetiweke. Katsa ni swiringanyeto swimbirhi swa malunghana ni ku endla riendzo ro vuyela, u landzela ku fambisiwa ka xiphephana xa Kingdom News lexi hangalasiweke hi April na May.

Risimu 17 ni xikhongelo xo pfala.

Vhiki Leri Sungulaka Hi June 12

Risimu 221

10 min: Switiviso swa vandlha. Marungula Ya Swa Mfumo. Xiviko xa timali.

17 min: “Kreste, Xikombiso Lexinene Xa Vantshwa.” Swivutiso ni tinhlamulo. Katsa ni tinhlamuselo leti humaka eka Xihondzo xo Rindza xa September 1, 1986, matluka 4-⁠6.

18 min: “Pfuna Lava Nga Riki Na Ripfumelo.” Mufambisi wa Dyondzo ya Buku ya vandlha u bula hi xihloko lexi ni vahuweleri vambirhi kumbe vanharhu kutani a hlamusela ndlela leyi mhaka yi nga tirhisiwaka ha yona. Va titoloveta hi ku cincana va endla swingheniso.

Risimu 122 ni xikhongelo xo pfala.

Vhiki Leri Sungulaka Hi June 19

Risimu 80

12 min: Switiviso swa vandlha. Hi ku komisa bula hi nkoka wa ku endla maendzo yo vuyela. Xiphemu lexikulu xa ku chumayela ka hina xi endliwa loko hi tlhelela hi ya hlakulela ku tsakela. I vanhu vatsongo lava nga endlaka nhluvuko wa moya hi ku hlaya tibuku leti va siyeriweke tona ntsena. Loko hi tsandzeka ku tlhelela, hi tshika nkarhi wa hina lowunene wo va pfuna. Maendzo yo vuyela ma endla tidyondzo ta Bibele. Vahuweleri vo tala va kume mimbuyelo leyinene hi ku tlhelela endzhaku ka siku rin’we kumbe mambirhi ematshan’weni yo rindzela vhiki.​—⁠Vona buku leyi nge Vutirheli Bya Hina, matluka 88-⁠9.

18 min: Kombisa Ku Tlangela Van’wana. Nkulumo hi nkulu, leyi sekeriweke eka Xihondzo xo Rindza xa December 1, 1994, matluka 28-30. Kandziyisa xilaveko xo kombisa xichavo ni rirhandzu eka van’wana evandlheni.

15 min: “Tirhisa Nkarhi Wa Wena Hi Ndlela Leyinene.” Swivutiso ni tinhlamulo. Malunghana ni nkarhi lowu tirhisiwaka eku hlaleleni ka TV, pfuxeta swiringanyeto ehansi ka xihlokwana lexi nge “Ku Yi Lawula,” eka tluka 11 ra Awake! ya May 22, 1991.

Risimu 208 ni xikhongelo xo pfala.

Vhiki Leri Sungulaka Hi June 26

Risimu 75

15 min: Switiviso swa vandlha. Yi fanele ku tameriwa hi nkulu. Hlamusela malunghiselelo ya vandlha ya tsima ra nsimu leyi nga aviwangiki. Bula hi xilaveko xo hoxa Swiviko Swa Ntirho Wa Nsimu ebokisini hi ku hatlisa eku heleni ka n’hweti. Hi kunguhate ku va ni nhlonhlorhi leyintshwa ya vahuweleri ku nga si hela lembe leri ra ntirho. Tanihi leswi ku vika nkarhi na nkarhi ku nga xiphiqo ensin’wini ya hina, hi ta tlangela ntirhisano wa muhuweleri un’wana ni un’wana emhakeni leyi. Matsalana ni vafambisi va dyondzo ya buku va fanele ku hambeta va tsundzuxa lava nga siki vikaka leswaku va endla tano hi ku hatlisa. Tivisa vandlha hi nhlayo ya vana lava nghenaka xikolo ni lava ha ku hlanganyelaka lava nga si vaka vahuweleri. Hlamusela leswi vatswari va nga swi endlaka ni vahuweleri van’wana lava nga ni ntokoto leswaku va pfuna vanhu lava leswaku va yimela ntiyiso, ni ku fanelekela ku va vahuweleri lava nga khuvuriwangiki. Vakulu ni malandza ya vutirheli va fanele ku tsakela vanhu lava, ngopfu-ngopfu edyondzweni ya buku ni ku va pfuna leswaku va endla nhluvuko entiyisweni.

15 min: Bokisi Ra Swivutiso. Swivutiso ni tinhlamulo leyi faneleke ku tameriwa hi mufambisi wa Dyondzo ya Xihondzo xo Rindza. Endla tinhlamuselo leti engetelekeke leti sekeriweke eka Buku Yo Letela, matluka 91-⁠2.

15 min: Hlamusela tibuku leti nga ta fambisiwa hi July. Hlamusela swiyenge leswi xiyekaka swa tibroxara leti vandlha ri nga na tona exitokweni. Vana ni vahuweleri va kombisa ndlela leyi ti nga ha fambisiwaka ha yona emutini hi ku komisa. Swikombiso: Xana Xikwembu Xa Hi Khathalela Hakunene? (Pfula eka tluka 26-⁠7, u kombisa swifaniso, ni ku bula hi rin’wana ra matsalwa lama vulavulaka hi Paradeyisi leyi taka.) Xana Xikongomelo Xa Vutomi I Yini​—⁠U Nga Xi Kumisa Ku Yini? (Pfula eka tluka 30-⁠1, xiya rin’wana ra matsalwa lama tshahiweke, kutani u bula hi swifaniso.) Loko U Feriwa Hi Loyi U N’wi Rhandzaka. (Yisa nyingiso eka swivutiso leswi tlakusiweke eka tluka 2, kutani u hlamusela mhaka yin’we kumbe timbirhi leti chavelelaka ta Matsalwa leti kumekaka eka tluka 31.) Tivisa vandlha hi tibroxara leti nga exitokweni sweswi.

Risimu 225 ni xikhongelo xo pfala.