Minhlangano Ya Ntirho Ya April

Vhiki Leri Sungulaka Hi April 1

Risimu 132

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela swiviko swihi na swihi leswi xiyekaka swa mayelana ni ku tlangela ka n’wina Xitsundzuxo. Tsundzuxa vahuweleri leswaku va tisa swiviko swa vona swa ntirho wa nsimu swa March handle ko dya nkarhi. Matsalana na vafambisi va tidyondzo ta buku va fanele nakambe va vona leswaku swiviko hinkwaswo leswi tsakisaka swa ntirho wa nsimu swa tin’hweti leti nga hundza swa tisiwa.

20 min: “‘Chivirikela Mintirho Leyinene’ Hi April!” Ku hlanganisiwa ka tindzimana 1-10 hi swivutiso ni tinhlamulo hi mulanguteri wa ntirho. Hlamusela (1) leswi kunguhatiweke hi vandlha mayelana ni ntirho wa nsimu lowu ndlandlamuxiweke hi April, (2) ndlela leyi hinkwavo va nga pfuniwaka ha yona leswaku va hlanganyela, ni (3) ndlela leyi lavantshwa ni vana va nga katsiwaka ha yona. A hi tiyimiseleni ku va ni nhlohlorhi leyintshwa ya vahuweleri hi April. Khutaza hinkwavo leswaku va hlanganyela nkarhi hinkwawo evutirhelini vhiki na vhiki hi April.

15 min: “Lavisisa Lava Faneriwaka Hi Vutomi.” Hlamusela swingheniso leswi ringanyetiweke, kutani u va na minkombiso mimbirhi leyi kombisaka ndlela leyi swi nga tirhisiwaka ha yona. Loko nkarhi wu pfumela, hlamusela swiringanyeto swin’wana swo fambisa timagazini, leswi kumekaka eka Vutirheli Bya Hina Bya Mfumo bya September 1995, tluka 6.

Risimu 20 ni xikhongelo xo pfala.

Vhiki Leri Sungulaka Hi April 8

Risimu 72

15 min: Switiviso swa vandlha. Xiviko xa timali; boxa papila ro nkhensa minyikelo leri humaka eka Sosayiti. Bula hi tindlela leti tirhaka leti ha tona hi nga pfunaka lavantshwa lava veke kona eXitsundzuxweni leswaku va endla nhluvuko emoyeni. Hlamusela Xihondzo xo Rindza xa April 1, 1991 matluka 9-12.

15 min: “Endla Ntirho Wo Kwetsima Vusiku Ni Nhlikanhi.” Swivutiso ni tinhlamulo. Hlaya tindzimana 5 na 6.

15 min: “‘Chivirikela Mintirho Leyinene’ Hi April!” Ku hlanganisiwa ka tindzimana 11-15 hi swivutiso ni tinhlamulo. Khutaza hinkwavo leswaku va kambisisa swiyimo swa vona vini kutani va lavisisa tindlela ta ku seketela ka vona vutirheli bya nsimu hi xitalo.

Risimu 113 ni xikhongelo xo pfala.

Vhiki Leri Sungulaka Hi April 15

Risimu 133

10 min: Switiviso swa vandlha. Tsundzuxa vayingiseri hi mayelana ni nkulumo yo hlawuleka ya le rivaleni ya April 21, leyi nga ni xihloko lexi nge “Ku Tshama Hi Ri Hava Xisandzu Exikarhi Ka Xitukulwana Xo Homboloka.” Khutaza ku tikarhatela ku pfuna hinkwavo leswaku va va kona.

15 min: “Swiyimo Swi Cincile.” Swivutiso na tinhlamulo. Kandziyisa ku vula rungula ra Mfumo hi ndlela leyi khumbaka swilaveko leswikulu swa vanhu. Ringanyeta timhaka ta mindyangu ni ta ntshamisano leti nga emianakanyweni ya vanhu vanyingi, hi laha ti hlamuseriweke ha kona eka Xihondzo xo Rindza xa January 1, 1994, matluka 22-3.

20 min: “Ku Pfumela Ku Ta Hi Ku Twa.” Bula hi ndlela leyi ku fambisiwa ka timagazini ku nga tirhisiwaka ha yona leswaku ku hlakuleriwa ku tsakela loku nga ta yisa eka tidyondzo ta Bibele hi ku tirhisa buku leyi nge Vutivi. Vana na minkombiso hi swingheniso swimbirhi kumbe swinharhu.

Risimu 204 ni xikhongelo xo pfala.

Vhiki Leri Sungulaka Hi April 22

Risimu 6

15 min: Switiviso swa vandlha. Hlamusela tinhla-nkulu ta nkulumo yo hlawuleka leyi nyikeriweke eka mahelo-vhiki lama hundzeke. Bula hi ndlela leyi xitsundzuxo lexi xi faneleke xi susumetela lava tsakelaka leswaku va yimela vugandzeri bya ntiyiso va tiyile. Nakambe, yisa nyingiso eka xihloko lexi nge “Hambeta U Kurisa Vutivi Lebyi Kongomeke,” kutani u kandziyisa nkoka wa ku va kona eka Dyondzo ya Buku ya Vandlha nkarhi hinkwawo.

