MPFUXETO WA XIKOLO XA VUTIRHELI BYA LE TILWENI
Handle ko languta tibuku ku endliwa mpfuxeto wa mhaka leyi hlanganisiweke eswiavelweni swa Xikolo xa Vutirheli bya le Tilweni swa mavhiki ya September 4 ku ya eka December 18, 1995. Tirhisa phepha leri hambaneke ku tsala tinhlamulo ta swivutiso swo tala hi laha u nga swi kotaka ha kona hi nkarhi lowu nyikiweke.
[Tsundzuka: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xihi na xihi. Tinhlamuselo leti landzelaka swivutiso i ta ndzavisiso wa wena n’wini. Tinomboro ta matluka ni tindzimana swi nga ha endleka ti nga humeleli eka tinhlamuselo hinkwato ta Xihondzo xo Rindza.]
Hlamula yin’wana ni yin’wana ya tinhlamuselo leti landzelaka, u ku I Ntiyiso ku-mbe I Mavunwa:
1. Timbhoni ta Yehovha a ti na murhangeri. [jv-TS tl. 117 ndzim. 4]
2. Esaya 38:5 yi hi pfuna ku twisisa leswaku swikombelo swa mbilu hinkwayo swi nga susumetela Yehovha leswaku a endla ni leswi a a nga ta swi endla. [Ku hlaya ka Bibele ka vhiki na vhiki; vona w95-TS 4/1 tl. 15.]
3. Munhu la nga nyawuriki wa laha misaveni a nga endla leswaku Mutumbuluxi wa vuako a karhateka kumbe a tsaka. (Esa. 63:10) [Ku hlaya ka Bibele ka vhiki na vhiki; vona w93-TS 6/15 tl. 15.]
4. N. H. Barbour u vule leswaku u pfumela eka nkutsulo, leswaku Kreste u hi ferile. U ale mianakanyo ya “xikhomela-ndhawu”—leswaku Kreste u file ematshan’wini ya hina. [jv-TS tl. 131 tindz. 3, 4, nhlamuselo ya le hansi]
5. Esaya 53:5, 12 yi vhumbe leswaku Yesu Kreste a ta fa tanihi gandzelo ra nkutsulo leswaku a funengeta swidyoho swa van’wana. [Ku hlaya ka Bibele ka vhiki na vhiki; vona w92-TS 10/1 tl. 14.]
6. Hi ku dyondza ka yena Matsalwa, Russell u sungule ku vona leswaku Kreste a nga ta vuya a nga vonaki ntsena kambe ni leswaku a ta tshama a nga vonaki, hambi loko a kombisa vukona bya yena hi ku avanyisa lavo homboloka. [jv-TS tl. 133 ndzim. 3]
7. Hambi leswi Timbhoni ta Yehovha ti nga riki na xiphemu emintirhweni ya tipolitiki, a ti ngheneleli eka leswi van’wana va swi endlaka tanihi ku joyina ntlawa wa politiki, ku lava xikhundla, kumbe ku vhota eka minhlawulo. [uw-TS tl. 166 ndzim. 12]
8. Malandza yo tshembeka ya Xikwembu ya le mahlweni ka nkarhi wa Kreste a ma nga ri na vutivi malunghana ni misava leyintshwa leyi hi nga ni ntshembo wa yona. [Ku hlaya ka Bibele ka vhiki na vhiki; vona w95-TS 2/15 tl. 11.]
9. Korexe u ve “muhlawuriwa” wa Yehovha hambi leswi a ku nga ri na vumbhoni bya leswaku u cheriwe mafurha ya xiviri. (Esa. 45:1) [Ku hlaya ka Bibele ka vhiki na vhiki; vona w92-TS 11/15 tl. 30.]
