Minhlangano Ya Ntirho Ya July

Vhiki Leri Sungulaka Hi July 1

Risimu 90

12 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri leswaku va vika ntirho wa vona wa nsimu wa June hi ku hatlisa. Matsalana ni vafambisi va dyondzo ya buku va fanele va vona leswaku swiviko hinkwaswo leswi tsakisaka swa tin’hweti leti nga hundza swa rhumeriwa.

15 min: “Ku Hetisisa Xihlambanyo Xa Hina Siku Na Siku.” Swivutiso ni tinhlamulo. Katsa ni tinhlamuselo leti humaka eka Insight, Vholumo 2, tluka 1162, tindzimana 6-7, u kombisa xivangelo xo va xihlambanyo xi ri vutihlamuleri lebyi nga bya nkoka.

18 min: “Tekelela Yehovha Hi Ku Khathalela Van’wana Hi Xiviri.” (Tindzimana 1-3) Tirhisa ndzimana yo sungula leswaku u hlamusela nhloko-mhaka ya xihloko. Boxa tibroxara leti nga kona exitokweni xa vandlha enkarhini wa sweswi leti nga tsakeriwaka ensin’wini ya ka n’wina. Kutani u hlamusela tindzimana 2-3 ntsena, kutani u kombisa ndlela leyi riendzo ro sungula ni ro vuyela ya nga endliwaka ha yona hi broxara leyi nge Xana Xikwembu Xa Hi Khathalela Hakunene? Kombisa ndlela leyi vahuweleri va nga ha endlaka swingheniso swa vona vini ha yona hi broxara yin’wana leyi nga ta fanela ensin’wini ya n’wina.

Risimu 112 ni xikhongelo xo pfala.

Vhiki Leri Sungulaka Hi July 8

Risimu 43

10 min: Switiviso swa vandlha. Xiviko xa timali.

15 min: “Tekelela Yehovha Hi Ku Khathalela Van’wana Hi Xiviri.” (Tindzimana 4-5) Bula hi tindzimana 4-5 ntsena ivi u kandziyisa tinhla-nkulu ta broxara leyi nge Loko U Feriwa Hi Loyi U N’wi Rhandzaka. Kutani u kombisa swingheniso leswi ringanyetiweke swa riendzo ro sungula ni ro vuyela.

20 min: “Ku Laveka Vamakwerhu Va Xinuna Lava Engetelekeke eNtirhweni Wa Vuphayona.” Swivutiso ni tinhlamulo. Loko nkarhi wu pfumela, hlamusela swiringanyeto swa mayelana ni ndlela yo khathalela swilaveko swa timali, hilaha swi hlamuseriweke ha kona eka Xihondzo xo Rindza xa September 15, 1993, matluka 28-31.

Risimu 16 ni xikhongelo xo pfala.

Vhiki Leri Sungulaka Hi July 15

Risimu 162

10 min: Switiviso swa vandlha. Mulanguteri wa ntirho u fanela a tivisa vandlha hi malunghiselelo lama tiyeke ya nsimu leyi nga aviwangiki—masiku, nsimu leyi nga ta tirhiwa, byetlelo, malunghiselelo ya swo famba ni tibuku leti nga ta fambisiwa.

20 min: “Xana U Tshama U Ringeta Ku Nyikela Vumbhoni Nimadyambu?” Nkulumo ni ku hlanganyela ka vayingiseri ni mimbulavurisano. Rungula leswi swi xiyiweke ensin’wini ya n’wina loko ku tirhiwa nsimu nimadyambu. Katsa mintokoto leyi kombisaka vuyelo lebyinene hikwalaho ko nyikela vumbhoni nimadyambu. Hlamusela xiyimiso xa minhlangano ya ntirho wa nsimu ya vhiki na vhiki.

15 min: “Tekelela Yehovha Hi Ku Khathalela Van’wana Hi Xiviri.” (Tindzimana 6-8) Tirhisa ndzimana yo hetelela ya xihloko lexi ku khutaza hinkwavo leswaku va endla maendzo yo vuyela hi ku hatlisa eka lava va fambiseriweke tibroxara. Endla nkombiso u tirhisa tindzimana 6-7, ku kombisa ndlela leyi broxara leyi nge Xikongomelo Xa Vutomi yi nga fambisiwaka ha yona eka riendzo ro sungula ni ndlela yo sungula dyondzo hi ndzima yo sungula ya buku leyi nge Vutivi eka riendzo ro vuyela. Tsundzuxa vahuweleri leswaku va nga tiendlela swingheniso swa vona vini eka tibroxara letin’wana, va ri karhi va landzelela swingheniso swa xikombiso leswi ringanyetiweke eka Vutirheli Bya Hina Bya Mfumo.

Risimu 64 ni xikhongelo xo pfala.

