Minhlangano Ya Ntirho Ya March

Vhiki Leri Sungulaka Hi March 1

Risimu 33

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va tisa swiviko swa vona swa nsimu swa February.

17 min: “Ku Tsundzuka Rifu Ra Kreste eMisaveni Hinkwayo.” Swivutiso ni tinhlamulo. Nyikela tinhlamuselo tin’wana ta Xihondzo xo Rindza xa February 1, 1997, matluka 11-12, tindzimana 10-14. Kandziyisa ndlela leyi rirhandzu ra Yehovha lerikulu ri n’wi susumeteke ha yona leswaku a hi endlela nkutsulo.

20 min: Swivangelo Leswi Twalaka Swa Ku Nghenela Vuphayona Bya Nkarhinyana Hi April Na May. Nkulumo ni ku hlanganyela ka vayingiseri leyi fambisiwaka hi mulanguteri wa ntirho, a khutaza hinkwavo leswaku va anakanyisisa swinene hi vuphayona bya nkarhinyana. Pfuxeta ku lulamisiwa ka xilaveko xa tiawara ta maphayona ya nkarhi hinkwawo ni ya nkarhinyana, hilaha swi nga ha kona eka Vutirheli Bya Hina Bya Mfumo bya January 1999, tluka 3. Ku lulamisiwa loku ku ta pfuna vo tala ku nghenela ntirho wa vuphayona bya nkarhi hikwawo. Hlamusela ndlela leyi ku tlangela gandzelo ra Kreste ku hi susumetaka ha yona leswaku hi tikarhatela ku chumayela van’wana. (2 Kor. 5:14, 15) Nan’waka Xitsundzuxo xi ta va hi siku ro sungula ra April naswona April 10 i Siku ra hina ro hlawuleka ra Timagazini. Mayana xivangelo lexinene swonghasi eka vahuweleri hinkwavo va Mfumo leswaku n’hweti hinkwayo va yi tirhisela ku engetela vutirheli! Hlamusela tinhla-nkulu ta swiengetelo leswi vulavulaka hi ntirho wa vuphayona bya nkarhinyana swa Vutirheli Bya Hina Bya Mfumo bya February 1997 na March 1998. Kombisa ndlela leyi swi nga tirhisiwaka ha yona swiyimiso leswi nyikeriweke leswaku swi pfumelelana ni xiyimo xa munhu. Hlamusela malunghiselelo ya ntirho ya vandlha, lama nga ta endla leswaku mi va ni nkarhi wo tala wa ku tirha ni van’wana evutirhelini. Khutaza vahuweleri hinkwavo leswaku va teka swikombelo swa ku tsarisa vuphayona bya nkarhinyana endzhaku ka nhlangano.

Risimu 44 ni xikhongelo xo pfala.

Vhiki Leri Sungulaka Hi March 8

Risimu 52

10 min: Switiviso swa vandlha. Xiviko xa timali.

20 min: “Va Rhambe.” Swivutiso ni tinhlamulo. Kandziyisa xilaveko xa ku va minkarhi hinkwayo hi kongomisa lavantshwa lava tsakelaka eminhlanganweni ya vandlha. Endla nkombiso wa ku burisana ni munhu la tsakelaka hi ku tirhisa rungula leri nga ebukwini leyi nge Vutivi, tluka 159, ndzimana 20 ni matluka 161-3, tindzimana 5-8. Khutaza un’wana ni un’wana leswaku a endla matshalatshala lama hlawulekeke yo pfuna swichudeni swa hina swa Bibele ni van’wana lava tsakelaka leswaku va va kona eXitsundzuxweni hi April 1. Kombisa xirhambo lexi gandlisiweke naswona hlamusela ndlela leyi xi nga tirhisiwaka ha yona hi ndlela leyi humelelaka. Hinkwerhu hi fanele hi sungula ku hangalasa swirhambo swa Xitsundzuxo vhiki leri.

15 min: “Ndlela Leyi Swirho Swa Ndyangu Swi Nga Tirhisanaka Ha Yona Leswaku Swi Hlanganyela Hi Xitalo—eMinhlanganweni Ya Vandlha.” Ku burisana ka swirho swa ndyangu. Loko swi ri karhi swi vulavula hi tinhla-nkulu ta xihloko lexi, swi burisana hi ndlela leyi swi nga lunghiselelaka ha yona minhlangano tanihi ndyangu. Swi burisana hi ndlela leyi swi nga pfunanaka ha yona leswaku swi hlanganyela, ni leswi ndyangu wu faneleke wu swi endla leswaku wu fika eminhlanganweni hi nkarhi.

Risimu 62 ni xikhongelo xo pfala.

Vhiki Leri Sungulaka Hi March 15

Risimu 56

10 min: Switiviso swa vandlha.

15 min: “Malandza Ya Vutirheli Ma Endla Ntirho Wa Nkoka.” Nkulumo hi nandza wa vutirheli la fanelekaka. Hlamusela tinhla-nkulu leti hlanganisiweke ebukwini leyi nge Vutirheli Bya Hina, matluka 57-9. Hlamusela ndlela leyi malandza ya vutirheli ma tirhisiwaka ha yona leswaku ma pfuna vandlha ra ka n’wina.

