XIYIMISO XA XIKOLO XA VUTIRHELI BYA LE TILWENI XA 1996
SWILETELO
Hi 1996, ku ta tirhisiwa malunghiselelo lama landzelaka lokoku fambisiwa Xikolo xa Vutirheli bya le Tilweni.
TIBUKU-MPFUNO: Bibele, Timbhoni Ta Yehovha I Vahuweleri Va Mfumo Wa Xikwembu [jv-TS], “Matsalwa Hinkwawo Ma Huhuteriwe Hi Xikwembu Naswona Ma Pfuna” [si-TS], Tinhloko-mhaka To Vulavurisana Ta Bibele [td-TS], Ku Hlamulana Hi Matsalwa [rs-TS] na Vutivi Lebyi Yisaka eVuton’wini Lebyi Nga Heriki [kl-TS] ti ta va xisekelo xa swiavelo.
Xikolo xi fanele ku sungula HI NKARHI hi risimu, xikhongelo ni marito yo amukela, ivi xi fambisa xileswi:
NKULUMO NO. 1: 15 wa timinete. Nkulumo leyi yi fanele ku tameriwa hi nkulu kumbe hi nandza wa vutirheli la fanelekaka, naswona yi ta va yi sekeriwe eka Timbhoni Ta Yehovha I Vahuweleri Va Mfumo Wa Xikwembu kumbe “Matsalwa Hinkwawo Ma Huhuteriwe Hi Xikwembu Naswona Ma Pfuna.” Loko xi sekeriwe ebukwini leyi nge Vahuweleri, xiavelo lexi xi fanele ku nyikeriwa tanihi nkulumo yo laya ya 15 wa timinete leyi nga landzeriwiki hi mpfuxeto wo vulavurisana; loko yi sekeriwe eka buku leyi nge “Matsalwa,” yi fanele ku nyikeriwa tanihi nkulumo yo laya ya 10 ku ya ka 12 wa timinete leyi landzeriwaka hi mpfuxeto wo vulavurisana wa 3 ku ya ka 5 wa timinete, ku tirhisiwa swivutiso leswi tsariweke ebukwini. Xikongomelo a ku fanelanga ku va ku hlanganisa mhaka ntsena, kambe ni ku yisa nyingiso eka ntikelo lowu tirhaka wa rungula leri hlamuseriwaka, ku kandziyisiwa leswi swi nga ta pfuna ngopfu evandlheni. Ku fanele ku tirhisiwa xihloko lexi kombisiweke. Swikombiso, swifaniso tichati leswi nga ebukwini leyi nge Vahuweleri swi nga ha hlamuseriwa hi xivulavuri, swi tirhisiwa tanihi swipfuneto swo dyondzisa.
Vamakwerhu lava averiwaka nkulumo leyi va fanele ku va ni vukheta leswaku va nga tlurisi nkarhi lowu vekiweke. Ndzayo ya le tlhelweni yi nga ha nyikeriwa loko swi laveka kumbe loko xivulavuri xi yi kombela.
TINHLA-NKULU TA KU HLAYA KA BIBELE: 6 wa timinete. Tona ti fanele ti tameriwa hi nkulu kumbe hi nandza wa vutirheli loyi a nga ta endla mhaka leyi yi tirha eka swilaveko swa vandlha. A ku fanelanga ku va nkatsakanyo ntsena wa ku hlaya loku aviweke. Nyikela nkatsakanyo wa tindzima leti aviweke hi tisekene ta 30 ku ya ka 60. Xikongomelo lexikulu i ku pfuna vayingiseri leswaku va twisisa leswaku ha yini mhaka ya kona yi ri ya ntikelo eka hina naswona njhani. Kutani mulanguteri wa xikolo u ta kombela swichudeni leswaku swi ya etitlilasini ta swona leti hambaneke.
NKULUMO NO. 2: 5 wa timinete. Loku i ku hlaya ka Bibele ka mhaka leyi averiweke, yi fanele ku nyikeriwa hi makwerhu wa xinuna. Leswi swi ta tirha eka xikolo-nkulu kun’we ni le ka mintlawa leyitsongo. Swiavelo swo hlaya hakanyingi swi kome kahle ku pfumelela xichudeni leswaku xi nyikela nhlamuselo yo koma eka marito yo sungula ni yo dlayelela. Masungulo ya matimu, nkoka wa vuprofeta kumbe wa dyondzo ni ku tirhisiwa ka misinya ya milawu swi nga ha katsiwa. Tindzimana hinkwato leti aviweke ti fanele ku hlayiwa handle ko wisa. Kavula, loko tindzimana leti hlayiwaka ti nga tlhandlamani, xichudeni xi nga ha vula ndzimana leyi ku hlaya ku tlulelaka eka yona.
NKULUMO NO. 3: 5 wa timinete. Nkulumo leyi yi ta averiwa makwerhu wa xisati. Swihloko swa nkulumo leyi swi ta va swi sekeriwe exibukwanini lexi nge Tinhloko-mhaka To Vulavurisana Ta Bibele. Xichudeni lexi averiweke xi fanele xi kota ku hlaya. Loko xi nyikela nkulumo leyi, xichudeni xi nga ha va xi tshamile kumbe xi yimile. Makwerhu wa xisati la averiweke nkulumo leyi u ta fanela ku hlanganisa nhloko-mhaka ni mhaka yo vulavurisana hi ndlela leyi tirhaka, swi nga va swinene leswaku maandlalelo ma katsa ntirho wa nsimu kumbe ku nyikela vumbhoni hi xitshuketa. Mupfuni un’we u ta hlawuriwa hi mulanguteri wa xikolo, kambe vapfuni lava engetelekeke va nga ha tirhisiwa. Mhaka hi yona leyi faneleke ku khathaleriwa ngopfu hayi maandlalelo.
