Minhlangano Ya Ntirho Ya April

Vhiki Leri Sungulaka Hi April 7

Risimu 100

12 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Boxa tinhla to vulavula ha tona eka timagazini ta sweswinyana. Tanihi leswi leyi yi nga n’hweti yo hlawuleka ya ntirho, khutaza hinkwavo—lavatsongo ni lava fanelekaka ku va vahuweleri lava nga khuvuriwangiki—leswaku va hlanganyela evutirhelini bya nsimu. Khutaza vandlha leswaku ri va ni pakani yo fikelela nhlohlorhi leyintshwa ya vahuweleri.

15 min: “Va Nghena Hi Vunyingi.” Swivutiso ni tinhlamulo. Hlamusela swiringanyeto swa nkoka leswi nga eka Xihondzo xo Rindza xa August 15, 1993, matluka 12-17.

18 min: “Pfunani Lava Pfumalaka Ntokoto Leswaku Va Twisisa.” Swivutiso ni tinhlamulo. Hlamusela swiyenge swa broxara leyi nge Leswi Xi Swi Languteleke: endlelo ro dyondza leri olovisiweke, swivutiso leswi nga enkarhini, swifaniso leswi tsakisaka, Matsalwa yo tala lama kombisiweke. Kandziyisa pakani yo sungula tidyondzo leti eku heteleleni ti nga ta yisa ebukwini leyi nge Vutivi. Vana ni muhuweleri la nga ni vuswikoti a kombisa ndlela yo sungula dyondzo a tirhisa xingheniso lexi kombisiweke eka ndzimana 4. Khutaza vatswari hinkwavo evandlheni leswaku va dyondza broxara leyi ni vana va vona lavatsongo.

Risimu 130 ni xikhongelo xo pfala.

Vhiki Leri Sungulaka Hi April 14

Risimu 107

10 min: Switiviso swa vandlha. Xiviko xa timali. Marungula Ya Swa Mfumo. Loko nkarhi wu pfumela, hlamusela mintokoto ya kwala vandlheni hi ku komisa malunghana ni ku fambisiwa ka broxara leyi nge Leswi Xi Swi Languteleke kumbe ku sungula tidyondzo ta Bibele hi ku tirhisa yona.

15 min: “Ku Kongomisa Swichudeni Eka Nhlengeletano Leyi Vitaniwaka Hi Vito Ra Hina.” (Tindzimana 1-6) Swivutiso ni tinhlamulo. Hlaya tindzimana 5-6 ni matsalwa lama kombisiweke. Hlamusela mintokoto ya kwala vandlheni malunghana ni n’wangulo wa swichudeni swa Bibele leswi voneke vhidiyo leyi nge Jehovah’s Witnesses—The Organization Behind the Name.

20 min: “Dyondzisani Van’wana Leswi Xikwembu Xi Swi Languteleke.” Bula ni vayingiseri hi tindzimana 1-4. Vana ni nkombiso hi swingheniso leswi nga eka ndzimana 5, u tirhisa mavekelo ya mune lama hambaneke—exitarateni, ekaya, endhawini ya mabindzu ni le ndhawini ya vuwiselo. Tsundzuxa hinkwavo va nga si huma eHolweni ya Mfumo namuntlha leswaku va tikumela swiphephana swa swikhokhelo, tibroxara ni timagazini leti va nga ta ti tirhisa entirhweni wa nsimu.

Risimu 126 ni xikhongelo xo pfala.

Vhiki Leri Sungulaka Hi April 21

Risimu 113

15 min: Switiviso swa vandlha. Hlamusela leswaku nkarhi wo endla xikombelo xa vuphayona bya nkarhinyana hi May wa ha ri kona. Hlamusela Bokisi Ra Swivutiso, ivi u tivisa vandlha loko ka ha laveka tibuku to karhi leswaku ku endliwa layiburari ya Holo ya Mfumo.

15 min: “Ku Kongomisa Swichudeni Eka Nhlengeletano Leyi Vitaniwaka Hi Vito Ra Hina.” (Tindzimana 7-14) Swivutiso ni tinhlamulo. Vana ni mudyondzisi la nga ni vuswikoti a kombisa ndlela yo va ni bulo leri humaka embilwini leri ntshunxekeke ni xichudeni malunghana ni xilaveko xo va kona eminhlanganweni.

15 min: Ku Tirhisa Tibuku Ta Hina Hi Xitalo. Nkulumo hi nkulu. (Vona Vutirheli Bya Hina Bya Mfumo bya September 1995 matluka 5-6.) Hakanyingi swiviko swi kombisa leswaku mavandlha ma oda timagazini to tala swinene leti ma nga swi kotiki ku ti hangalasa n’hweti yin’wana ni yin’wana. Kwalomu ka 50 wa tiphesente ta timagazini a ti fambisiwi. (Kombisa leswi tinhlayo ta kwala vandlheni ti kombisaka swona.) Xana timagazini leti ti va ti helele kwihi? To tala ti helela etixelufini tin’wana to cukumetiwa. Xana leswi swi nga papalatiwa njhani? Muhuweleri un’wana ni un’wana u fanele a languta swilaveko swakwe hi vukheta ivi a oda leti a nga ta swi kota ku ti fambisa. Swi endle mukhuva ku fambisa timagazini eka vanhu hinkwavo lava u hlanganaka na vona. U nga yi cukumeti minkandziyiso ya nkarhi lowu nga hundza. Hlanganyela entirhweni wa timagazini nkarhi na nkarhi.

Risimu 128 ni xikhongelo xo pfala.

Vhiki Leri Sungulaka Hi April 28

Risimu 121

15 min: Switiviso swa vandlha. Tsundzuxa hinkwavo leswaku va yisa swiviko swa vona swa ntirho wa nsimu swa April. Tivisa mavito ya lava nga ta phayona nkarhinyana hi May. Hlamusela malunghiselelo lama engetelekeke lama nga eku endliweni kwala vandlheni ya minhlangano ya ntirho wa nsimu. Hi May ku fanele ku endliwa matshalatshala yo hlawuleka leswaku hi tlhelela laha hi fambiseke kona broxara leyi hi ri ni pakani yo sungula tidyondzo. Hi ku komisa ringanyeta tindlela leti hi vuxiyaxiya hi nga kombelaka mavito ni tiadirese ta vanhu lava hi vekaka vumbhoni hi xitshuketa eka vona. U nga ha va nyika vito ni adirese ya wena ku sungula ivi u vutisa loko ku ri ni nomboro ya riqingho leyi va nga fikeleriwaka ha yona. Kombela vayingiseri leswaku va nyikela swiringanyeto swin’wana leswi va pfuneke.

15 min: “Ha Yini Va Endla Tano?” Nkulu u burisana ni maphayona mambirhi kumbe manharhu ya nkarhi hinkwawo hi xihloko lexi. (Loko ma nga ri kona, tirhisa van’wana lava hakanyingi va tsariselaka vuphayona bya nkarhinyana.) Katsa ni tinhla leti humaka eka xihloko lexi nge “Maphayona Ma Ava Ni Ku Amukela Mikateko,” eka Xihondzo xo Rindza xa January 15, 1994. Un’wana ni un’wana wa vona a a hlamusele lexi n’wi endleke a nghenela ntirho wa vuphayona. Va kombele va hlamusela ndlela leyi va katekisiweke ha yona hikwalaho ko endla tano.

15 min: Swilaveko swa vandlha. Vakulu va nga ha tirhisa nkarhi lowu leswaku va nyikela nkulumo hi ku ya hi swilaveko swa kwala vandlheni.

Risimu 129 ni xikhongelo xo pfala.