Switiviso

◼ Tibuku leti nga ta tirhisiwa hi April na May: Tikopi ta Xihondzo xo Rindza ni Xalamuka! hi munyikelo wa R2,00 ti ri timbirhi. Loko ku pfuleka nkarhi, fambisa xikhokhelo xa Xihondzo xo Rindza. (Leswaku u kuma minxavo ya kona, vona Switiviso eka Vutirheli Bya Hina Bya Mfumo bya March 1996.) June: Vutivi Lebyi Yisaka eVuton’wini Lebyi Nga Heriki hi munyikelo wa R3,50. July and August: Broxara yihi na yihi ya matluka ya 32 eka leti landzelaka hi munyikelo wa R1,00 yin’we: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini?—U Nga Xi Kumisa Ku Yini?, Xana Xikwembu Xa Hi Khathalela Hakunene? Laha swi fanelaka ku nga ha fambisiwa broxara leyi nge Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?

◼ Ku karhi ku endliwa ndzulamiso wa endlelo ro siva makhadi ya Pioneer Service Identification. Ku sukela sweswi, ku siviwa ka makhadi ya maphayona lama rhurhaka, lama cincaka mavito, kumbe lama lahleke makhadi, kumbe lama kombelaka ku cinca xiavelo ya ta phakeriwa hi Sosayiti. Makhadi wahi na wahi lama nga tsariwangiki nchumu lama matsalana a nga ha vaka a ri na wona efayilini ma fanele ma cukumetiwa. Ku cinciwa ka mavito na swiavelo ku ta tameriwa hi ndlela leyi tolovelekeke, matsalana u ta tsala rungula leri faneleke endzhaku ka Congregation Report (S-1) ya n’hweti. Endzhaku ka sweswo, Sosayiti yi ta rhumela vandlha makhadi lamantshwa ya maphayona. Wona ma ta rhumeriwa ni xitatimende xa n’hweti na n’hweti. Ku cinca kwihi na kwihi ku fanele ku rhumeriwa eka Sosayiti hi ku hatlisa leswaku tifayili ta hina ti tshama ti hlelekile naswona ti ri enkarhini. Nakambe, loko phayona ri tshika vuphayona kumbe ri tshikisiwa, ku fanele ku tatiwa fomo ya S-206 kutani yi rhumeriwa eka Sosayiti handle ko dya nkarhi.

◼ Marungula hinkwawo ya mayelana ni masiku ni tindhawu ta mintsombano ya muganga ematikweni man’wana ya fanele ya yisiwa etihofisini ta marhavi leti faneleke. Tiadirese ta tihofisi ta rhavi ta misava hinkwayo ti kumeka eka tluka ro hetelela ra Yearbook.

◼ Mavandlha ma fanele ku sungula ku oda tivholumo ta The Watchtower na Awake! ta 1995. Tivholumo ti ta va kona hi Xijarimana, Xinghezi na Xiputukezi. Mali ya kona a yi fanelanga yi ta na tioda loko vandlha ra n’wina ri ri na akhawunti eka Sosayiti. Ti ta katsiwa eka akhawunti ya tibuku ta vandlha. Ku kondza loko tivholumo ti kumeka ni ku rhumeriwa, ti ta humelela tanihi “Back Ordered” eka xikomba-nxavo xa n’wina. Mavandlha lama nga riki na akhawunti ya tibuku ya fanele ya rhumela tioda ta wona ni mali. Tivholumo ti lawuriwa hi xitoko naswona ti ta va hi ntsengo wa R22,00 yin’we eka vandlha, vanhu ni maphayona.

◼ Tikhasete Letintshwa Ta Vhidiyo Leti Kumekaka:

Vutivi Lebyi Yisaka eVuton’wini Lebyi Nga Heriki (Vholumo 1, tindzima 1-3; vandlha ni vanhu: R52,00; maphayona: R45,00) —Xinghezi xa Lavo Fe Tindleve

“Vonani, Ndzi Endla Swilo Hinkwaswo Swi Va Leswintshwa”! (vandlha ni vanhu: R52,00; maphayona: R45,00) —Xinghezi xa Lavo Fe Tindleve

U Nga Hanya Hi Masiku aParadeyisini eMisaveni (Vholumo 2; vandlha ni vanhu: R52,00; maphayona: R45,00) — Xinghezi xa Lavo Fe Tindleve