NKULUMO NO. 4: 5 wa timinete. Yi ta averiwa makwerhu wa xinuna kumbe wa xisati. Yi ta va yi sekeriwe eka Ku Hlamulana Hi Matsalwa kumbe Vutivi Lebyi Yisaka eVuton’wini Lebyi Nga Heriki. Loko yi averiwe makwerhu wa xinuna, u fanele a yi nyikela a ri karhi a ehleketa hi vayingiseri lava nga eHolweni ya Mfumo. Loko makwerhu wa xisati a averiwe nkulumo leyi, mhaka yi fanele ku andlariwa hi laha swi kombisiweke ha kona eka Nkulumo No. 3. Loko xiavelo lexi xi sekeriwe ebukwini leyi nge Vutivi, maandlalelo ma nga ha va riendzo ro vuyela kumbe dyondzo ya Bibele. Mulanguteri wa xikolo u ta tsakela swinene ndlela leyi xichudeni xi pfunaka n’wini wa muti leswaku a anakanya ni ku va a twisisa mhaka ni ndlela leyi matsalwa ma tirhisiwaka ha yona. A swi bohi ku hlaya tindzimana leti nga ebukwini.
NDZAYO NI TINHLAMUSELO: Endzhaku ka nkulumo yin’wana ni yin’wana ya xichudeni, mulanguteri wa xikolo u ta nyikela ndzayo leyi kongomeke, a nga boheki ku landzelela ntlhandlamano wa ku laya loku xaxametiweke exiphephanini xa Ndzayo ya Nkulumo. Kambe, u fanele ku talela eka tindhawu leti xichudeni xi fanelaka ku antswisa eka tona. Loko xivulavuri xa xichudeni xi faneriwa hi “L” leyi tiyeke naswona ku ri hava mfanelo yin’wana ya vuvulavuri leyi funghiweke “A” kumbe “T,” kutani mutsundzuxi u fanele ku tsondzela bokisi ra mfanelo ya vuvulavuri leyi xichudeni xi faneleke ku tirhela eka yona enkarhini lowu taka laha hi ntolovelo a ku ta humelela “L,” “A,” kumbe “T.” U ta tsundzuxa xichudeni hi mhaka leyi emadyambyini wolawo ni ku tlhela a komba mfanelo leyi ya vuvulavuri exiphephanini lexi landzelaka xa xichudeni lexi landzelaka xa xichudeni xa Xiavelo Xa Xikolo Xa Vutirheli Bya Le Tilweni (S-89). Lava va nyikelaka tinkulumo va fanele ku tshamela emahlweni eholweni. Leswi swi ta hlayisa nkarhi ni ku endla leswaku mulanguteri wa xikolo a nyikela ndzayo ya yena hi ku kongoma eka xichudeni xin’wana ni xin’wana. Loko nkarhi wu pfumela endzhaku ko nyikela ndzayo leyi lavekaka hi nomu, mutsundzuxi a nga nyikela tinhlamuselo ehenhleni ka tinhla leti dyondzisaka ni leti tirhaka leti nga hlanganisiwangiki hi swichudeni. Mulanguteri wa xikolo a nga fanelanga a tirhisa nkarhi lowu tlulaka ntsengo wa timinete timbirhi eku tsundzuxeni ni le ku hlamuseleni endzhaku ka nkulumo yin’wana ni yin’wana ya xichudeni. Loko munyikeri wa tinhla ta Bibele a siye swin’wana swa nkoka, ndzayo ya le xihundleni yi nga ha nyikeriwa.
KU LUNGHISELELA TINKULUMO: Xi nga si lunghiselela nkulumo leyi xi averiweke yona, xichudeni xi fanele xi yi hlaya hi vukheta mhaka leyi nga eka Buku Yo Letela Ya Xikolo leyi hlamuselaka mfanelo ya nkulumo leyi xi faneleke ku tirhela eka yona. Swichudeni leswi averiweke Nkulumo No. 2 swi fanele ku hlawula xihloko lexi fanelaka xiyenge xa Bibele lexi swi nga ta hlaya eka xona. Tinkulumo tin’wana ti ta vumbiwa hi ku ya hi xihloko lexi kombisiweke eka xiyimiso.
KU HLAYISA NKARHI: Ku hava nkulumo leyi faneleke ku tlula nkarhi wa yona, hambi ku ri ndzayo kumbe tinhlamuselo ta mutsundzuxi. Tinkulumo No. 2 ku ya eka 4 ti fanele ti yimisiwa hi vutlharhi loko nkarhi wu herile. Loyi a averiweke ku nyikela mfungho wo yimisa u fanele ku swi endla hi xihatla. Loko vamakwerhu lava tamelaka Nkulumo No. 1 ni tinhla-nkulu ta Bibele va dya nkarhi, va fanele ku nyikiwa ndzayo ya le tlhelweni. Hinkwavo va fanele ku languta nkarhi wa vona hi vukheta. Nongonoko hinkwawo: 45 wa timinete, handle ka risimu na xikhongelo.
