Minhlangano Ya Ntirho Ya December

XIYA: Vutirheli Bya Hina Bya Mfumo byi ta va ni xiyimiso xa Nhlangano wa Ntirho wa vhiki rin’wana ni rin’wana hi December. Mavandlha ma nga ha endla mindzulamiso hilaha swi faneleke hakona leswaku ma ta kota ku ya eNtsombanweni wa Muganga wa “Ku Pfumela eRitweni Ra Xikwembu” ivi endzhaku ku va ni mpfuxeto wa 30 wa timinete wa tinhla-nkulu ta nongonoko eka Nhlangano wa Ntirho wa vhiki leri tlhandlamaka. Mpfuxeto wa siku rin’wana ni rin’wana ra nongonoko wa ntsombano wa muganga wu fanele wu averiwa vamakwerhu vambirhi kumbe vanharhu lava fanelekaka ka ha ri ni nkarhi, lava nga ta kota ku hlawula tinhla-nkulu. Mpfuxeto lowu lowu lunghiseleriweke kahle wu ta pfuna vandlha leswaku ri tsundzuka tinhla-nkulu ta munhu hi xiyexe ni leti nga tirhisiwaka ensin’wini. Tinhlamuselo ta vayingiseri ni mintokoto leyi runguriwaka swi fanele swi koma ni ku ba nhloko ya mhaka.

Vhiki Leri Sungulaka Hi December 1

Risimu 57

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlanganyela evutirhelini bya nsimu eku sunguleni ka n’hweti. Lava nga ta va va nga ri kona kumbe lava yaka entsombanweni wa muganga eku heleni ka n’hweti va fanele va yisa swiviko swa vona va nga si famba. Kandziyisa xilaveko xa leswaku hinkwavo va yisa swiviko swa vona swa December n’hweti leyi.

15 min: “Vulavula Hi Yehovha Masiku Hinkwawo.” Swivutiso ni tinhlamulo. Loko u fika eka ndzimana 4, katsa ni tinhlamuselo leti nga eka Buku Yo Letela Ya Xikolo, dyondzo 16, tindzimana 14-16.

20 min: “Bibele—Buku Ya Xikwembu Yo Kongomisa Vanhu Hinkwavo.” Nkulu u bula hi xihloko lexi kun’we ni swivangelo leswi endlaka un’wana ni un’wana a fanele ku navela ku kambisisa Bibele. Burisana ni vahuweleri vambirhi hi ku komisa malunghana ni ndlela leyi va nga lunghiselelaka ku tirhisa swiringanyeto leswi nga eka tindzimana 3-8 ha yona. Endla nkombiso wun’we wa swiringanyeto leswi wa riendzo ro sungula ni ro vuyela. Khutaza hinkwavo leswaku va tikumela Christian Greek Scriptures hi xitalo hi tindzimi ta ntlhanu ta laha tikweni ni ku yi fambisa nkarhi wihi na wihi lowu faneleke.

Risimu 165 ni xikhongelo xo pfala.

Vhiki Leri Sungulaka Hi December 8

Risimu 58

10 min: Switiviso swa vandlha. Xiviko xa timali.

20 min: Ku Pfula Tindlela Ta Ku Nyikela Vumbhoni. Hi December na January, vo tala va hina hi ta va hi ri riendzweni ro ya emintsombanweni ni le ku wiseni, naswona hi kuma minkarhi leyinene ya ku nyikela vumbhoni hi xitshuketa. Loko u tirhisa Buku Yo Letela Ya Xikolo, matluka 80-2, tindzimana 11-16, pfuxeta swiringanyeto swa malunghana ni ku sungula mabulo ni vanhu vambe. Kombisa ndlela leyi ku lunghiselela ka ha ri emahlweni swi pfunaka ha yona leswaku u kuma vuyelo byo antswa. Vana ni vahuweleri vanharhu vo hambana va kombisa ndlela yo sungula bulo ni munhu la tirhaka ku chela petirolo, munhu la fambaka hi xo famba xa mani na mani ni munhu la yimeke enxaxamelweni evhengeleni. Tsundzuxa vahuweleri leswaku va tsala mavito ya vanhu lava kombiseke ku tsakela leswaku munhu un’wana a ta va endzela endzhakunyana.

