Switsundzuxo Swa Xilalelo

Leswi landzelaka hi leswi mi faneleke ku swi endla ku nga si fika Xitsundzuxo hi Ravumbirhi, April 2:

◼ Hinkwavo, ku katsa ni xivulavuri, va fanele va tivisiwa nkarhi wa kona ni ndhawu leyi nkhuvo wu nga ta va eka yona.

◼ Xinkwa ni vhinyo leyi faneleke swi fanele swi kumiwa naswona swi tshama swi lunghile.—Vona Xihondzo xo Rindza xa February 1, 1985, tluka 29.

◼ Tafula leri faneleke, lapi ra tafula, swibye ni tinghilazi swi fanele swi tisiwa eholweni ka ha ri nkarhi ivi swi vekiwa kahle.

◼ Holo ya Mfumo kumbe ndhawu yin’wana ya minhlangano yi fanele yi basisiwa hi vukheta ka ha ri emahlweni.

◼ Varindzi ni vatirhi va fanele va hlawuriwa ni ku leteriwa ka ha ri na nkarhi mayelana ni endlelo leri faneleke ni mintirho ya vona.

◼ Ku fanele ku endliwa malunghiselelo yo phamela mutotiwa wihi na wihi loyi a vabyaka naswona loyi a nga swi kotiki ku va kona.

◼ Loko ku lunghiseleriwe nkhuvo wo tlula wun’we eHolweni yin’we ya Mfumo, ku fanele ku va na ntirhisano exikarhi ka mavandlha leswaku ku papalatiwa ntlimbano etinyangweni, endleleni yo nghena, endleleni ya mani na mani ni laha ku pakiwaka kona timovha.