10. Leswaku va tirhela Xikwembu hi ku tinyiketela loku heleleke, Vakreste va fanele ku tiva siku ni nkarhi lowu Yehovha a nga ta herisa fambiselo ra Sathana ra laha misaveni ha wona. [uw-TS tl. 176 ndzim. 2]
Hlamula swivutiso leswi landzelaka:
11. Xana Mukreste u fanele a vulavula rini ni dokodela wa yena malunghana ni xiboho xa yena xo ala ngati? [uw-TS tl. 158 ndzim. 9]
12. Xana Yesu a nga ri xiphemu xa misava hi ndlela yihi? [uw-TS tl. 161 ndzim. 2]
13. I yini leswi ku vula Rito ra Xikwembu hi xivindzi swi nga vuliki swona? [uw-TS tl. 175 ndzim. 13]
14. I mani “Israyele wa Xikwembu” wa xiviri, naswona u voniwe hi lembe rihi? (Gal. 6:16) [jv-TS tl. 141 tindzim. 3, 4]
15. Xana i nsinya wihi wa nawu lowu twisisiweke kahle le ndzhaku hi 1962 lowu hlamuselaka ku twisisa ka hina ku titsongahata eka “tihosi”? (Rhom. 13:1-7) [jv-TS tl. 147 ndzim. 3]
16. Hambi leswi hi 1931 a hi tiviwa hi ri Vakreste ni Swichudeni swa Bibele, ha yini ku ve ni xilaveko xo hlawuleka xo amukela vito ra Timbhoni ta Yehovha? [jv-TS tl. 150 ndzim. 5–tl. 151 ndzim. 2]
17. Xana i ku pfumela kwihi malunghana ni misava ni tsalwa leri nga eka Matewu 5:5 loku endleke leswaku Timbhoni ta Yehovha ti hambana ni Vujagana hinkwabyo? [jv-TS tl. 161 ndzim. 3]
18. I tibuku ni tindzima tihi ta Tievhangeli tinharhu leti nga ni rungula ra xikombiso lexi hlanganisaka swilo swo tala lexi kombisaka “ku hela ka mafambiselo ya swilo”? (NW) [uw-TS tl. 178 ndzim. 5]
19. Ha yini vito ra Timbhoni ta Yehovha ku nga ri mfungho ntsena? [jv-TS tl. 158 ndzim. 4]
20. Ha yini ku nga ri na xivutiso exikarhi ka Timbhoni ta Yehovha malunghana ni ndlela leyi vuoswi, vumbhisa kumbe vusodoma byi faneleke ku langutiwa ha yona? [jv-TS tl. 173 ndzim. 1, tl. 174 ndzim. 3]
Tsala (ma-)rito kumbe xiga lexi lavekaka ku hetisisa yin’wana ni yin’wana ya tinhlamuselo leti landzelaka:
21. Loko Mukreste a amukeriwa exibedlhele, u fanele ku endla xikombelo lexi _________________________ xa leswaku a ku fanelanga ku tirhisiwa ngati, naswona u fanele ku _________________________ hi swona hi yexe ni dokodela la nga ta n’wi tshungula. [uw-TS tl. 158 ndzim. 9]
22. Tindlela timbirhi leti hi kombisaka leswaku hi tshembela eka Yehovha i ku va kona _________________________ nkarhi na nkarhi ni ku ya eka yena nkarhi na nkarhi hi _________________________ . [uw-TS matl. 170-1 tindzim. 5-7]
23. Ku sukela hi 1976 ku ya eka 1992, vatirhi va ku tirhandzela vo _________________________ va pfunete ku akiwa ka miako leyintshwa ya _________________________ ematikweni ya 60, ku vumbiwe _________________________ lamantshwa yo tlula 29 000 emisaveni hinkwayo, naswona nhlengeletano yi lave ku _________________________ hi nhlayo ya vahuweleri va Mfumo vo tlula 4 470 000. [jv-TS tl. 114 ndzim. 1, tl. 115 ndzim. 1, na tl. 117 ndzim. 2]
