Switiviso
◼ Tibuku leti nga ta tirhisiwa hi January: Nghwazi Leyi Tshameke Yi Hanya hi munyikelo wa R10,50. February: Ku Endla Vutomi Bya Ndyangu Wa Wena Byi Tsakisa hi munyikelo wa R3,50 kumbe Nhlavutelo—Ku Chaputa Ka Yona Loku Hlamarisaka Ku Tshinele! hi munyikelo wa R10,50. March: Vutivi Lebyi Yisaka eVuton’wini Lebyi Nga Heriki hi munyikelo wa R3,50. April: Xikhokhelo xa lembe rin’we xa poso xa Xihondzo xo Rindza hi munyikelo wa R38,00 minkandziyiso leyi humaka kambirhi hi n’hweti. Xikhokhelo xa nkandziyiso lowu humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R19,00. Swikhokhelo swa ntlawa i R24,00 na R12,00 hi ku hambana ka swona. Endla matshalatshala yo hlawuleka leswaku u fambisa tikopi ta timagazini loko xikhokhelo xi nga amukeriwi.
◼ Mavandlha ma fanele ma endla malunghiselelo lama faneleke leswaku ma tlangela Xitsundzuxo xa nan’waka hi Ravumbirhi, April 2, endzhaku ka ku pela ka dyambu. Hambi leswi ku tsakeriwaka leswaku vandlha rin’wana ni rin’wana ri endla nkhuvo wa rona wa Xitsundzuxo, leswi a swi nge koteki minkarhi hinkwayo. Loko nhlayo ya mavandlha yi tirhisa Holo yin’we ya Mfumo, kumbexana vandlha rin’we kumbe ku tlula ri nga kombela ku tirhisa muako wun’wana madyambu wolawo. Xitsundzuxo a xi fanelanga xi hlwela ku sungula lerova vanhu lavantshwa lava ha ku tsakelaka va kuma swi va nonon’hwela ku va kona. Ku tlula kwalaho, nkarhi lowu vekiweke a wu fanelanga wu tshinelelana ngopfu lerova ku pfumaleka na nkarhi wo xeweta vaendzi emahlweni ni le ndzhaku ka nkhuvo, ni wo endla malunghiselelo yo pfuna van’wana hi laha ku engetelekeke hi tlhelo ra moya kumbe ku bula hi timhaka leti khutazaka. Endzhaku ka ku kambisisa timhaka hinkwato hi vukheta, vakulu va fanele ku endla xiboho xa leswaku i malunghiselelo wahi lama nga ta pfuna lava nga ta va kona eXitsundzuxweni leswaku va vuyeriwa hi xitalo eka xiendlakalo lexi.
◼ Nkulumo yo hlawuleka ya le rivaleni ya nguva ya Xitsundzuxo xa 1996 yi ta nyikeriwa hi Sonto, April 21. Xihloko xa nkulumo xi ta ku “Ku Tshama Hi Ri Hava Xisandzu Exikarhi Ka Xitukulwana Xo Homboloka.” Phepha ra nkulumo ri ta rhumeriwa. Mavandlha lama nga ta va ma endzeriwe hi mulanguteri wa xifundzha, ma ri na nhlengeletano ya xifundzha, kumbe nhlengeletano ya siku ro hlawuleka hi mahelo-vhiki wolawo ma ta va na nkulumo yo hlawuleka hi vhiki leri landzelaka. A ku na vandlha leri nga ta va na nkulumo yo hlawuleka emahlweni ka April 21.
◼ Ku sukela hi February, naswona ku nga ri endzhaku ka March 3, nkulumo ya le rivaleni leyintshwa ya valanguteri va xifundzha yi ta ku “Vandlha Ro Tshembeka Ehansi Ka Vurhangeri Bya Kreste.”
◼ Ku sukela hi April 29, 1996, ku ta dyondziwa buku leyi nge Vutivi Lebyi Yisaka eVuton’wini Lebyi Nga Heriki eDyondzweni ya Buku ya Vandlha.
◼ HI KOMBELA U XIYA: A swa ha hlayisekanga ku rhumela mali eka Sosayiti hi ku tirhisa registered mail. A ku hakeriwi nchumu loko papila ri lahleka kumbe leswi nga endzeni ka rona. Ndlela yo antswa yo rhumela mali i ku yi rhumela hi banki (hi fomo ya M-65 leyi mi nga yi odaka eka Sosayiti), hi cheke, kumbe hi ti-postal order. Yi nga ha rhumeriwa hi xitempe lexi tirhisiwaka lexi enkarhini wa sweswi xi nga 60 wa tisente. Loko u boheka ku rhumela mali hi yoxe, kutani ke, yi rhumele hi poso ya ndzindza-khombo. Hambi leswi swi durhaka, hi yona ndlela leyi hlayisekeke yo rhumela mali hi poso. Papila ra ndzindza-khombo ri fanele ku yisiwa ekhawuntarini ya Hofisi ya Poso leswaku matsalana a ta hlayela mali ya kona.
◼ Ku tsundzuxiwa vakulu leswaku va nyika muhuweleri un’wana ni un’wana lontshwa loyi a khuvuriweke swiengetelo leswi pfuxetiweke swa Vutirheli Bya Hina Bya Mfumo bya June 1992 na March 1993. Swiengetelo leswi swi fanele ku odiwa eka Sosayiti hi fomo ya S-AB-14.