Mintsombano Ya Matiko Hinkwawo Ya 1998

Hilaha swi tivisiweke hakona hi Mugqivela, October 5, 1996, enhlanganweni wa lembe na lembe wa Watch Tower Bible and Tract Society of Pennsylvania, Huvo leyi Fumaka yi kunguhata ku khoma mintsombano ya matiko hinkwawo hi 1998. Kun’we ni mintsombano ya muganga leyi tolovelekeke, nhlayo ya mintsombano ya matiko hinkwawo yi ta va kona eAmerika N’walungu kun’we ni le Afrika, Asia, Yuropa, Latin America, endhawini ya le Caribbean ni le Pacific Dzonga.

Vunyingi bya mintsombano leyi yo hlawuleka yi ta va kona eAmerika N’walungu, naswona ku ta rhambiwa vayimeri lava humaka emisaveni hinkwayo. Nakambe, hi nga langutela ku va ni varhumiwa emintsombanweni leyi ya matiko hinkwawo. Varhumiwa ni van’wana lava nga entirhweni wo hlawuleka ematikweni mambe lava fanelekaka va ta rhambiwa eka yin’wana ya mintsombano leyi etikweni ra ka vona kumbe ekusuhi na rona.

Rhavi ri ta tivisa mavandlha malunghana ni madoroba-nkulu ya ntsombano wa matiko hinkwawo laha vahuweleri va nga ta ya kona. Ma ta nyikiwa rungula malunghana ni masiku ni leswaku i malunghiselelo wahi lama nga eku endliweni ya vayimeri lava hlawuriweke. Vahuweleri lava ehleketaka hi ku endla swikombelo swa ku hlawuriwa ka leswaku va va vayimeri va nga ha sungula ku hlayisa mali ya vona loko va ri karhi va langutela swiendlakalo leswi swa nkoka.