Minhlangano Ya Ntirho Ya June
Vhiki Leri Sungulaka Hi June 3
Risimu 181
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa ntirho wa nsimu wa n’hweti na n’hweti xa tiko hinkwaro ni xa vandlha ra ka n’wina. Tsundzuxa vahuweleri leswaku va vika ntirho wa vona wa nsimu wa May hi ku hatlisa. Matsalana ni vafambisi va dyondzo ya buku va fanele va vona leswaku swiviko swa ntirho wa nsimu swa tin’hweti leti nga hundza swa tisiwa.
15 min: “Tekelelani Ripfumelo Ra Vona.” Swivutiso ni tinhlamulo. Hlamusela vumbhoni bya ripfumelo, lebyi hlamuseriweke ebokisini leri nga eka tluka 13 ra Xihondzo xo Rindza xa September 15, 1991. Vulavurisana ni muhuweleri un’we kumbe vambirhi leswaku u kuma leswi va pfuneke leswaku va tshama va ri karhi va hlanganyela evutirhelini bya Mfumo hi malembe layo tala.
20 min: “Ku Hangalasa Vutivi Lebyi Yisaka eVuton’wini Lebyi Nga Heriki.” (Tindzimana 1-3) Hlanganisani ndzimana 1. (Katsa tinhlamuselo leti nga eka Xihondzo xo Rindza xa January 15, 1996, matluka 12-13, tindzimana 11-12.) Hlamusela leswaku xivumbeko lexintshwa xa tluka ra le ndzhaku ra Vutirheli Bya Hina Bya Mfumo xi endleriwe ku hi pfuna leswaku hi antswisa ku lunghiselela ku endla maendzo yo vuyela. Leswi hakanyingi ku nga vutlhari ku endla riendzo ro vuyela endzhaku ka siku kumbe mambirhi, ematshan’wini yo yima nkarhi wo leha, hi ta xiya swingheniso leswi ringanyeteriweke ntirho wa yindlu na yindlu ni wa riendzo ro vuyela eka Nhlangano lowu wa Ntirho. Hi ku komisa hlamusela tindzimana 2 na 3, ivi ku landzela nkombiso wa tona hatimbirhi. Swingheniso leswi nga sala swa xihloko lexi swi ta hlanganisiwa eka Minhlangano ya Ntirho mimbirhi leyi landzelaka.
Risimu 143 ni xikhongelo xo pfala.
Vhiki Leri Sungulaka Hi June 10
Risimu 63
7 min: Switiviso swa vandlha. Xiviko xa timali.
8 min: Ku Letela Vana eNtirhweni Wa Nsimu. Nkulumo hi nkulu. Ku sukela eka malembe ya le hansi, vana va hina va fanele va ya na hina ensin’wini. Ndzetelo ni ntokoto lowu va wu kumaka swi ta nyikela xisekelo lexi tiyeke xa ripfumelo ni ku hiseka ka vona emalembeni lama taka. I swa nkoka leswaku va twisisa xilaveko xo languta vutirheli byi ri bya nkoka ni ku tikhoma hi ndlela leyi faneleke. Vana va fanele va papalata ku tlangatlanga; ntirho wa nsimu a hi nkarhi wo tlanga. I swinene leswaku va tirha ni lavakulu. Va fanele va pfuniwa leswaku va endla swingheniso hi ku ya hi vuswikoti bya vona. (Vona Xihondzo xo Rindza xa August 1, 1988, tluka 15, ndzimana 20.) Vatswari va ni vutihlamuleri byo va langutela; a va fanelanga va rhumela vana eminhlanganweni ya ntirho wa nsimu va nga ri na munhu lonkulu la nga ta va langutela. Bumabumelani vana loko va endla kahle.
10 min: “Ku Hangalasa Vutivi Lebyi Yisaka eVuton’wini Lebyi Nga Heriki.” (Tindzimana 4-5) Endzhaku ka masungulo yo koma, kombisa swingheniso swa riendzo ro sungula ni ro vuyela eka tindzimana 4 na 5. Khutaza vahuweleri leswaku va vuyela laha va fambiseke buku leyi nge Vutivi handle ko dya nkarhi.
20 min: “Ndlela Yo Endla Vadyondzisiwa Hi Buku Leyi Nge Vutivi.” Endla manghenelo yo koma lama sekeriweke eka tindzimana 1-2. Hlanganisa tindzimana 3-11 hi swivutiso ni tinhlamulo. Hlamusela leswaku mhaka leyi saleke ya xiengetelo yi ta hlanganisiwa eka Minhlangano ya Ntirho hi July na August. Khutaza hinkwavo leswaku va xi hlayisa.
Risimu 92 ni xikhongelo xo pfala.
Vhiki Leri Sungulaka Hi June 17
Risimu 157
10 min: Switiviso swa vandlha. Bokisi Ra Swivutiso.
15 min: “Bulo Ra Xinghana Ri Nga Fikelela Mbilu.” Swivutiso ni tinhlamulo. Rhamba muhuweleri un’we kumbe vambirhi va hlamusela mintokoto leyi khutazaka va kombisa ndlela leyi va kumeke n’wangulo lowunene ha yona hikwalaho ka bulo ra xinghana.
20 min: “Ku Hangalasa Vutivi Lebyi Yisaka eVuton’wini Lebyi Nga Heriki.” (Tindzimana 6-7) Kandziyisa tipakani to endla maendzo yo vuyela: Hlakulela ku tsakela, sungula dyondzo, endla malunghiselelo lama tiyeke yo tlhela u vuya. Endzhaku ko hlamusela swingheniso hi ku komisa swa tindzimana 6 na 7, vana ni minkombiso ya tindzimana hatimbirhi, u kombisa ndlela yo sungula dyondzo. Hlaya ndzimana 17 eka tluka 13 ra Xihondzo xo Rindza xa January 15, 1996.
Risimu 211 ni xikhongelo xo pfala.
Vhiki Leri Sungulaka Hi June 24
Risimu 6
12 min: Switiviso swa vandlha. Bula hi tinhla-nkulu ta papila ra May 1, 1996, leri yaka eka mavandlha hinkwawo ra nsimu leyi nga aviwangiki. Hlamusela malunghiselelo ya vandlha yo tirha ensin’wini leyi nga aviwangiki. Khutaza hinkwavo leswaku va hlanganyela swinene nan’waka. Nakambe hlamusela malunghiselelo ya ntirho wa nsimu wa vandlha wa mahelo-vhiki lama taka, khutaza hinkwavo leswaku va hlanganyela swinene evutirhelini ni leswaku va vika ntirho wa vona hi ku hatlisa eku heleni ka n’hweti.
15 min: Swilaveko swa vandlha. (Kumbe u nyikela nkulumo hi xihloko lexi nge “Ku Dyondzisa Rito Ra Ntiyiso Hi Ndlela Leyinene,” lexi sekeriweke eka Xihondzo xo Rindza xa January 1, 1996, matluka 29-31.)
18 min: “Va Pfuneni Leswaku Va Tlhelela eVutirhelini.” Nkulumo ni bulo hi nkulu. Ringanyeta ku tirhisiwa ka xihloko lexi nge “Tlhelelani Ka Mina, Kutani Ndzi Ta Tlhelela Ka N’wina” xa Xihondzo xo Rindza xa August 1, 1992, leswaku ku khutaziwa lava holeke. Hlamusela tin’wana ta tinhla-nkulu.
Risimu 71 ni xikhongelo xo pfala.