Minhlangano Ya Ntirho Ya October
Vhiki Leri Sungulaka Hi October 6
Risimu 39
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. October i n’hweti yo hetelela ya tsima ra nsimu leyi nga aviwangiki. Khutaza hinkwavo leswaku va hlanganyela hi xitalo.
15 min: “Xana Vanhu Hinkwavo Va Ta Kala Va Rhandzana?” Swivutiso ni tinhlamulo. Hlamusela tinhla-nkulu ta xiphephana xa Kingdom News No. 35. Kombisa swivangelo leswi nga ta endla leswaku vanhu va vuyeriwa hi rungula leri ensin’wini. Kandziyisa xilaveko xo kunguhata ka ha ri sweswi leswaku u hlanganyela hi xitalo eku hangalasiweni ka xona ni ku tikarhatela ku tlhelela eka lava kombiseke ku tsakela.
20 min: “Hangalasa Swinene Xiphephana Xa Kingdom News No. 35.” Nkulumo yo pfula hi mulanguteri wa ntirho. Hlanganisa tindzimana 5-8 hi swivutiso ni tinhlamulo. Hlamusela malunghiselelo ya vandlha ya ntirho lowu engetelekeke. Hlamusela tindlela to tiyisekisa leswaku nsimu hinkwayo yi hlanganisiwile. Vahuweleri va nga tirhisa xiphephana xa Kingdom News No. 35 loko va nyikela vumbhoni eka vanhu lava nga eswiticini swa mabazi, etindhawini ta mabindzu lamatsongo, etindhawini to paka mimovha ni kun’wana. Nyikela swiringanyeto malunghana ni ku pfuna vanhu lavantshwa lava lavaka ku sungula ntirho wo chumayela. Katsa ni rungula leri nga eka xiengetelo xa Vutirheli Bya Hina Bya Mfumo bya April 1995, ndzimana 11. Etindhawini tin’wana swi nga ha vuyerisa ku tirha u ri wexe naswona u nga rhwali nkwama wa tibuku loko u hangalasa xiphephana xa Kingdom News. Endla nkombiso wa swingheniso swimbirhi kumbe swinharhu hi ku komisa.
Risimu 126 ni xikhongelo xo pfala.
Vhiki Leri Sungulaka Hi October 13
Risimu 41
10 min: Switiviso swa vandlha. Xiviko xa timali. Hlamusela tinhla to vulavula ha tona eka minkandziyiso ya sweswinyana ya Xihondzo xo Rindza ni Xalamuka! Tsundzuxa hinkwavo leswaku ku ta fambisiwa timagazini kun’we ni xiphephana xa Kingdom News No. 35 loko ku tirhiwa nsimu hi mahelo-vhiki. Hi fanele hi tlhelela eka hinkwavo lava kombiseke ku tsakela.
20 min: “Ntsombano Wa Muganga Wa ‘Ku Pfumela eRitweni Ra Xikwembu’ Wa 1997.” (Tindzimana 1-12) Swivutiso ni tinhlamulo. Hlaya tindzimana 7 na 9. Kandziyisa xilaveko xa Matsalwa xa leswaku hi hlayisa mahanyelo ni ku languteka ka Vukreste ni ku langutela vana va hina hi vukheta.
15 min: “Xana U Titwisa Ku Yini Loko Munhu A Nga Tsakeli?” Bulo ra vakulu vambirhi.
Risimu 130 ni xikhongelo xo pfala.
Vhiki Leri Sungulaka Hi October 20
Risimu 42
15 min: Switiviso swa vandlha. Hlamusela mintokoto leyi humaka eka 1996 Yearbook, matluka 6-8, ehansi ka xihlokwana lexi nge “Global Distribution of Kingdom News.” Kandziyisa matshalatshala ya munhu ha un’we lawa vahuweleri va ma endleke eku hangalasiweni ka xiphephana xa Kingdom News enkarhini lowu nga hundza. Khutaza hinkwavo leswaku va hlanganyela hi xitalo eku hangalasiweni ka xiphephana xa Kingdom News No. 35.
15 min: “Ntsombano Wa Muganga Wa ‘Ku Pfumela eRitweni Ra Xikwembu’ Wa 1997.” (Tindzimana 13-19) Swivutiso ni tinhlamulo. Hlaya ndzimana 13 ni matsalwa lama kombisiweke. Kandziyisa xilaveko xa ku hleleka ni ku anakanyela van’wana, ngopfu-ngopfu loko swi ta emhakeni ya switulu. Gimeta hi nkulumo yo koma leyi hlamuselaka “Switsundzuxo Swa Ntsombano Wa Muganga.”
15 min: “Xana U Mbhoni Ya Nkarhi Hinkwawo?” Nkulumo hi nkulu.
Risimu 133 ni xikhongelo xo pfala.
Vhiki Leri Sungulaka Hi October 27
Risimu 43
12 min: Switiviso swa vandlha. Hlamusela ndlela leyi xiphephana xa Kingdom News No. 35 xi hangalasiweke ha yona. Rhamba vayingiseri leswaku va hlamusela mintokoto leyi khutazaka. Hlamusela leswaku ku fikela sweswi se ku tirhiwe nsimu yo tanihi kwihi ni leswi nga ta laveka ku hlanganisa nsimu hi November 16. Loko nsimu se yi tirhiwe hinkwayo, hi ta fambisa buku leyi nge Vutivi enkarhini lowu nga sala wa n’hweti. Kandziyisa pakani ya ku sungula tidyondzo loko ku endliwa maendzo yo vuyela laha ku veke ni n’wangulo lowunene loko ku fambisiwa xiphephana xa Kingdom News. Khutaza hinkwavo leswaku va tisa swiviko swa ntirho wa nsimu wa October mahelo-vhiki lawa.
15 min: Ndlela Yo Kuma Ntshembo Hambi Ku Ri Ni Gome. Nkulumo hi nkulu leyi sekeriweke eka Xihondzo xo Rindza xa May 15, 1997, matluka 22-5.
18 min: Ku Vonakala Ka N’wina A Ku Voninge. Nkulumo ni bulo leyi humaka ebukwini leyi nge Vutirheli Bya Hina, matluka 84-8. Hlela ka ha ri emahlweni leswaku u va ni vahuweleri lava nyikaka tinhlamuselo leti kongomeke ta swivutiso leswi landzelaka: (1) Ha yini Timbhoni ta Yehovha ti chumayela hi yindlu na yindlu? (2) Xana endlelo leri ri tirhisiwe ku fikela kwihi hi lembe-xidzana ro sungula? (3) Ha yini ku ri ni xilaveko xa xihatla xa ku hambeta hi chumayela hi yindlu na yindlu namuntlha? (4) I swiyimo swihi leswi nga ha hi endlaka hi nonon’hweriwa ku hlanganyela nkarhi na nkarhi? (5) Xana hi nga pfuniwa njhani leswaku hi phikelela? (6) Xana hi katekisiwa njhani loko hi pfumelela ku vonakala ka hina ku voninga? (7) Xana hi nga endla yini leswaku hi humelela swinene eku burisaneni ni vanhu? Endla nkombiso wa vahuweleri vanharhu kumbe mune va hlamusela mintokoto leyi khutazaka leyi va yi kumeke loko va tirha eswitolo kumbe loko va nyikela vumbhoni exitarateni.
Risimu 136 ni xikhongelo xo pfala.