Minhlangano Ya Ntirho Ya January

Vhiki Leri Sungulaka Hi January 1

Risimu 133

10 min:Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Matsalana ni vafambisi va dyondzo ya buku va fanele va vona leswaku swiviko hinkwaswo leswi xiyekaka swa ntirho wa nsimu swa tin’hweti leti nga hundza swa tisiwa. Tsundzuxa vahuweleri leswaku va vika ntirho wa vona wa nsimu wa December hi ku hatlisa.

15 min:“Chumayela Hi Vutlharhi.” Bula hi tinhla-nkulu, kutani u va na nkombiso wun’we kumbe mimbirhi.

20 min:“Vanani Vaendli—Ku Nga Ri Vatwi Ntsena.” Swivutiso ni tinhlamulo. Loko nkarhi wu pfumela, hlamusela nkoka wa ku yingisa lowu sekeriweke ebukwini leyi nge Insight, Vholumo 2, tluka 521, tindzimana 1 na 2.

Risimu 28 ni xikhongelo xo pfala.

Vhiki Leri Sungulaka Hi January 8

Risimu 138

10 min:Switiviso swa vandlha. Xiviko xa timali. Nyikela nhlamuselo leyi faneleke ya nseketelo wa timali evandlheni ni le ka ntirho wa misava hinkwayo leswaku ku chumayeriwa mahungu lamanene.

15 min:Nsirhelelo Wa Nkoka Wa Advance Medical Directive/Release Card. Nkulu u bula ni vandlha hi nkoka wa ku va un’wana ni un’wana a tata kahle khadi ra Advance Medical Directive/Release naswona a tshama a ri na rona nkarhi hinkwawo ni xilaveko xo va vana va tshama va ri na Identity Card nkarhi hinkwawo. Tanihi leswi nhloko-mhaka ya khadi yi kombisaka ha kona, ri nyikela ku lemuka ka xihatla ka leswi lavekaka (kumbe leswi nga lavekiki) mayelana ni vutshunguri. Ha yini leswi swi endliwa lembe na lembe? Khadi ra sweswinyana ra khorwisa ku tlula leri ri nga ha tekiwaka ri hundzeriwe hi nkarhi kumbe ri nga kombisi leswi munhu a pfumelaka swona. Khadi ra ku vulavulela loko u nga swi koti ku vulavula. Makhadi ma ta phakeriwa madyambu ya namuntlha. Ma fanele ya tatiwa hi vukheta ekaya, kambe ya nga sayiniwi. Hi laha swi endliweke ha kona eka malembe mambirhi lama hundzeke, wena na mbhoni mi ta sayina eDyondzweni ya Buku ya Vandlha, ehansi ka nkongomiso wa mufambisi wa dyondzo ya buku. Lava va sayinaka tanihi timbhoni va fanele va vona loko n’wini wa khadi a ri karhi a sayina. Leswi swi nga endliwa edyondzweni ya buku hi vhiki ra January 15. (Vona tluka 2 ra Vutirheli Bya Hina Bya Mfumo bya January 1994 leswaku u kuma vuxokoxoko bya endlelo ra kona. Nakambe vona papila ra October 15, 1992.) Vahuweleri hinkwavo lava khuvuriweke va nga ha tata khadi ra Advance Medical Directive/Release. Vahuweleri lava nga khuvuriwangiki, hi ku languta leswi nga ekhadini leri hi ku ya hi swiyimo swa vona va nga ha lava ku tata ya vona. Vatswari va nga ha pfuna vana va vona leswaku va tata Identity Card. Tivisa vandlha leswaku swiengetelo swimbirhi leswi pfuxetiweke swa June 1992 na March 1993 ku ta buriwa ha swona eka Nhlangano wa Ntirho hi mavhiki ya January 22 na 29. Un’wana ni un’wana u fanele a ta ni tikopi ta yena leswaku ku ta buriwa ha tona.

20 min:“Vuyeriwa eXikolweni Xa Vutirheli Bya Le Tilweni Xa 1996—Xiyenge 1.” Nkulumo hi mulanguteri wa xikolo. Hlamusela nkongomiso lowu nyikeriweke wa tinkulumo ta swichudeni eka swiletelo swa Xikolo xa Vutirheli bya le Tilweni, leswi nga eka Vutirheli Bya Hina Bya Mfumo bya October 1995.

Risimu 70 ni xikhongelo xo pfala.

Vhiki Leri Sungulaka Hi January 15

Risimu 77

12 min:Switiviso swa vandlha. Hi ku komisa bula hi xiphiqo lexi kulaka xa lava nga riki kona ekaya. Khutaza vahuweleri leswaku va hlayisa nkarhi hi ku tshinelela vanhu lava hundzaka hi ndlela, lava tiyimeleke etindleleni, kumbe lava titshameleke etimovheni.

