Switsundzuxo Swa Nkhuvo Wa Xitsundzuxo

Nan’waka nkhuvo wa Xitsundzuxo wu ta va hi Ravumune April 1. Vakulu va fanele va yisa nyingiso etimhakeni leti landzelaka:

◼ Loko mi hlela nkarhi wa nhlangano, tiyisekani leswaku swifanekiselo a swi nge fambisiwi loko dyambu ri nga si pela.

◼ Vanhu hinkwavo, ku katsa ni xivulavuri, va fanele va tivisiwa nkarhi ni ndhawu leyi faneleke ya xitsundzuxo.

◼ A swi bohi leswaku ku hlawuriwa mutshama-xitulu, hikuva hambi ku ri xivulavuri xi nga swi kota ku fambisa swilo kahle.

◼ Xinkwa ni vhinyo leyi faneleke swi fanele swi kumiwa ni ku lunghisiwa ka ha ri emahlweni.—Vona Xihondzo xo Rindza xa February 1, 1985, tluka 29.

◼ Tipuleti, tinghilazi, tafula leri fanelekaka ni lapi ra tafula swi fanele swi tisiwa eholweni ivi swi vekiwa ka ha ri emahlweni.

◼ Holo Ya Mfumo kumbe ndhawu yin’wana ya minhlangano yi fanele ku basisiwa kahle ka ha ri ni nkarhi.

◼ Varindzi ni vafambisi va swifanekiselo va fanele va hlawuriwa ni ku leteriwa ka ha ri emahlweni malunghana ni mintirho ya vona kun’we ni endlelo leri faneleke.

◼ Ku fanele ku endliwa malunghiselelo ya ku yisa swifanekiselo eka mutotiwa un’wana ni un’wana la vabyaka loyi a nga ta tsandzeka ku va kona.

◼ Loko Holo ya Mfumo yi ta tirhisiwa hi mavandlha yo hlayanyana, mavandlha lawa ma fanele ma hleleka leswaku ku ta papalatiwa ntlimbano ehandle ka holo kumbe eminyangweni, ematlhelo ka magondzo laha vanhu va fambaka ha kona kun’we ni le tindhawini to paka mimovha.