MPFUXETO WO TSALA: Nkarhi na nkarhi mpfuxeto wo tsala wu ta nyikeriwa. Eku lunghiseleleni, pfuxeta mhaka leyi aviweke, u hlanganisa ku hlaya ka Bibele loku nga exiyimisweni. I Bibele ntsena leyi nga tirhisiwaka hi nkarhi wa mpfuxeto lowu wa timinete ta 25. Nkarhi lowu saleke wu ta tirhisiwa ku vulavurisana hi swivutiso ni tinhlamulo. Xichudeni xin’wana ni xin’wana xi ta fungha tinhlamulo ta xona n’wini. Mulanguteri wa xikolo u ta vulavurisana ni vayingiseri hi tinhlamulo ta swivutiso swa mpfuxeto naswona a talela eka swivutiso leswi tikaka ngopfu, a pfuna hinkwavo ku twisisa tinhlamulo kahle. Loko, ku ri hikwalaho ka xivangelo xo karhi, swiyimo swa vandlha swi swi endla swi fanela, mpfuxeto wo tsala wu nga ha endliwa vhiki leri landzaka leri kombisiweke eka xiyimiso.
XIYIMISO
Jan. 1 Ku hlaya ka Bibele: Yeremiya 13 ku ya ka 15
Risimu No. 191
No. 1: Mahanyelo Lama Ma Hi Hambanisaka Ni Misava (jv-TS tl. 178 ndz. 3–tl. 183 ndz. 1)
No. 2: Yeremiya 14:10-22
No. 3: td-TS 14A Leswi Mfumo Wa Xikwembu Wu Nga Ta Swi Endlela Vanhu
No. 4: Yesu A Nga Yanga eTilweni Hi Miri Wa Nyama (rs-TS tl. 168 ndz. 2–tl. 169 ndz. 2)
Jan. 8 Ku hlaya ka Bibele: Yeremiya 16 ku ya ka 19
Risimu No. 157
No. 1: Ku Xixima Vutomi Ni Ku Tenga Ka Mahanyelo Ya Nhlengeletano (jv-TS tl. 183 ndz. 2–tl. 187)
No. 2: Yeremiya 18:1-17
No. 3: td-TS 14B Wu Sungula Ku Tirha Valala Va Kreste Va Ha Ri Kona
No. 4: Mhaka Leyi Ha Yona Yesu A Humeleleke Hi Miri Wa Nyama (rs-TS tl. 169 ndz. 3–tl. 170 ndz. 2)
Jan. 15 Ku hlaya ka Bibele: Yeremiya 20 ku ya ka 22
Risimu No. 24
No. 1: Vakreste Va Ntiyiso A Hi Va Misava Leyi (jv-TS tl. 188-tl. 192 ndz. 2)
No. 2: Yeremiya 20:1-13
No. 3: td-TS 14C Mfumo Wa Xikwembu A Wu Ti Hi Matshalatshala Ya Vanhu
No. 4: Lava Pfuxeriwaka Ku Ya Fuma Na Kreste Va Ta Fana Na Yena (rs-TS tl. 170 ndz. 4–tl. 171 ndz. 1)
Jan. 22 Ku hlaya ka Bibele: Yeremiya 23 ku ya ka 25
Risimu No. 38
No. 1: Ku Tshembeka Eka Xikwembu Ni Le Ka Vukala-tlhelo Bya Vukreste (jv-TS tl. 192 ndz. 3–tl. 195 ndz. 3)
No. 2: Yeremiya 23:16-32
No. 3: td-TS 13A Leswi “Ku Hela Ka Misava” Ku Vulaka Swona
No. 4: Leswi Mpfuko-wa-vafi Wu Nga Ta Vula Swona Eka Vanhu Hinkwavo (rs-TS tl. 171 ndz. 2–tl. 172 ndz. 2)
Jan. 29 Ku hlaya ka Bibele: Yeremiya 26 ku ya ka 28
Risimu No. 163
No. 1: Mindhavuko Ya Misava Leyi Tlhontlhaka Ku Tshembeka Ka Mukreste (jv-TS tl. 196 ndz. 1–tl. 201)
No. 2: Yeremiya 26:1-16
No. 3: td-TS 13B Hi Fanele Hi Xalamukela Vumbhoni Bya Masiku Ya Makumu
No. 4: Mhaka Leyi Lava Pfuxiweke Va Nga Taka Va Nga Avanyisiwi Hi Swiendlo Swa Vona Leswi Hundzeke (rs-TS tl. 172 ndz. 4)
Feb. 5 Ku hlaya ka Bibele: Yeremiya 29 ku ya ka 31
Risimu No. 185
No. 1: Ku Sungula Ka Nhlengeletano Ya Manguva Lawa (jv-TS tl. 204-tl. 209 ndz. 1)
No. 2: Yeremiya 31:27-40
No. 3: td-TS 38A Xikwembu Xi Tshembisa Vutomi Lebyi Nga Heriki Eka Lava Yingisaka
No. 4: Mhaka Leyi “Vafi Van’wana Lava Saleke” Va Vuyelaka eVuton’wini eMisaveni Ha Yona (rs-TS tl. 173 tindz. 1-4)
Feb. 12 Ku hlaya ka Bibele: Yeremiya 32 na 33