15 min:Swilaveko swa vandlha. (Kumbe nkulumo hi xihloko lexi nge “Hlayisa Langutelo Ra Wena Hi Swilo Swa Xihatla,” lexi sekeriweke eka Xihondzo xo Rindza xa October 1, 1995, matluka 25-8.)

18 min:“Tlhelela U Ya Ponisa Van’wana.” Hlamusela swingheniso leswi ringanyetiweke. Bumabumela pakani ya ku sungula tidyondzo hi buku leyintshwa leyi nge Vutivi Lebyi Yisaka eVuton’wini Lebyi Nga Heriki.

Risimu 156 ni xikhongelo xo pfala.

Vhiki Leri Sungulaka Hi January 22

Risimu 200

5 min:Switiviso swa vandlha.

25 min:“Xana U Lunghekele Ku Langutana Ni Xiyimo Xa Vutshunguri Lexi Tlhontlhaka Ripfumelo?” Nkulu la fanelekaka u bula ni vayingiseri hi nkandziyiso wa xiengetelo lexi pfuxetiweke xa June 1992 lexi humeleleke eka Vutirheli Bya Hina Bya Mfumo bya November 1994. Katsa tinhla leti faneleke leti humaka eka papila leri rhumeriweke eka mavandlha hinkwawo ra January 1, 1996. Katsa ni vayingiseri swinene hi laha swi nga kotekaka ha kona. Kandziyisa mpfuno wa ku tirhisana ka vakulu ni Tikomiti to Vulavurisana ni Swibedlhele loko va langutane ni xiyimo xa xihatla mayelana ni vutshunguri. Kandziyisa nkoka wa ku nga yimi ku kondza ku fika xiyimo xa xihatla mi nga si xiya leswi mi faneleke ku swi endla. Kunguhatani ka ha ri nkarhi tanihi ndyangu sweswi—lunghekani! Tsundzuxa vayingiseri leswaku va ta na nkandziyiso lowu pfuxetiweke wa xiengetelo xa March 1993 lexi nge “Ku Sirhelela Vana Va Wena Eku Tirhisiweni Loko Biha Ka Ngati” eka Nhlangano wa Ntirho lowu landzelaka.

15 min:“Vulavula Hi Xivindzi.” Nkulumo na bulo leyi faneleke ku tameriwa hi nkulu. Hlamusela malunghiselelo ya vandlha ya ntirho wa nsimu hi Sonto. Bumabumela nseketelo lowunene, kutani u nyikela swiringanyeto swa laha ku lavekaka ku antswisiwa.

Risimu 92 na xikhongelo xo pfala.

Vhiki Leri Sungulaka Hi January 29

Risimu 31

10 min:Switiviso swa vandlha. Tsundzuxa vahuweleri leswaku va vika ntirho wa vona wa nsimu wa January hi ku hatlisa.

20 min:“Ku Sirhelela Vana Va Wena Eku Tirhisiweni Loko Biha Ka Ngati.” Nkulu u nyikela nkulumo hi xiengetelo lexi pfuxetiweke xa March 1993. Hlamusela xivangelo xa ku pfumelela ka vatswari leswaku dokodela a tshungula n’wana wa vona ehansi ka swiyimo leswi boxiweke eka tindzima 5-7 leswaku a swi fanelanga swi tekiwa tanihi ku landzula. Kandziyisa leswaku ku lunghiselela ka vatswari ka ha ri emahlweni ka vutshunguri bya vana va vona, hakanyingi i xilotlelo xa ku va va papalata mpompelo hi laha ku humelelaka. Pfuna vayingiseri leswaku va vona xilaveko xa ku va na swiengetelo haswimbirhi (6/92; 3/93) leswi tirhisekaka hi ku olova, ni ku swi pfuxeta nkarhi na nkarhi.

15 min:Fambisa Buku Leyi Ku Chaputa Ka Nhlavutelo Hi February. Hlamusela xivangelo xa ku va ku ri khale buku ya Nhlavutelo yi langutiwe tanihi xihundla lexi nga twisisekiki. Hlamusela tindzimana 6 ku ya 9 eka tluka 8, u kombisa xivangelo xa ku va buku leyi yi laveka. Khutaza vahuweleri ku tsundzuka tinhla leti leswaku va ta va ni xisekelo xa leswi va nga ta vulavula ha swona emakaya ya vanhu. Kombetela eka “Xivumbeko Xa Buku Ya Nhlavutelo” eka tluka 98-9, kutani u komba ndlela leyi xi nga tirhisiwaka ha yona ku kombisa leswi buku ya Nhlavutelo yi swi hlamuselaka. Yisa nyingiso eswifanisweni leswi nga eka matluka yo sungula ni ya le ndzhaku ya swifunengeto ni ndlela leyi swi nga ha tirhisiwaka tanihi hi ndlela yo sungula bulo ha yona. Tsundzuxa hinkwavo leswaku va titekela tibuku to ti tirhisa ensin’wini mahelo-vhiki lawa.

Risimu 143 ni xikhongelo xo pfala.