12 min: Bokisi Ra Swivutiso. Nkulumo hi nkulu. Hlamusela xivangelo xo va vamakwerhu lava fambisaka minhlangano va faneleke va papalata ku vitana vanhu hi ndlela leyi nga xiximekiki, hi ku va vitana hi vito ntsena.

18 min: Bulo ra nkulu ni nandza wa vutirheli hi xihloko lexi nge “Mindyangu Ya Khale Leyi Chavaka Xikwembu—Xikombiso Lexinene Xa Siku Ra Hina,” lexi kumekaka eka nkandziyiso wa Xihondzo xo Rindza xa September 15, 1995, matluka 20-3. Hlamusela leswi nga tirhisiwaka leswaku ku pfuneka mindyangu leyi nga evandlheni.

Risimu 143 ni xikhongelo xo pfala.

Vhiki Leri Sungulaka Hi April 29

Risimu 144

12 min: Switiviso swa vandlha. Van’wana va hlamusela Timbhoni ta Yehovha tanihi “mpambukwa” kumbe “vugandzeri bya mihivahivana,” va xisa van’wana mayelana ni ntirho wa hina ni hi swikongomelo swa hina. Hi ku tirhisa buku leyi nge Ku Hlamulana, tluka 286, hlamusela hi ku komisa ndlela yo ala xihehlo lexi. Tsundzuxa hinkwavo, ku katsa ni lava va ha ku vaka vahuweleri lava nga khuvuriwangiki, leswaku va tisa swiviko swa vona swa ntirho wa nsimu swa April ka ha ri nkarhi. Loko hinkwavo va va ni ntirhisano, ku ta fikeleriwa nhlonhlorhi leyintshwa leyikulu ya vahuweleri hi April.

15 min: Ku Hlanganisa Nsimu Ya Hina Hi Ku Ringana. Nkulumo hi mulanguteri wa ntirho. Tindhawu leti hangalakeke kumbe leti nga ekule a hi kanyingi ti tirhiwa. Van’wana va nga ha papalata hi vomu ku tirha etindhawini leti vanhu va kona va nga fuma kumbe lava rhandzaka vukhongeri bya vona ngopfu. Masimu ya le tindhawini ta mabindzu ma nga ha honisiwa. Vahuweleri van’wana nkarhi na nkarhi va nga ha kombela masimu lawa vona vini va ma tsakelaka ematshan’wini yo kombela lama ya lavaka ku hlanganisiwa hi nkarhi wolowo. Khutaza hinkwavo leswaku va tirhisana ni ku endla matshalatshala yo hlanganisa masimu lama nga tirhiwangi; kumbexana ku nga hleriwa mintlawa yintsongo. Tiyisekani leswaku nsimu yi hlanganisiwe hi laha ku heleleke, ku katsa ni lava nga riki kona emakaya, mi nga si tlherisa khadi ra yona. Nyika swiringanyeto swin’wana leswi tirhaka leswaku u komba ndlela leyi hinkwavo va nga pfunaka ha yona eku hlanganiseni ka nsimu ya n’wina.

18 min: Fambisa Xihondzo xo Rindza ni Xalamuka! Hi May. Fambisa tikopi ta timagazini. Ensin’wini leyi hlanganisiwaka nkarhi na nkarhi, fambisa broxara yihi na yihi leyi faneleke. Hlayisa rhekhodo ya hinkwaswo leswi fambisiweke, hi xikongomelo xo endla ntila wa timagazini. Tirhisa minkarhi leyi leswaku u endla swikhokhelo. Kandziyisa mpfuno wa ku hangalasa timagazini tanihi hi xiendlo xin’wana lexi humelelaka xo hundzisela rungula ra Mfumo eka vanhu. Hi tiyiseka leswaku hi ni mphakelo lowu eneleke loko hi huma hi ya ensin’wini; hi ti fambisa nkarhi wun’wana ni wun’wana. Malunghiselelo ya munhu hi yexe ya Siku ra Timagazini ra vhiki na vhiki i ndlela leyinene yo ndlandlamuxa ku ti fambisa ka hina. Ntirho wa le mavhengeleni ni ku vula vumbhoni exitarateni hi timagazini na wona wa humelela. Landzelela laha ku kombisiweke ku tsakela hi maendzo yo vuyela lama ya endleriwaka ku sungula tidyondzo, u tirhisa buku leyi nge Vutivi. Vana ni nkombiso wun’we kumbe mimbirhi yo koma u fambisa minkandziyiso ya sweswinyana, kumbexana ku tirhisiwa swingheniso leswi kumekaka eka Vutirheli Bya Hina Bya Mfumo, bya September 1995, tluka 5, tindzimana 3-5; hlaya ndzimana 6.

Risimu 195 na xikhongelo xo pfala.