20 min: Xana Hi Fanele Hi Yi Tekisa Ku Yini Ndzayo? Nkulumo leyi nga ta nyikeriwa hi nkulu. Hinkwerhu hi faneriwa hi ndzayo leyi khumbaka langutelo ra hina, ku tikhoma, vunakulobye ni ku hlanganyela emintirhweni ya vandlha. Minkarhi yin’wana hi ni mboyamelo wa ku ala ndzayo kumbe ku hlundzukisiwa hi yona. Ku tiyimisela ku amukela ni ku tirhisa ndzayo swi nga hi pfuna ngopfu eka vuhlayiseki bya hina bya moya. Hlamusela timhaka ta nkoka leti kandziyisaka swivangelo swa nkoka wa ku va hi amukela ni ku tlangela ndzayo.—Vona Xihondzo xo Rindza xa April 1, 1987, matluka 27-30.

Risimu 68 ni xikhongelo xo pfala.

Vhiki Leri Sungulaka Hi March 22

Risimu 162

10 min: Switiviso swa vandlha. Tivisa mavito ya lava va nga ta va maphayona ya nkarhinyana hi April. Hlamusela leswaku nkarhi wa ku endla xikombelo wa ha ri kona. Hlamusela xiyimiso hinkwaxo xa minhlangano ya ntirho leyi nga ta endliwa hi April. Khutaza hinkwavo leswaku va landzela ku hlaya ka Bibele ka Xitsundzuxo loku nga ta sungula hi March 27–April 1, hilaha ku kombisiweke hakona eka Ku Kambisisa Matsalwa Siku Na Siku—1999 ni le ka 1999 Calendar.

15 min: Lunghekela Xitsundzuxo. Nkulumo. Hinkwerhu hi fanele hi kunguhata ku pfuna swichudeni swa hina swa Bibele ni vanhu lava tsakelaka leswaku va va kona eXitsundzuxweni. Lavantshwa lava nga ta va kona swi nga ha endleka va nga swi twisisi leswaku i vamani va nga ta dya swifanekiselo kumbe va nga wu twisisi nkoka wa xitsundzuxo. Pfuxeta leswi hlamuseriweke eka Xihondzo xo Rindza xa April 1, 1996, matluka 6-8 ivi u kombisa ndlela leyi hi nga pfunaka ha yona vanhu lava tsakelaka leswaku va twisisa nhlamuselo ni xikongomelo xa nkhuvo lowu. Gimeta hi ku pfuxeta “Switsundzuxo Swa Nkhuvo Wa Xitsundzuxo” ivi u hlamusela malunghiselelo ya vandlha malunghana ni Xitsundzuxo.

20 min: Ku Humelela Yini Hi Hina Loko Hi Fa? Nkulu u burisana ni vahuweleri vambirhi kumbe vanharhu lava nga ni vuswikoti hi nkoka ni mpfuno wa broxara leyi. Hi sungule ku yi twisisa swinene broxara leyi loko hi yi dyondza eka Dyondzo ya Buku ya Vandlha. Xana hi yi tirhisa hi ndlela leyi humelelaka evutirhelini bya nsimu? Ntlawa lowu wu burisana hi mhaka leyi landzelaka: Ha yini vanhu vo tala va yi tsakela mhaka leyi? Ku hambana ni tidyondzo ta mavunwa ta vukhongeri, xana hi wihi ntshembo lowu broxara leyi yi wu kandziyisaka? Xana hi nga swi tirhisa njhani swivutiso eka xifunengeto xa le ndzhaku leswaku hi pfuxa ku tsakela? I minkarhi yihi leyi kumekaka yo fambisa broxara leyi? Endla nkombiso hi ku tirhisa matsalwa lama nga eka ndzimana 14 tluka 27. Khutaza hinkwavo leswaku va xalamukela ku tirhisa broxara leyi hi ndlela leyinene.

Risimu 92 ni xikhongelo xo pfala.

Vhiki Leri Sungulaka Hi March 29

Risimu 111

10 min: Switiviso swa vandlha. Tsundzuxa hinkwavo leswaku va tisa swiviko swa ntirho wa nsimu wa March. Hi ta fambisa tikopi ta Xihondzo xo Rindza ni Xalamuka! hi April. Kombisa minkandziyiso ya sweswinyana ya timagazini, kombisa swihloko leswi ku nga vulavuriwaka ha swona ivi u boxa tin’wana ta tinhla-nkulu. Hinkwerhu hi fanele hi famba ni broxara leyi nge Leswi Xi Swi Languteleke ivi hi yi tirhisa ku sungula tidyondzo ta Bibele ni vanhu lava tsakelaka.

15 min: Swilaveko swa vandlha.

20 min: Ku Tiphina Hi 1999 Yearbook. Bulo ra nuna na nsati. Nuna u hlamusela leswaku Yearbook yi humesiwe ro sungula yi ri buku hi 1927 naswona ku tlula 70 wa malembe, a yi ri ni xiviko xa misava hinkwayo xa Timbhoni ta Yehovha. Va hlamusela tinhla-nkulu ta “1998 Grand Totals,” eka tluka 31. Kutani va burisana hi “A Letter From the Governing Body” eka matluka 3-5, naswona va hlamusela ndlela leyi va nga ta xi tirhisa ha yona xikhutazo lexi nyikeriweke.

Risimu 118 ni xikhongelo xo pfala.