Minhlangano Ya Ntirho Ya September

Vhiki Leri Sungulaka Hi September 1

Risimu 26

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri leswaku va vika ntirho wa vona wa nsimu wa August hi ku hatlisa. Leswi August a yi ri n’hweti yo hetelela ya lembe ra ntirho, matsalana ni vafambisi va dyondzo ya buku va fanele va tiyiseka leswaku swiviko hinkwaswo leswi xiyekaka swa tin’hweti leti hundzeke swa tisiwa. Hi tiyimisele ku va ni nhlonhlorhi leyintshwa ya vahuweleri hi August.

15 min: “Rhangisa Swilo Swa Nkoka Swinene eMahlweni.” Swivutiso ni tinhlamulo. Loko nkarhi wu pfumela, hlamusela xihloko lexi nge “Rhangisa Swilo Leswinene” eka Xalamuka! (hi Xinghezi) ya February 22, 1987, matluka 8-9.

20 min: “Ku Avela Van’wana Xihundla Xa Ntsako eNdyangwini.” Nkulumo leyi hlanganisaka tindzimana 1 na 6-8. Endla minkombiso eka tindzimana 2-5. Kandziyisa mhaka ya ku endla vadyondzisiwa ni ku fikelela pakani ya ku sungula tidyondzo.

Risimu 107 ni xikhongelo xo pfala.

Vhiki Leri Sungulaka Hi September 8

Risimu 27

10 min: Switiviso swa vandlha. Xiviko xa timali.

10 min: Swilaveko swa vandlha.

10 min: “Tidyondzo Ta Bibele Leti Endlaka Vadyondzisiwa.” Nkulumo.

15 min: Nkulu u bula hi xihloko lexi nge “Khutazani Swichudeni Leswaku Swi Tinyiketela Ni Ku Khuvuriwa” (xiengetelo xa km-TS 6/96, tindz. 20-2) kun’we ni vahuweleri lava nga ni ntokoto lava fambisaka tidyondzo.

Risimu 109 ni xikhongelo xo pfala.

Vhiki Leri Sungulaka Hi September 15

Risimu 30

10 min: Switiviso swa vandlha. Hlamusela Bokisi Ra Swivutiso.

15 min: Tirhisa Tivhidiyo Hi Ndlela Leyinene. Hlamusela swiringanyeto malunghana ni ku tirhisiwa ka tivhidiyo ta Sosayiti ivi u hlamusela mintokoto leyi kombisaka ndlela yo tirhisa tivhidiyo hi xitalo, emindyangwini ya hina ni le vutirhelini.

20 min: Xana Wa Yi Tirhisa Broxara Leyi Nge School and Jehovah’s Witnesses? Nkulu u bula hi Xihondzo xo Rindza (hi Xinghezi) xa October 1, 1985, matluka 30-1, kun’we ni vatswari van’wana ni vana. Va hlamusela mintokoto ya vona vini eku tirhiseni ka broxara leyi nge School.

Risimu 112 ni xikhongelo xo pfala.

Vhiki Leri Sungulaka Hi September 22

Risimu 32

8 min: Switiviso swa vandlha.

17 min: Ndlela Yo Sungula Bulo. Ku humelela ka hina lokukulu evutirhelini ku titshege hi vuswikoti bya hina byo katsa van’wana emabulwini lama nga ni xikongomelo. Loko hi kota ku vula xin’wana lexi endlaka leswaku va yingisela, hi va hi hlule xin’wana xa swihinga leswikulu leswi hi hlangavetanaka na swona loko hi ri eku nyikeleni ka vumbhoni. Bula ni vayingiseri malunghana ni tinhla-nkulu leti kumekaka eka Buku Yo Letela Ya Xikolo, dyondzo 16, tindzimana 11-14. Vana ni vahuweleri lava nga ni vutshila ni lava humelelaka eku sunguleni ka mabulo va hlamusela marito lama va sungulaka ha wona loko va vulavula ni vanhu vo tanihi (1) munhu la fambaka hi milenge exitarateni, (2) la khandziyeke bazi, (3) matsalana la nga entirhweni, (4) muxavi la nga endhawini ya ku paka mimovha, (5) munhu la tshameke ebencini endhawini ya vuwiselo ni (6) loyi ku nyikeriweke vumbhoni eka yena hi ku tirhisa riqingho.

20 min: Hlamusela Xiviko Xa Ntirho Wa Vandlha Xa Lembe Ra Ntirho Ra 1997. Mulanguteri wa ntirho u bumabumela vandlha malunghana ni ntirho lowunene, ngopfu-ngopfu hi March, April na May. Nyikela swiringanyeto leswi humaka eka huvo ya vakulu ni lexi humaka eka xiviko xo hetelela xa mulanguteri wa xifundzha malunghana ni ku engetela ntirho wa nsimu ni wa tidyondzo ta Bibele. Hlamusela tipakani letinene ta lembe lerintshwa ra ntirho, ku katsa ni ku sungula tidyondzo ta Bibele ni ku ti fambisa ni ku phayona nkarhinyana etin’hwetini leti nga ni mahelo-vhiki ya ntlhanu—November, May na August.

Risimu 113 ni xikhongelo xo pfala.

Vhiki Leri Sungulaka Hi September 29

Risimu 37

15 min: Switiviso swa vandlha. Tsundzuxa hinkwavo leswaku va yisa swiviko swa vona swa ntirho wa nsimu. Boxa leswaku hi ta sungula ku dyondza buku leyi nge Ntsako eNdyangwini vhiki leri taka edyondzweni ya buku. Loko mi lunghiselela ntirho wa n’wina wa timagazini hi October, bulani hi swihloko leswi nge “Kambisisani Nsimu Ya N’wina,” “Tolovelana Ni Timagazini,” “Lunghiselela Leswi U Nga Ta Swi Vula Ro Sungula,” “Titwananise Ni Xiyimo Xa N’wini Wa Muti,” ni lexi nge “Pfunanani,” leswi humaka eka Vutirheli Bya Hina Bya Mfumo bya October 1996, tluka 12.

15 min: Nkulumo leyi khutazaka leyi nga ni xihloko lexi nge “Minkarhi Hinkwayo Nyiketa Yehovha Swivilelo Swa Wena” leyi sekeriweke eka Xihondzo xo Rindza xa April 1, 1996, matluka 27-9.

15 min: Xixima Vutirheli Bya Wena. Bula ni vayingiseri hi buku leyi nge Vutirheli Bya Hina, matluka 81-3. Kandziyisa tinhla-nkulu hi ku vutisa swivutiso leswi: (1) Xana hi vuyeriwa njhani hi ku landzela xikombiso xa Yesu? (2) Xana vutihlamuleri bya hina byo chumayela i bya nkoka ku fikela kwihi? (3) I yini leswi hi susumetelaka ku nyiketela vutomi bya hina eka Yehovha? (4) I mahanyelo ya muxaka muni lama lavekaka loko munhu a lava ku tirhela Xikwembu? (5) Xana hi nga dyondza yini eka ndlela leyi Yesu a chumayeleke ha yona?

Risimu 121 ni xikhongelo xo pfala.