Minhlangano Ya Ntirho Ya July
Vhiki Leri Sungulaka Hi July 7
Risimu 6
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Bumabumela vamakwerhu hikwalaho ka ku tikarhata ka vona hi April ivi u tivisa vandlha malunghana ni leswi endliweke etin’hwetini tinharhu ta ntirho wo hlawuleka.
15 min: “Ku Tshembeka Ka Vuyerisa.” Swivutiso ni tinhlamulo. Katsa ni xikombiso lexi hlamuseriweke eka Xalamuka! (hi Xinghezi) ya January 22, 1993, matluka 18-21.
20 min: “Pfuna Van’wana Leswaku Va Chaveleleka.” Bula ni vayingiseri. Endla nkombiso wa xingheniso xin’we kumbe swimbirhi. Kombela vayingiseri leswaku va hlamusela tindlela tin’wana leti va sunguleke mabulo ha tona hi ku tirhisa tibroxara leti fanaka. Va khutaze ku tirhisa marito yo olova, lama hlawuriweke kahle leswaku va kondletela ku tsakela. (Vona Buku Yo Letela Ya Xikolo, tluka 7, tindzimana 9-11.) Boxa tibroxara tin’wana leti nga ha fambisiwaka ni leti vandlha ri nga na tona exitokweni.
Risimu 70 ni xikhongelo xo pfala.
Vhiki Leri Sungulaka Hi July 14
Risimu 5
12 min: Switiviso swa vandlha. Xiviko xa timali. Bula hi xihloko lexi nge “Hi Ta Dyondza Buku Leyi Nge Ntsako eNdyangwini.”
18 min: “Nyikela Vumbhoni Kun’wana Ni Kun’wana Laha Ku Nga Ni Vanhu.” Nkulumo. Loko nkarhi wu pfumela, u nga ha hlamusela mintokoto leyi engetelekeke leyi nga eka 1997 Yearbook, matluka 43-6.
15 min: Lunghiselela Nsimu Leyi Nga Aviwangiki Ka Ha Ri Ni Nkarhi. Nkulumo hi mulanguteri wa ntirho. Pfuxeta papila leri tsariweke hi May 30, 1997. Hlamusela tibuku to hlawuleka leti fambisiwaka, masiku ya tsima, ndhawu leyi ku nga ta tirhiwa eka yona, byetlelo ni malunghiselelo ya swofamba. Xana van’wana va nga phayona nkarhinyana? Mavandlha lama nga yiki ensin’wini leyi nga aviwangiki ma fanele ma burisana hi malunghiselelo ya ku hlanganisiwa ka nsimu leyi nga tirhiwiki ngopfu.
Risimu 71 ni xikhongelo xo pfala.
Vhiki Leri Sungulaka Hi July 21
Risimu 14
12 min: Switiviso swa vandlha. Bula hi “Nongonoko Lowuntshwa Wa Nhlengeletano Ya Xifundzha.”
13 min: I Mani A Nga Ta Hi Yela? Nkulumo leyi baka nhloko ya mhaka, leyi khutazaka lava nga kotaka ku phayona nkarhi hinkwawo ku sukela hi September 1. Katsa ni xikhutazo lexi yaka eka maphayona ya nkarhi hinkwawo ni ntokoto lowu kumekaka eka xiengetelo xa Vutirheli Bya Hina Bya Mfumo bya February 1997, tindzimana 16-17. Lava nga swi kotiki ku phayona nkarhi hinkwawo va nga ha navela ku kunguhata leswaku i (ti)n’hweti tihi leti eka tona va nga phayonaka nkarhinyana elembeni ra ntirho leri taka.