Vhiki Leri Sungulaka Hi July 22

Risimu 108

10 min: Switiviso swa vandlha. Hlamusela minkandziyiso ya sweswinyana ya timagazini hi ku komisa, u boxa tinhla-nkulu leti tsakisaka leti nga ha tirhisiwaka emitini.

15 min: Landzela Pakani Ya Ntirho Wa Nkarhi Hinkwawo. Bulo exikarhi ka nkulu ni n’wana wun’we kumbe vambirhi va kondlo-a-ndzi-dyi, leri sekeriweke eka Xihondzo xo Rindza xa December 15, 1988, matluka 25-7. Vantshwa va ringeta ku kunguhata tipakani leti va nga ta ti landzelela loko va hetile xikolo xa le henhla. Va kombisa ku tsakela eka mpfuno wa leswi vonakaka lowu nyikeriwaka hi mintirho-vutomi ya misava. Nkulu u kombisa swivangelo leswinene swa ndlela leyi swi nga ta antswa ngopfu ha yona ku fanelekela ntirho wa vuphayona. Vana va kondlo-a-ndzi-dyi va pfumela kambe va kanakana loko va nga kota ku phayona va tlhela va tihlayisa hi tlhelo ra leswi vonakaka. Nkulu u rungula mintokoto leyi nga eka xihloko xa Xihondzo xo Rindza, leyi kombisaka leswaku ntirho wa vuphayona i pakani leyinene ni leyi fikelelekaka leyi tiselaka vo tala ntsako. Bulo ri gimetiwa hi ku va vana va kondlo-a-ndzi-dyi va tlangela tinhlamuselo ta nkulu kutani va vula leswaku va tiyimisele ku anakanyisisa hi mhaka yo lava pakani ya ku hlanganyela hi xitalo entirhweni wa Mfumo.

20 min: “Ndlela Yo Endla Vadyondzisiwa Hi Buku Leyi Nge Vutivi.” Nkulumo leyi hlanganisaka tindzimana 12-16 ta xiengetelo xa June 1996. Katsa minkombiso mimbirhi ya dyondzo ya Bibele leyi nga ku fambisiweni. Wo sungula wu kombisa ndlela yo letela xichudeni ku lunghiselela dyondzo hi ku khwatihata marito-nkulu ni swivulwa leswi hlamulaka swivutiso leswi kandziyisiweke hi ku kongoma. Nkombiso wa vumbirhi wu kombisa leswi munhu a nga ha swi vulaka leswaku a khutaza xichudeni xa Bibele leswaku xi va kona eka Nkulumo ya le Rivaleni ni le ka Dyondzo ya Xihondzo xo Rindza.

Risimu 116 ni xikhongelo xo pfala.

Vhiki Leri Sungulaka Hi July 29

Risimu 212

10 min: Switiviso swa vandlha. Hlamusela “Nongonoko Lowuntshwa Wa Nhlengeletano Ya Xifundzha.” Xitsundzuxo xa malunghiselelo ya ntirho wa le nsin’wini leyi nga aviwangiki. Tsundzuxa hinkwavo leswaku va tisa swiviko swa ntirho wa vona wa nsimu swa July. Khutaza hinkwavo leswaku va hlanganyela hi xitalo entirhweni wa nsimu eka n’hweti yo hetelela ya lembe ra ntirho.

20 min: Xana Ku Laveka Yini Leswaku U Va Ni Dyondzo Ya Bibele? Nkulu u bula ni vahuweleri vambirhi kumbe vanharhu lava va humeleleke entirhweni wo fambisa tidyondzo ta Bibele, a hlamusela tindlela to kota ku humelela swinene eku sunguleni tidyondzo: (1) Khongelela mpfuno wa Yehovha. (2) Hlanganyela nkarhi na nkarhi eka tindlela to hambana-hambana ta vutirheli leswaku u kuma lava tsakelaka. (3) Tsala hinkwavo lava tsakelaka, kutani u endla maendzo yo vuyela hi ku hatlisa. (4) Nkarhi hinkwawo boxa timhaka ta dyondzo eka loyi a kombisaka ku tsakela. (Vona xihlokwana lexi nge “Ku Sungula Tidyondzo Ta Bibele,” eka tluka 20 ra Xihondzo xo Rindza xa February 15, 1996.) (5) Vana ni ntshembo hi vuswikoti bya wena byo dyondzisa hi ku tirhisa swiringanyeto swa mune leswi andlariweke eka matluka 13-17 ya Watchtower ya August 1, 1984.

15 min: Swilaveko Swa Vandlha. Kumbe nkulu a nyikela nkulumo leyi sekeriweke eka xihloko lexi nge “Nchavelelo Ni Xikhutazo—I Swilo Swa Risima Hi Tindlela To Tala,” xa Xihondzo xo Rindza xa January 15, 1996, matluka 21-3.

Risimu 165 na xikhongelo xo pfala.