MINHLANGANO YA NTIRHO YA DECEMBER

XIYA: Vutirheli Bya Hina Bya Mfumo byi ta kombisa xiyimiso xa Nhlangano wa Ntirho wa vhiki rin’wana ni rin’wana hi December. Mavandlha ma nga ha cinca hi laha swi fanelaka ha kona leswaku ma kota ku ya eNtsombanweni wa Muganga wa “Vadzunisi Lava Tsakeke” ivi ku va ni mpfuxeto wa 30 wa timinete wa tinhla-nkulu ta nongonoko eka Nhlangano Wa Ntirho vhiki leri landzelaka. Mpfuxeto wa siku rin’wana ni rin’wana ra nongonoko wa ntsombano wa muganga wu fanele ku averiwa vamakwerhu vambirhi kumbe vanharhu lava fanelekaka, ka ha ri ni nkarhi, lava nga ta kota ku hlawula tinhla-nkulu. Mpfuxeto lowu lowu lunghiseleriweke kahle wu ta pfuna vandlha leswaku ri tsundzuka tinhla-nkulu, un’wana ni un’wana a ti tirhisa hi yexe ni ku ti tirhisa ensin’wini. Tinhlamuselo ta vayingiseri ni mintokoto leyi runguriwaka swi fanele swi koma, swi ba nhloko ya mhaka.

Vhiki Leri Sungulaka Hi December 4

Risimu 181

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa hinkwavo evandlheni hi xilaveko xo hlanganyela evutirhelini bya nsimu emasungulweni ya December ni ku tiyiseka leswaku va tisa swiviko swa vona va nga si ya eku wiseni kumbe entsombanweni. Hi kombela mi tisa swiviko ku nga khathariseki nkarhi lowu mi wu heteke evutirhelini. Vafambisi va dyondzo ya buku va fanele va tsundzuxa hinkwavo lava nga emintlaweni ya vona hi mhaka leyi.

15 min: “Dzunisani Yehovha Siku Na Siku.” Swivutiso ni tinhlamulo. A ku hlayiwe tindzimana. Vana ni muhuweleri un’we kumbe vambirhi va rungula mintokoto leyi khutazaka leyi va yi tsakeleke loko va ri karhi va vula vumbhoni hi xitshuketa.

20 min: “Ku Fambisa Buku Leyi Nge Nghwazi Leyi Tshameke Yi Hanya.” Bumabumela ku fambisiwa ka buku leyi hi December. Lava va yaka eku wiseni kumbe lava nga ta teka maendzo yo ya emintsombanweni va nga ha lava tikopi leti engetelekeke to ti tirhisa loko va vula vumbhoni hi xitshuketa. Hlamusela swingheniso leswi ringanyetiweke, kutani u va na nkombiso wun’we kumbe mimbirhi.

Risimu 224 ni xikhongelo xo pfala.

Vhiki Leri Sungulaka Hi December 11

Risimu 201

13 min: Switiviso swa vandlha. Xiviko xa timali. Hlamusela swivangelo swin’wana hi ku komisa leswi endlaka leswaku hi fanela ku kunguhatela ku hlanganyela hi laha ku heleleke entirhweni wa nsimu. Ematshan’weni ya leswaku hi tipimela ku tirha awara yin’we kumbe ku tlula loko hi humile, ha yini hi nga hleli ku tirha tiawara timbirhi kumbe ku tlula loko swi koteka? Ku humelela hakanyingi ku titshega hi ku endla malunghiselelo ya maendzo yo vuyela ka ha ri ni nkarhi ni ku lunghiselela ku tirha ni van’wana lava va nga ta tirha tiawara timbirhi kumbe ku tlula.

15 min: Swilaveko swa vandlha. Kumbe nkulumo leyi sekeriweke eka xihloko lexi nge “Hakelo Ya Ku Phikelela,” eka Xihondzo xo Rindza xa August 1, 1995, matluka 25-⁠9.

17 min: “Lunghiselela Minhlangano Ya Vandlha Leswaku U Yi Tsakela.” Nkulumo ni bulo. Rhamba muhuweleri un’we kumbe vambirhi va rungula leswi va swi endlaka, leswi va pfunaka leswaku va tsakela minhlangano ni ku vuyeriwa swinene hi yona.

Risimu 28 ni xikhongelo xo pfala.

Vhiki Leri Sungulaka Hi December 18

Risimu 139

10 min: Switiviso swa vandlha. Nyikela swiringanyeto swin’wana swa ndlela yo angula hi vutlhari eka maxewetelo ya tiholideyi. Tivisa malunghiselelo yo hlawuleka yo vula vumbhoni hi December 25 eka mavandlha lama nga yiki entsombanweni siku rero.

15 min: “Endla Nhluvuko Wa Wena Wu Vonaka.” Swivutiso ni tinhlamulo.

20 min: “Tlhelela Eka Lava Kombiseke Ku Tsakela.” Hlamusela swingheniso leswi ringanyetiweke, kutani u va na minkombiso mimbirhi yo koma. Khutaza hinkwavo leswaku va endla maendzo yo vuyela va ri ni pakani yo sungula tidyondzo ta Bibele.

Risimu 44 ni xikhongelo xo pfala.

Vhiki Leri Sungulaka Hi December 25

Risimu 88

5 min: Switiviso swa vandlha. Loko minkarhi ya minhlangano ya n’wina yi ta cinca hi January 1, khutaza hinkwavo leswaku va seketela swinene hi ku endla mindzulamiso leyi faneleke. (Vona Vutirheli Bya Hina Bya Mfumo bya December 1994, tluka 2.) Tivisa hi malunghiselelo yo hlawuleka yo vula vumbhoni hi January 1 eka mavandlha lama nga ta va ma nga ri entsombanweni.

15 min: Bokisi Ra Swivutiso. Nkulumo. Endla mhaka yi tirha endhawini ya ka n’wina.

25 min: “Ku Endla Ku Vonakala Ka Hina Ku Vangama Nkarhi Na Nkarhi.” Endla xingheniso xo koma hi tindzimana 1-⁠5. Tindzimana 6-⁠16 ti fanele ku hlanganisiwa hi swivutiso ni tinhlamulo. Hlaya tindzimana 6-9, 15 na 16. Tirhisa tindzimana 17-19 u endla mahetelelo. Yi ta tameriwa hi mulanguteri wa ntirho loko swi koteka.

Risimu 3 na xikhongelo xo pfala.

Yi ya emahlweni eka tluka 7

Nhlangano Wa Ntirho (yi sukela eka tluka 2)