Switiviso
◼ Tibuku leti nga ta fambisiwa hi September: Xihundla Xa Ntsako eNdyangwini hi munyikelo wa R4,00. October: Xikhokhelo xa lembe rin’we hi poso xa Xalamuka! kumbe xa Xihondzo xo Rindza hi munyikelo wa R48,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R24,00. Swikhokhelo swa ntlawa i R24,00 na R12,00 hi ku hambana ka swona. Tikarhateleni ku fambisa timagazini loko xikhokhelo xi ariwa. Ku sukela exiphen’wini xo hetelela xa n’hweti, ku ta fambisiwa xiphephana lexi nge Kingdom News No. 35. November: Ka ha ta fambisiwa xiphephana lexi nge Kingdom News No. 35. Mavandlha lama nga heta nsimu ya wona hi ku fikelela kaya rin’wana ni rin’wana kumbe laha ku tshamaka vanhu ni kopi ya xiphephana xa Kingdom News No. 35 ma nga ha fambisa buku leyi nge Vutivi. December: Bibele—I Rito Ra Xikwembu Kumbe I Ra Munhu? hi munyikelo wa R4,00.
◼ Mulanguteri la ungamelaka kumbe un’wana la hlawuriweke hi yena u fanele a hlaya timali ta vandlha hi September 1 kumbe endzhakunyana hi ku hatlisa hilaha swi nga kotekaka hakona. Tivisa vandlha loko leswi se swi endliwile.
◼ Hi Mugqivela, October 18, 1997, Kaya ra Bethele ni fektri swi ta va swi pfarile leswaku ku basisiwa, hikwalaho, a ku nge vi na malunghiselelo ya vapfhumba.
◼ Vakulu va tsundzuxiwa leswaku va landzela swiletelo leswi nyikeriweke eka matluka 21-3 ya Xihondzo xo Rindza xa April 15, 1991, malunghana ni vanhu lava susiweke kumbe lava tihambaniseke ni vandlha, lava kumbexana va lavaka ku vuyiseriwa.
◼ Loko ma rhumela swikombelo swa tibuku, mavandlha ma tsundzuxiwa leswaku ti-CD-ROM ta Sosayiti a ti nyikiwi munhu un’wana ni un’wana. Ti fanele ti tirhisiwa hi vahuweleri ntsena.
◼ Hi tsundzuxa MAVANDLHA HINKWAWO leswaku ma oda makhadi ya Advance Medical Directive/Release ni ti-Identity Card hi ku hatlisa hilaha swi nga kotekaka hakona eka fomo ya Literature Order (S-AB-14). Mavandlha lama nga riki na yona akhawunti ni Sosayiti kumbe lama nga ni xikweleti eka akhawunti ya wona ya tibuku ma fanele ma rhumela oda ya wona ni mali. Makhadi ya medical directive i khume-mbirhi wa tisente rin’we kasi Identity Card i khume ra tisente rin’we. Hi kombela mi oda hi swiputsa swa 20 loko swi koteka. Mi nga ma avi makhadi lawa, kambe mi ma veka kukondza Sosayiti yi mi nyika swiletelo swin’wana.
◼ “Bokisi Ra Swivutiso” ra Vutirheli Bya Hina Bya Mfumo bya May 1997 ri hlamusele leswaku hi tivonela malunghana ni ku tirha nsimu ni vahuweleri va rimbewu leri hambaneke. Hinkwerhu hi ni swivangelo leswinene leswaku hi va ni vukheta emhakeni leyi. Leswi a swi vuli swona leswaku valanguteri lava famba-fambaka kumbe vamakwerhu van’wana a va nge tirhi nsimu ni vamakwerhu va xisati. Kambe, ku kandziyisiwe leswaku a hi vutlhari leswaku makwerhu wa xinuna a heta nkarhi wo tala nkarhi na nkarhi a ri ni munhu un’we ntsena wa rimbewu leri hambaneke loyi a nga riki xaka ra yena.
◼ Mavandlha ma fanele ma sungula ku oda 1998 Calendar of Jehovah’s Witnesses eka oda ya wona ya tibuku ya September. Tikhalendara ti ta kumeka hi Xibunu, Xifurwa, Xigriki, Xijarimani, Xinghezi, Xintariyana, Xiputukezi, Xisuthu, Xixhosa na Xizulu. Leswi i swilo leswi odiwaka hi ku ringanisela. Mavandlha lama nga riki na akhawunti ni Sosayiti kumbe lama nga ni xikweleti eka akhawunti ya wona ma fanele ma rhumela oda ya wona ni mali.
◼ Ti-Compact Disc Letintshwa Leti Kumekaka:
Kingdom Melodies Vholumo 4 (Vuyimbeleri bya swichayachayana; vandlha, vanhu ni maphayona: R17,00)
◼ HI KOMBELA MI XIYA: Siku ra ntsombano wa muganga lowu landzelaka ri cincile:
December 26-28: Springs