15 min: “Ha Ku Hulukela!” Bulo ra vayingiseri leri fambisiwaka hi nkulu. Boxa nhlayo-xikarhi ya lava vaka kona eminhlanganweni evandlheni ra ka n’wina. Kombela van’wana leswaku va hlamusela swivangelo leswi endlaka va phyuphyisiwa hi ku va kona eminhlanganweni.

Risimu 172 ni xikhongelo xo pfala.

Vhiki Leri Sungulaka Hi December 15

Risimu 63

10 min: Switiviso swa vandlha. Nyikela swiringanyeto malunghana ni ku hlamula maxewetelo ya tiholideyi hi ndlela ya vutlhari. Hlamusela malunghiselelo yo hlawuleka ya ntirho wa nsimu wa December 25, 26 na January 1.

10 min: Swilaveko swa vandlha.

25 min: “Hi Fanele Hi Va Vadyondzisi, Hi Nga Vi Vachumayeri Ntsena.” Swivutiso ni tinhlamulo. Loko u fika eka ndzimana 11, hlaya Buku Yo Letela Ya Xikolo, dyondzo 15, ndzimana 11.

Risimu 174 ni xikhongelo xo pfala.

Vhiki Leri Sungulaka Hi December 22

Risimu 138

8 min: Switiviso swa vandlha.

17 min: “Xikolo Xa Vutirheli Bya Le Tilweni Xa 1998.” Nkulumo hi mulanguteri wa xikolo. Hlamusela tindlela leti hinkwavo va nga ta vuyeriwa hi xitalo ha tona exikolweni lembe leri taka. Va khutaze leswaku va fambisana ni “Xiyimiso Xa Ku Hlaya Ka Bibele Loku Engetelekeke” lexintshwa xa vhiki rin’wana ni rin’wana.

20 min: Chumayela Mahungu Lamanene Kun’wana Ni Kun’wana. Bula ni vayingiseri hi ku tirhisa buku leyi nge Vutirheli Bya Hina, matluka 92-7, u tirhisa swivutiso leswi: (1) Ha yini ku tirhisiwa ka tibuku ta hina ku pfuna eku hangalaseni ka mahungu lamanene? Ha yini hi fanele hi fambisa tibuku nkarhi na nkarhi? (2) Ha yini hi fanele hi xalamukela ku nyikela vumbhoni hi xitshuketa? Hi tihi tindlela tin’wana ta ku nyikela vumbhoni hi xitshuketa? (Kombela van’wana leswaku va hlamusela mintokoto ya ku nyikela vumbhoni hi xitshuketa.) (3) Ha yini vandlha ri fanele ri tikarhatela ku hlanganisa nsimu leyi ri averiweke yona? Laha nsimu yi nga yikulu, hi byihi vuyelo bya ku va ni nsimu ya munhu hi xiyexe? (4) Xana hi vuyeriwa njhani hi malunghiselelo ya ku nyikela vumbhoni hi ntlawa? Xana hi nga wu kunguhata hi ndlela yihi ntirho wa hina wa ku nyikela vumbhoni leswaku hi ta tiyiseka leswaku hi tirhisa nkarhi wa hina hi mfanelo?

Risimu 222 ni xikhongelo xo pfala.

Vhiki Leri Sungulaka Hi December 29

Risimu 181

10 min: Switiviso swa vandlha. Marungula Ya Swa Mfumo. Tsundzuxa hinkwavo leswaku va nghenisa swiviko swa vona swa ntirho wa nsimu. Loko vandlha ra ka n’wina ri ta cinca minkarhi ya minhlangano eka lembe lerintshwa, nyikela xikhutazo xa rirhandzu eka hinkwavo leswaku va va kona eminhlanganweni ya vandlha hi minkarhi ya yona leyintshwa.

15 min: Hlamusela Nyiko Ya Buku Ya January. Kombisa buku leyi nge Nghwazi ni leyi nge Ku Lavisisa ivi u boxa tinhla leti tsakisaka to vulavula ha tona leti nga ta pfuna eku lunghiseleleni ka swingheniso. Endla ni nkombiso wun’we. Hi fanele hi tikarhatela ku sungula tidyondzo hi ku tirhisa broxara leyi nge Leswi Xi Swi Languteleke kumbe buku leyi nge Vutivi.

20 min: Ha Yini U Vika Swiendlo Leswo Biha? Nkulumo hi nkulu leyi sekeriweke eka Xihondzo xo Rindza xa August 15, 1997, matluka 26-30.

Risimu 215 ni xikhongelo xo pfala.