Risimu No. 6
No. 1: Ku Hlela Leswaku Mahungu Lamanene Ma Chumayeriwa (jv-TS tl. 209 ndz. 2–tl 217 ndz. 1)
No. 2: Yeremiya 33:1-3, 14-26
No. 3: td-TS 38B Lava Nga eMirini Wa Kreste Hi Vona Ntsena Va Yaka eTilweni
No. 4: Lava Katsiwaka Eku Pfuxiweni Ka Vafi Ka Laha Misaveni (rs-TS tl. 174 ndz. 1–tl. 175 ndz. 2)
Feb. 19 Ku hlaya ka Bibele: Yeremiya 34 ku ya ka 37
Risimu No. 98
No. 1: Nhlengeletano Ya Le Tilweni Ni Mpfuno Wa Yona (jv-TS tl. 217 ndz. 2–tl. 221 ndz. 4)
No. 2: Yeremiya 35:1-11, 17-19
No. 3: td-TS 38C Vutomi Bya Le Misaveni Byi Tshembisiwa Vanhu Vo Tala, “Tinyimpfu Tin’wana”
No. 4: Swiendlakalo Leswi Fambisanaka Ni Vukona Bya Kreste Swi Endleka Hi Malembe Yo Tala (rs-TS tl. 95 tindz. 1, 2)
Feb. 26 Ku hlaya ka Bibele: Yeremiya 38 ku ya ka 41
Risimu No. 91
No. 1: Valanguteri Lava Famba-fambaka Va Tiyisa Mavandlha (jv-TS tl. 222 ndz. 1–tl. 228 ndz. 1)
No. 2: Yeremiya 38:1-13
No. 3: td-TS 35A Vukati Byi Fanele Byi Xiximeka
No. 4: Ku Vuya Ka Kreste A Ku Vonaki (rs-TS tl. 95 ndz. 3–tl. 96 ndz. 2)
Mar. 4 Ku hlaya ka Bibele: Yeremiya 42 ku ya ka 45
Risimu No. 184
No. 1: Ku Ololoxa Ka Le Tilweni Ni Ku Leteriwa Ku Va Valanguteri (jv-TS tl. 228 ndz. 2–tl. 233 ndz. 1)
No. 2: Yeremiya 43:1-13
No. 3: td-TS 35B Nawu Wa Vunhloko Wu Fanele Wu Xiximiwa Hi Vakreste
No. 4: Mukhuva Lowu Yesu A Taka Ha Wona Ni Ndlela Leyi Hinkwavo Va Nga Ta N’wi Vona Ha Yona (rs-TS tl. 96 ndz. 5–tl. 97 ndz. 4)
Mar. 11 Ku hlaya ka Bibele: Yeremiya 46 ku ya ka 48
Risimu No. 53
No. 1: Ku Lunghisela Ku Kula Ka Xihatla (jv-TS tl. 233 ndz. 2–tl. 235)
No. 2: Yeremiya 48:1-15
No. 3: td-TS 35C Vutihlamuleri Bya Vatswari Va Vakreste Eka Vana
No. 4: Swiendlakalo Leswi Hlanganaka Ni Vukona Bya Kreste (rs-TS tl. 98 tindz. 1-6)
Mar. 18 Ku hlaya ka Bibele: Yeremiya 49 na 50
Risimu No. 65
No. 1: Minhlangano Leyi Enerisaka Xilaveko Xa Moya (jv-TS tl. 236-tl. 241 ndz. 1)
No. 2: Yeremiya 49:1-11, 15-18
No. 3: td-TS 35D Vakreste Va Fanele Va Tekana Ni Vakreste-kulobye Ntsena
No. 4: Vakreste A Va Boheki Ku Hlayisa Savata (rs-TS tl. 242 ndz. 2–tl. 243 ndz. 4)
Mar. 25 Ku hlaya ka Bibele: Yeremiya 51 na 52
Risimu No. 70
No. 1: Yeremiya—Mhaka Leyi Yi Pfunaka Ha Yona (si-TS tl. 129 tindz. 36-39)
No. 2: Yeremiya 51:41-57
No. 3: td-TS 35E Vakreste Va Ntiyiso A Va Teki Tshengwe
No. 4: A Ku Kona eBibeleni Laha Adamu A Lerisiweke Ku Hlayisa Siku Ra Savata (rs-TS tl. 244 tindz. 1-3)
Apr. 1 Ku hlaya ka Bibele: Swirilo 1 na 2
Risimu No. 140
No. 1: Xingheniso Xa Swirilo (si-TS matl. 130-1 tindz. 1-7)
No. 2: Swirilo 2:13-22
No. 3: td-TS 5A Mariya A A Nga Ri “Mana Wa Xikwembu”
No. 4: Yesu A Nga Avanyisanga Nawu Wa Muxe Hi Swiphemu Swa “Minkhuvo” Ni Swa “Mahanyelo” (rs-TS tl. 244 ndz. 4–tl. 245 ndz. 1)
Apr. 8 Ku hlaya ka Bibele: Swirilo 3 ku ya ka 5
Risimu No. 194
No. 1: Swirilo—Mhaka Leyi Yi Pfunaka Ha Yona (si-TS tl. 132 tindz. 13-15)
No. 2: Swirilo 5:1-22
No. 3: td-TS 5B Bibele Yi Komba Leswaku Mariya A Nga “Tshamanga A Ri Wanhwana”
No. 4: Milawu Ya Khume Yi Herisiwe Ni Nawu Wa Muxe (rs-TS tl. 245 tindz. 2-3)