24. Hi June 1882, Zion’s Watch Tower yi twarise leswaku _________________________ na _________________________ i __________________________________ naswona a hi munhu un’we, i van’we ntsena hi mongo wa leswaku va _________________________ , ni leswaku moya a hi _________________________ tanihi leswi moya wa misava wu nga riki munhu. [jv-TS tl. 123 ndzim. 4]
25. Hi June 22, 1977, mavhiki mambirhi endzhaku ka rifu ra Makwerhu Knorr, _________________________ u ve muungameri wa Sosayiti ya Watch Tower. [jv-TS tl. 109 ndzim. 3]
Hlawula nhlamulo leyi nga yona eka yin’wana ni yin’wana ya tinhlamuselo leti landzelaka:
26. Vakreste vo sungula a va sandziwa va vuriwa leswaku va venga vanhu hikwalaho ka leswi (a va nga vulavuli ni lava nga pfumeriki; a va nga gandzeli swifaniso; a va papalata madzolonga ni ku tihungasa loku thyakeke). [uw-TS tl. 163 ndzim. 7]
27. Exifanisweni xa Yesu lexi nga eka Matewu 13:36-43, mavele ma fanekisela (vavanuna va khale vo tshembeka; ntshungu lowukulu; Vakreste lava totiweke), kasi mfava wu fanekisela (vanhu hinkwavo lava nga pfumeriki; Vakreste va nomu; vatsari ni Vafarisi). [uw-TS tl. 179 ndzim. 7]
28. Xikongomelo lexikulu xa Xikwembu i ku (ponisa vanhu; lovisa Diyavulosi; lwela vuhosi bya xona). [jv-TS tl. 167 ndzim. 1]
29. Ndzulamiso wa nhlengeletano lowu sunguleke hi October 1, 1972, wu vule leswaku (mulanguteri; nandza wa vandlha; huvo ya vakulu) a yi fanele ku hlawuriwa leswaku yi ta khathalela vandlha rin’wana ni rin’wana. [jv-TS tl. 106 ndzim. 2]
30. Hi ni matimu lama heleleke ya vutomi bya Yeremiya ku tlula ya vaprofeta van’wana va khale handle ka (Daniyele; Esaya; Muxe). [si-TS tl. 124 ndzim. 5]
Twananisa matsalwa lama landzelaka ni tinhlamuselo leti xaxametiweke laha hansi:
Levh. 17:11, 12; Esa. 43:10; Yer. 7:31; Yoh. 10:16; Mint. 4:13
31. Dyondzo leyi nga nyawuriki ya misava a yi n’wi siveli munhu leswaku a va muhuweleri wa mahungu lamanene la nga ni xivindzi. [uw-TS tl. 172 ndzim. 8]
32. Ndhawu yin’we laha Matsalwa ma vulavulaka hi ku tirhisiwa ka ngati leyi kombisaka ku kwetsima ka yona ni ku kandziyisa nkoka wa gandzelo ra Kreste. [uw-TS tl. 159 ndzim. 11]
33. A ku na ku phikizana exikarhi ka ntlawa lowu totiweke ni ntshungu lowukulu, naswona a ku na xivangelo xa leswaku hikwalaho ka ntshembo kumbe xikhundla, un’wana wa antswa kumbe u le hansi ka un’wana. [jv-TS tl. 171 ndzim. 2]
34. Yehovha a nga tlhandlami munhu; ku hava xikwembu lexi veke kona emahlweni ka yena, naswona a ku nge vi na xin’wana endzhaku ka yena hikuva i wa hi laha ku nga heriki, Mufumi la Tlakukeke. [Ku hlaya ka Bibele ka vhiki na vhiki; vona w92-TS 1/15 tl. 22.]
35. Vanhu vo tala lavakulu namuntlha a va nge ehleketi hi ku nyikela vana va vona tanihi magandzelo ya swifaniso, kambe timiliyoni to tala ta vana ti dlayiwa hi ku xixiwa ka tinyimba, naswona timiliyoni ta vantshwa ti nyikeriwile ealtarini ya nyimpi. [Ku hlaya ka Bibele ka vhiki na vhiki; vona w88-TS 1/15 tl. 31.]