Switiviso

◼ Tibuku leti nga ta fambisiwa hi March: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75, kumbe mi fambisa buku yihi ni yihi ya khale leyi nga ni matluka ya 192, leyi mi nga na yona exitokweni hi munyikelo wa R1,00. Ku fanele ku endliwa matshalatshala yo hlawuleka yo sungula tidyondzo ta le kaya ta Bibele hi buku leyi nge Vutivi. April na May: Tikopi ta Xihondzo xo Rindza ni Xalamuka! Tshamani mi ri ni broxara leyi nge Leswi Xi Swi Languteleke leswaku mi yi fambisela vanhu lava tsakelaka, naswona tikarhateleni ku sungula tidyondzo ta le kaya ta Bibele. June: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela kasi leyi nga ni xifunengeto xo olova hi R3,75.

◼ Vahuweleri lava navelaka ku nghenela vuphayona bya nkarhinyana hi April na May va fanele va kunguhata sweswi ivi va yisa swikombelo swa vona ka ha ri ni nkarhi. Leswi swi ta pfuna vakulu leswaku va endla malunghiselelo lama faneleke ya ntirho wa nsimu ni ku endla leswaku ku va ni timagazini to tala ni tibuku tin’wana. Hinkwavo lava nga ta va maphayona ya nkarhinyana mavito ya vona ma fanele ma tivisiwa evandlheni.

◼ Mulanguteri la ungamelaka kumbe un’wana la hlawuriweke hi yena u fanele a hlaya timali ta vandlha hi March 1 kumbe hi ku hatlisa hilaha swi nga kotekaka hakona. Loko se swi endliwile, tivisani vandlha hi nkarhi lowu mi endlaka xiviko xa timali xa n’hweti yoleyo.

◼ Xana u nga swi kota ku tirha laha ku nga ni xilaveko lexikulu? Ku xaxametiwe tindhawu to hambana-hambana eka Vutirheli Bya Hina Bya Mfumo bya November 1998. Loko u swi tsakela naswona u faneleka, vulavula ni vakulu va ka n’wina u tlhela u tsalela Sosayiti.

◼ Xitsundzuxo xi ta va hi Ravumune, April 1,1999. Loko hi ntolovelo vandlha ra ka n’wina ri ri ni minhlangano hi Ravumune, yi fanele yi khomiwa hi siku rin’wana ra vhiki rero loko Holo ya Mfumo yi nga tirhisiwi hi van’wana. Loko leswi swi nga koteki naswona Nhlangano wa n’wina wa Ntirho wu khumbeka, tinkulumo leti khumbaka swinene vandlha ra ka n’wina ti nga ha nyikeriwa eka Nhlangano wun’wana wa Ntirho.

◼ Nkandziyiso wa Watchtower Library hi CD-ROM sweswi wa kumeka hi Xifurwa, Xinghezi, Xintariyana, Xipaniya ni Xiputukezi hi ntsengo wa R51,00 eka vahuweleri ni maphayona. Hi kombela mi tsundzuka leswaku nkandziyiso lowu a wu fambiseriwi mani ni mani, a wu yisiwi eka tilayiburari ta xikolo kumbe ku wu nyika munhu la kombisaka ku tsakela Timbhoni ta Yehovha. Watchtower Library i lunghiselelo leri endleriweke swirho swa vandlha naswona yi kumeka ntsena hi ku tirhisa vandlha.

◼ Leswaku hi mi pfuna eku endleni ka makungu ya ku va kona emintsombanweni ya muganga ya 1999, ha tsaka ku mi tivisa masiku lama nga siki tiyisiwaka.

DECEMBER 10-12:

Bisho (Xixhosa)

Bloemfontein (Xibunu, Xinghezi, Xisuthu)

Cape Town (Xibunu, Xinghezi, Ririmi ra Mavoko, Xixhosa)

Pitori (Xipedi, Xisuthu, Xitswana)

St. Helena (Xinghezi)

Windhoek (Xibunu/Xinghezi, Xikwanyama)

DECEMBER 17-19:

Empangeni (Xizulu)

Gaborone (Xinghezi, Xitswana)

George (Xibunu/Xinghezi)

Kokstad (Xixhosa)

Manzini (Xinghezi, Xizulu)

Maseru (Xisuthu)

Pietermaritzburg (Xizulu)

Soweto (Xizulu 1)

DECEMBER 24-26:

Durban (Xinghezi, Ririmi ra Mavoko)

Joni (Xibunu, Xinghezi, Xiputukezi, Ririmi ra Mavoko)

KaNyamazane (Xizulu)

Port Elizabeth (Xibunu, Xinghezi)

Port Elizabeth (Xixhosa)

Pitori (Xizulu)

Soweto (Xisuthu)

Springs (Xisuthu, Xizulu)

DECEMBER 31–JANUARY 2, 2000:

Durban (Xizulu)

Ermelo (Xizulu)

Lebowakgomo (Xipedi)

Mafikeng (Xitswana)

Newcastle (Xizulu)

Phalaborwa (Xitsonga)

Soweto (Xizulu 2)

Thohoyandou (Xivhenda)

Umtata (Xixhosa)