Apr. 15 Ku hlaya ka Bibele: Ezekiyele 1 ku ya ka 4
Risimu No. 124
No. 1: Xingheniso Xa Ezekiyele (si-TS matl. 132-3 tindz. 1-6)
No. 2: Ezekiyele 3:16-27
No. 3: td-TS 42A Leswi Matsalwa Ma Vulaka Swona Mayelana Ni Xitsundzuxo
No. 4: Xivangelo Xa Ku Va Milawu Ya Mahanyelo Yi Nga Susiwanga Loko Milawu Ya Khume Yi Herisiwa (rs-TS tl. 246 tindz. 1, 2)
Apr. 22 Ku hlaya ka Bibele: Ezekiyele 5 ku ya ka 8
Risimu No. 30
No. 1: Ku Tsundzuka Rifu Ra Hosi (jv-TS tl. 242 ndz. 1–tl. 243 ndz. 4)
No. 2: Ezekiyele 5:1-15
No. 3: td-TS 42B Ku Tlangela Masa A Swi Seketeriwi Hi Matsalwa
No. 4: Leswi Savata Yi Vulaka Swona Eka Vakreste (rs-TS tl. 246 ndz. 3–tl. 248 ndz. 3)
Apr. 29 Mpfuxeto Wo Tsala. Hlanganisani Yeremiya 13 ku ya ka Ezekiyele 8
Risimu No. 155
May 6 Ku hlaya ka Bibele: Ezekiyele 9 ku ya ka 11
Risimu No. 183
No. 1: Vantshwa Va Nyikiwa Nyingiso Naswona Hinkwavo Va Khutaziwa Ku Chumayela (jv-TS tl. 244 ndz. 1–tl. 248 ndz. 3)
No. 2: Ezekiyele 9:1-11
No. 3: td-TS 19A Vakreste Hinkwavo Va Fanele Ku Va Vatirheli
No. 4: Xikwembu Xi Lava Leswaku U Va Ni Vumundzuku Lebyi Tsakisaka (kl-TS matl. 6-7 tindz. 1-5)
May 13 Ku hlaya ka Bibele: Ezekiyele 12 ku ya ka 14
Risimu No. 109
No. 1: Minhlangano Leyi Lunghiseleriweke Leswaku Hinkwavo Va Ta Vona Ni Ku Twa (jv tl. 248 ndz. 4–tl. 253)
No. 2: Ezekiyele 14:1-14
No. 3: td-TS 19B Timfanelo Ta Vutirheli
No. 4: Vutomi Lebyi Nga Heriki eParadeyisini—A Hi Norho (kl-TS matl. 7-9 tindz. 6-10)
May 20 Ku hlaya ka Bibele: Ezekiyele 15 na 16
Risimu No. 4
No. 1: Mintsombano Yi Nyika Vumbhoni Bya Vumakwerhu (jv-TS tl. 254-tl. 260 ndz. 2)
No. 2: Ezekiyele 16:46-63
No. 3: td-TS 21A Xivangelo Xa Ku Xanisiwa Ka Vakreste
No. 4: Ndlela Leyi Vutomi Byi Nga Ta Va Xiswona eParadeyisini (kl-TS matl. 9-10 tindz. 11-16)
May 27 Ku hlaya ka Bibele: Ezekiyele 17 ku ya ka 19
Risimu No. 225
No. 1: Tinhla Ta Nkoka Ta Ku Kula Ka Moya (jv-TS tl. 260 ndz. 3–tl. 264 ndz. 4)
No. 2: Ezekiyele 18:21-32
No. 3: td-TS 21B Wansati A Nga Fanelanga A Pfumelela Nuna Wakwe A N’wi Hambanisa Ni Xikwembu
No. 4: Mhaka Leyi Vutivi Bya Xikwembu Byi Nga Bya Nkoka Ha Yona (kl-TS matl. 10-11 tindz. 17-19)
June 3 Ku hlaya ka Bibele: Ezekiyele 20 na 21
Risimu No. 180
No. 1: Mintsombano Yi Tiyisa Ntirho Wo Chumayela (jv-TS tl. 265 ndz. 1–tl. 268 ndz. 2)
No. 2: Ezekiyele 21:18-32
No. 3: td-TS 21C Wanuna A Nga Fanelanga A Pfumelela Nsati Wakwe A N’wi Sivela Ku Tirhela Xikwembu
No. 4: Buku Leyi Paluxaka Vutivi Bya Xikwembu (kl-TS matl. 12-13 tindz. 1-6)
June 10 Ku hlaya ka Bibele: Ezekiyele 22 na 23
Risimu No. 97
No. 1: Mintsombano Yin’wana Ya Vanhu Va Yehovha Leyi Tsundzukekaka (jv-TS tl. 268 ndz. 3–tl. 275 ndz. 1)
No. 2: Ezekiyele 22:17-31
No. 3: td-TS 41A Swikhongelo Leswi Xikwembu Xi Swi Yingisaka
No. 4: Leswi Bibele Yi Swi Paluxaka Mayelana Ni Xikwembu (kl-TS matl. 13-15 tindz. 7-9)
June 17 Ku hlaya ka Bibele: Ezekiyele 24 ku ya ka 26
Risimu No. 46
No. 1: Mintsombano Yi Hleleriwe Matiko Hinkwawo Leswaku Ku Dzunisiwa Yehovha (jv-TS tl. 275 ndz. 2–tl. 282)