20 min: Lunghekela Ku Nyikela Vumbhoni Bya Xitshuketa. Siku rin’wana ni rin’wana, hi kuma minkarhi yo nyikela vumbhoni eka vanhu lava hi hlanganaka na vona. Loko nkarhi wu hi pfulekela, hi nga ha tikuma hi nga ri na Bibele kumbe tibuku to ti tirhisa. Kunguhata ka ha ri emahlweni. Loko u ri ekaya, veka tibuku leti nga fikelelekaka hi ku olova ekusuhi na nyangwa laha u rhurhelaka kona vaendzi. Hoxa tibuku to hambana-hambana enkwameni, u tshama u ti tamerile kumbe u va na tona emovheni wa wena, laha u tirhelaka kona kumbe elokhareni ya wena ya xikolo. Tshama u ri ni tibuku to karhi loko u famba hi xofamba xa mani na mani. Teka tibuku tin’wana loko u teka riendzo ra mabindzu, loko u ya entsombanweni kumbe loko u ya eku wiseni. Hlamusela swiringanyeto leswi engetelekeke leswi humaka eka Buku Yo Letela Ya Xikolo, matluka 80-2, tindzimana 11-16. Endla nkombiso hi ku komisa malunghana ni tindlela to hambana-hambana to vulavula ni muxavisi, mutirhi-kuloni, loyi u nghenaka na yena xikolo, mufambi-kuloni kumbe munhu la nga eku wiseni.
Risimu 72 ni xikhongelo xo pfala.
Vhiki Leri Sungulaka Hi July 28
Risimu 15
12 min: Switiviso swa vandlha. Hlamusela tibuku leti nga ta fambisiwa hi August. Tikarhateleni ku tlhelela lomu ku fambisiweke kona tibroxara hi July mi endla maendzo yo vuyela hi August, mi ringeta ku sungula tidyondzo ta Bibele. Tidyondzo ti fanele ti sunguriwa hi ku tirhisa broxara leyi nge Leswi Xi Swi Languteleke kumbe buku leyi nge Vutivi.
15 min: Vatswari—Dyondzisani Vana Va N’wina Ku Sukela eVuhlangini. Nkulu u hlamusela misinya ya milawu ya Matsalwa leyi kombisaka xilaveko xa vatswari xo dyondzisa vana va vona ku sukela evuhlangini. (Swiv. 22:6; 2 Tim. 3:14, 15) Vatswari van’wana va vona onge dyondzo ya Bibele leyi enteke eka vana a yi fanelanga yi nyikeriwa kukondza loko va kule ku ringana lerova va nga tiendlela swiboho swa vona vini. Etimhakeni to tano, vana vo tala va sungule ku hanya hi ndlela ya misava. Ndzetelo wa moya wu fanele wu sungula evuhlangini. (g97-TS 3/8 26-7; w88-TS 8/1 12-13) Burisana ni mpatswa lowu tekaneke lowu kombisaka ku khumbeka hi vumoya bya vana va wona. Kombisa ndlela leyi tatana a rhangelaka ha yona ni leswaku vatswari havambirhi va endla xiphemu xa vona eku nyikeleni ka nongonoko wa nkarhi na nkarhi, lowu hetisekeke wo dyondzisa vana va vona. Mpatswa wu hlamusela leswi a wu ri karhi wu swi endla hi ku tikarhatela ku dyondzisa vana va wona ntiyiso, wu tirhisa swiringanyeto leswi nhlengeletano yi swi humeseke leswaku ku ta va ni nongonoko lowunene, lowu pfunaka wa ku dyondzisa ekaya. Nkulu u kandziyisa nkoka wa ku tirhisa leswi Rito ra Xikwembu ri khutazaka vatswari ku endla swona.—w85 4/1 23; Ef. 6:1-4.
18 min: Hetisisa Vutirheli Bya Wena Hi Xitalo. Nkulumo hi mulanguteri wa ntirho leyi sekeriweke ebukwini leyi nge Vutirheli Bya Hina, matluka 5-8. Kandziyisa nkoka ni xihatla xa ntirho wo chumayela, u khutaza hinkwavo leswaku va languta vutihlamuleri bya vona bya ku va vatirheli hi mbilu hinkwayo. Tsundzuxa hinkwavo leswaku va tisa swiviko swa ntirho wa nsimu swa July. Khutaza hinkwavo hi musa leswaku va hlanganyela hi xitalo entirhweni wa nsimu hi August tanihi leswi yi nga n’hweti yo hetelela ya lembe ra ntirho.
Risimu 75 ni xikhongelo xo pfala.