No. 2: Ezekiyele 26:1-14
No. 3: td-TS 41B Xivangelo Xa Ku Va Swikhongelo Swin’wana Swi Ri Swa Hava
No. 4: Leswi Nga Ku Endlaka U Tshemba Bibele (kl-TS matl. 15-16 tindz. 10-13)
June 24 Ku hlaya ka Bibele: Ezekiyele 27 ku ya ka 29
Risimu No. 172
No. 1: Lava Mfumo Ku Sungula (jv-TS tl. 283-tl. 287 ndz. 1)
No. 2: Ezekiyele 29:1-16
No. 3: td-TS 8A Munhu A Nga Kunguhateriwanga
No. 4: Bibele Ya Pakanisa Naswona Ya Tshembeka (kl-TS tl. 17 tindz. 14, 15)
July 1 Ku hlaya ka Bibele: Ezekiyele 30 ku ya ka 32
Risimu No. 85
No. 1: Ku Tshembela Eka Yehovha Hi Timbilu Ta Vona Hinkwato (jv-TS tl. 287 ndz. 2–tl. 292 ndz. 4)
No. 2: Ezekiyele 31:1-14
No. 3: td-TS 23A Vutomi Bya Yesu Tanihi Munhu Wa Nyama Byi Ve ‘Nkutsulo Wa Hinkwavo’
No. 4: Bibele I Buku Ya Vuprofeta (kl-TS matl. 17-18 tindz. 16-18)
July 8 Ku hlaya ka Bibele: Ezekiyele 33 na 34
Risimu No. 35
No. 1: Ku Tirhela Yehovha Hikwalaho Ko Susumetiwa Hi Rirhandzu (jv-TS tl. 292 ndz. 5–tl. 298 ndz. 1)
No. 2: Ezekiyele 34:17-30
No. 3: td-TS 23B Xivangelo Xa Ku Va Yesu A Hakele Nkutsulo
No. 4: Vuprofeta Bya Bibele Mayelana Na Yesu (kl-TS matl. 19-21 tindz. 19, 20)
July 15 Ku hlaya ka Bibele: Ezekiyele 35 ku ya ka 37
Risimu No. 128
No. 1: Ku Phayona Ni Ku Kuma Minkarhi Yo Vula Vumbhoni (jv-TS tl. 299 ndz. 1–tl. 303)
No. 2: Ezekiyele 35:1-15
No. 3: td-TS 36A Ndlela Yo Vona Vukhongeri Byin’we Ntsena Bya Ntiyiso
No. 4: Hlakulela Ku Navela Vutivi Bya Xikwembu (kl-TS matl. 21-2 tindz. 21-3)
July 22 Ku hlaya ka Bibele: Ezekiyele 38 na 39
Risimu No. 173
No. 1: Ku Kula Swin’we eRirhandzwini (jv-TS tl. 304-tl. 307 ndz. 1)
No. 2: Ezekiyele 38:1-4, 10-12, 18-23
No. 3: td-TS 36B Xana Swi Hoxile Ku Sola Tidyondzo Ta Mavunwa?
No. 4: Xikwembu Xa Ntiyiso Ni Vito Ra Xona (kl-TS matl. 23-4 tindz. 1-5)
July 29 Ku hlaya ka Bibele: Ezekiyele 40 ku ya ka 44
Risimu No. 115
No. 1: Rirhandzu Ra Vumakwerhu Eka Lava Hlaseriweke Hi Nyimpi (jv-TS tl. 307 ndz. 2–tl. 310 ndz. 2)
No. 2: Ezekiyele 40:1-15
No. 3: td-TS 36C Xikwembu Xa Swi Amukela Loko Munhu A Cinca Vukhongeri Bya Yena Loko Byi Hoxile
No. 4: Mhaka Leyi Ha Yona U Faneleke U Tirhisa Vito Ra Xikwembu (kl-TS matl. 24-5 tindz. 6-8)
Aug. 5 Ku hlaya ka Bibele: Ezekiyele 45 ku ya ka 48
Risimu No. 112
No. 1: Ezekiyele—Mhaka Leyi Yi Pfunaka Ha Yona (si-TS tl. 137 tindz. 29-33)
No. 2: Ezekiyele 47:1-12
No. 3: td-TS 36D Xana Xikwembu Xi Vona Vukhongeri Hinkwabyo Byi Lulamile?
No. 4: Ndlela Leyi Yehovha A Endlaka Vito Rakwe Ri Va Lerikulu Ha Yona (kl-TS matl. 25-7 tindz. 9-13
Aug. 12 Ku hlaya ka Bibele: Daniyele 1 na 2
Risimu No. 82
No. 1: Xingheniso Xa Daniyele (si-TS matl. 138-9 tindz. 1-6)
No. 2: Daniyele 2:31-45
No. 3: td-TS 10A Ku Ta Pfuxiwa Vamani Eku Feni?
No. 4: Timfanelo Ta Xikwembu Xa Ntiyiso (kl-TS matl. 27-8 tindz. 14-16)
Aug. 19 Ku hlaya ka Bibele: Daniyele 3 na 4
Risimu No. 135
No. 1: Rirhandzu Ra Vukreste Loko Timhangu Ta Ntumbuluko Ti Hlasela (jv-TS tl. 310 ndz. 3–tl. 315 ndz. 2)
No. 2: Daniyele 3:16-30
No. 3: td-TS 10B Xana Vafi Va Ta Pfuxeriwa Kwihi?
No. 4: Yehovha Xikwembu U Ni Tintswalo Ni Vunene (kl-TS matl. 28-9 tindz. 17-19)
Aug. 26 Mpfuxeto Wo Tsala. Hlanganisani Ezekiyele 9 ku ya ka Daniyele 4
Risimu No. 201
Sept. 2 Ku hlaya ka Bibele: Daniyele 5 na 6
Risimu No. 29
No. 1: Vun’we Bya Vumakwerhu Loko Ku Langutaniwe Ni Nxaniso (jv-TS tl. 315 ndz. 3–tl. 317)
No. 2: Daniyele 6:4-11, 16, 19-23
No. 3: td-TS 12A Ku Vuya Ka Kreste A Ku Voniwi Hi Vanhu
No. 4: Yehovha U Hlwela Ku Kariha, A Nga Yi Hi Nghohe Naswona U Lulamile (kl-TS tl. 30 tindz. 20, 21)
Sept. 9 Ku hlaya ka Bibele: Daniyele 7 na 8
Risimu No. 148
No. 1: Ku Aka Swin’we eMisaveni Hinkwayo (jv-TS tl. 318 ndz. 1–tl. 325 ndz. 4)
No. 2: Daniyele 7:2-14
No. 3: td-TS 12B Ku Vuya Ka Kreste Ku Voniwa Hi Swilo Swa Xiviri
No. 4: Yehovha Xikwembu I Un’we (kl-TS matl. 30-1 tindz. 22, 23)
Sept. 16 Ku hlaya ka Bibele: Daniyele 9 na 10
Risimu No. 105
No. 1: Ku Basisiwa Ni Ku Ndlandlamuxiwa Ka Ntirho Wo Aka (jv-TS tl. 325 ndz. 5–tl. 333 ndz. 2)
No. 2: Daniyele 9:20-27
No. 3: td-TS 27A Vakreste A Swi Va Bohi Ku Hlayisa Savata
No. 4: Yesu Kreste I Xilotlelo Xo Kuma Vutivi Bya Xikwembu (kl-TS tl. 32 tindz. 1-3)
Sept. 23 Ku hlaya ka Bibele: Daniyele 11 na 12
Risimu No. 168
No. 1: Daniyele—Mhaka Leyi Yi Pfunaka Ha Yona (si-TS matl. 141-2 tindz. 19-23)
No. 2: Daniyele 12:1-13
No. 3: td-TS 27B Nawu Wa Savata A Wu Nga Vekeriwanga Vakreste
No. 4: Mesiya La Tshembisiweke (kl-TS tl. 33 tindz. 4, 5)
Sept. 30 Ku hlaya ka Bibele: Hosiya 1 ku ya ka 5
Risimu No. 205
No. 1: Xingheniso Xa Hosiya (si-TS matl. 143-4 tindz. 1-8)
No. 2: Hosiya 5:1-15
No. 3: td-TS 27C Masungulo Ni Makumu Ya Savata Ya Xikwembu Ya Ku Wisa
No. 4: Nxaxamelo Wa Yesu Wa Ku Tswariwa Wu N’wi Kombisa Tanihi Mesiya (kl-TS tl. 34 ndz. 6)
Oct. 7 Ku hlaya ka Bibele: Hosiya 6 ku ya ka 10
Risimu No. 166
No. 1: Ku Engeteleka Lokukulu eMisaveni Hinkwayo (jv-TS tl. 333 ndz. 3–tl. 339)
No. 2: Hosiya 8:1-14
No. 3: td-TS 11A Xikwembu Xi Ponisa Hi Ku Tirhisa Kreste Ntsena
No. 4: Vuprofeta Lebyi Hetisekeke Byi Hlamusela Yesu Tanihi Mesiya (kl-TS matl. 34-6 tindz. 7, 8)
Oct. 14 Ku hlaya ka Bibele: Hosiya 11 ku ya ka 14
Risimu No. 92
No. 1: Hosiya—Mhaka Leyi Yi Pfunaka Ya Yona (si-TS tl. 145 tindz. 14-17)
No. 2: Hosiya 11:1-12
No. 3: td-TS 11B Leswaku “Loko U Ponisiwa, U Ponele Makumu” A Swi Seketeriwi Hi Matsalwa
No. 4: Vumbhoni Byin’wana Lebyi Kombisaka Leswaku Yesu A A Ri Mesiya (kl-TS tl. 36 ndz. 9)
Oct. 21 Ku hlaya ka Bibele: Yuwele 1 ku ya ka 3
Risimu No. 161
No. 1: Xingheniso Xa Yuwele Ni Mhaka Leyi Yi Pfunaka Ya Yona (si-TS matl. 146-8 tindz. 1-5, 12-14)
No. 2: Yuwele 2:1-11, 28-32
No. 3: td-TS 11C “Ku Ponisiwa Ka Hinkwavo” A Ku Seketeriwi Hi Matsalwa
No. 4: Yehovha U Vula Vumbhoni Mayelana Ni N’wana Wa Yena (kl-TS tl. 38 tindz. 10, 11)
Oct. 28 Ku hlaya ka Bibele: Amosi 1 ku ya ka 5
Risimu No. 199
No. 1: Xingheniso Xa Amosi (si-TS matl. 148-9 tindz. 1-6)
No. 2: Amosi 3:1-15
No. 3: td-TS 39A Leswi Xidyoho Xi Nga Swona
No. 4: Vukona Bya Yesu A Nga Si Va Munhu Wa Nyama (kl-TS tl. 39 tindz. 12-14)
Nov. 4 Ku hlaya ka Bibele: Amosi 6 ku ya ka 9
Risimu No. 18
No. 1: Amosi—Mhaka Leyi Yi Pfunaka Ha Yona (si-TS tl. 150 tindz. 13-17)
No. 2: Amosi 8:1-14
No. 3: td-TS 39B Lexi Vangeke Leswaku Hinkwavo Va Xaniseka Hikwalaho Ka Xidyoho Xa Adamu
No. 4: Vutomi Bya Yesu eMisaveni (kl-TS tl. 40 tindz. 15-17)
Nov. 11 Ku hlaya ka Bibele: Obadiya ku ya ka Yonasi 4
Risimu No. 26
No. 1: Xingheniso Xa Obadiya Na Yonasi Ni Mhaka Leyi Ti Pfunaka Ha Yona (si-TS matl. 151-3 tindz. 1-5, 10-14; matl. 153-5 tindz. 1-4, 9-12)
No. 2: Yonasi 3:10; 4:1-11
No. 3: td-TS 39C Xana Mbhandzu Lowu Yirisiweke A Ku Ri Yini?
No. 4: Yesu Wa Hanya Naswona U Fuma Tanihi Hosi (kl-TS matl. 41-2 tindz. 18-20)
Nov. 18 Ku hlaya ka Bibele: Mikiya 1 ku ya ka 4
Risimu No. 138
No. 1: Xingheniso Xa Mikiya (si-TS matl. 155-6 tindz. 1-8)
No. 2: Mikiya 4:1-12
No. 3: td-TS 39D Xana Ku Dyohela Moya Lowo Kwetsima Swi Vula Yini?
No. 4: Vugandzeri Lebyi Xikwembu Xi Byi Amukelaka (kl-TS matl. 43-5 tindz. 1-5)
Nov. 25 Ku hlaya ka Bibele: Mikiya 5 ku ya ka 7
Risimu No. 89
No. 1: Mikiya—Mhaka Leyi Yi Pfunaka Ha Yona (si-TS matl. 157-8 tindz. 16-19)
No. 2: Mikiya 6:1-16
No. 3: td-TS 17A Xana Moya-xiviri I Yini?
No. 4: Ku Endla Ku Rhandza Ka Xikwembu (kl-TS matl. 46-7 tindz. 6-10)
Dec. 2 Ku hlaya ka Bibele: Nahume 1 ku ya ka 3
Risimu No. 136
No. 1: Xingheniso Xa Nahume Ni Mhaka Leyi Yi Pfunaka Ha Yona (si-TS matl. 158-60 tindz. 1-7, 11, 12)
No. 2: Nahume 1:2-14
No. 3: td-TS 17B Moya-xiviri Ni Moya (spirit) Swi Hambana Njhani?
No. 4: Gandzela Xikwembu Hi Ndlela Leyi Xi Yi Lavaka (kl-TS matl. 47-8 tindz. 11-13)
Dec. 9 Ku hlaya ka Bibele: Habakuku 1 ku ya ka 3
Risimu No. 144
No. 1: Xingheniso Xa Habakuku Ni Mhaka Leyi Yi Pfunaka Ha Yona (si-TS matl. 161-3 tindz. 1-5, 12-14)
No. 2: Habakuku 1:12–2:8
No. 3: td-TS 16A Xana Moya Lowo Kwetsima I Yini?
No. 4: Tivonele Leswaku U Nga Hlundzukisi Xikwembu (kl-TS matl. 49-50 tindz. 14-17)
Dec. 16 Ku hlaya ka Bibele: Sofoniya 1 ku ya ka 3
Risimu No. 146
No. 1: Xingheniso Xa Sofoniya Ni Mhaka Leyi Yi Pfunaka Ha Yona (si-TS matl. 163-6 tindz. 1-6, 10-12)
No. 2: Sofoniya 1:7-18
No. 3: td-TS 16B Matimba Ya Vutomi Bya Munhu Ni Ya Xiharhi Ma Vitaniwa Moya
No. 4: Hlayisa Mimpimanyeto Ya Xikwembu Leyi Tlakukeke (kl-TS matl. 50-1 tindz. 18, 19)
Dec. 23 Ku hlaya ka Bibele: Hagayi 1 na 2
Risimu No. 164
No. 1: Xingheniso Xa Hagayi Ni Mhaka Leyi Yi Pfunaka Ha Yona (si-TS matl. 166-8 tindz. 1-7, 13-16)
No. 2: Hagayi 2:6-19
No. 3: td-TS 16C Xivangelo Xo Va Vakreste Va Ntiyiso Va Papalata Mikhuva Hinkwayo Ya Vungoma
No. 4: Gandzela Yehovha Hi Moya-xiviri Hinkwawo (kl-TS matl. 51-2 tindz. 20-2)
Dec. 30 Mpfuxeto Wo Tsala. Hlanganisani Daniyele 5 ku ya ka Hagayi 2
Risimu No. 177