Mpfuxeto Wa Xikolo Xa Vutirheli Bya Le Tilweni

Handle ko pfula tibuku ku endliwa mpfuxeto wa mhaka leyi hlanganisiweke eswiavelweni swa Xikolo Xa Vutirheli bya le Tilweni swa mavhiki ya January 5 ku ya ka April 20, 1998. Tirhisa phepha rin’wana leswaku u tsala tinhlamulo ta swivutiso swo tala hilaha u nga kotaka hakona hi nkarhi lowu u nyikiweke wona.

[Tsundzuka: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xihi na xihi. Swikombo leswi landzelaka swivutiso i swa ku pfuna wena loko u endla ndzavisiso. Tinomboro ta matluka ni tindzimana swi nga ha endleka swi nga humeleli eka swikombo swin’wana swa Xihondzo xo Rindza.]

Hlamula yin’wana ni yin’wana ya tinhlamuselo leti landzelaka u ku I Ntiyiso kumbe I Mavunwa:

1. Eka Mintirho 15:29, nhlamuselo leyi nge “Vanani ni rihanyo lerinene!,” a ku ri xitshembiso lexi a xi vula leswaku, ‘Loko mi papalata ngati ni vuoswi, mi ta va ni rihanyo leri antswaka.’ [Ku hlaya ka Bibele ka vhiki na vhiki; vona w91-TS 6/15 tl. 9 ndz. 7, nhlamuselo ya le hansi.]

2. Ku khumbeka ngopfu hi vuhlayiseki bya moya bya Vakreste va le Korinto swi susumetele Pawulo ku va tsalela papila rakwe loko a ha ri eriendzweni rakwe ra vumbirhi ra vurhumiwa. [si-TS tl. 210 ndz. 3]

3. Loko Yesu a tlhelela etilweni u nyikiwe xikhundla lexi a ri na xona emahlweni ko va munhu wa nyama. [td-TS 44A]

4. Rito leri nge “simoni,” leri kumekaka eka xiendlakalo lexi tsariweke eka Mintirho 8:9-24, ri vula ku endliwa ka masalamusi. [Ku hlaya ka Bibele ka vhiki na vhiki; vona w90-TS 6/1 tl. 17 ndz. 8.]

5. Eka Varhoma 8:6, 7, rito leri nge “nyama” ri vula xiyimo xa hina xa vudyoho tanihi vanhu lava nga hetisekangiki kun’we ni mimboyamelo ya ku nga hetiseki. [Ku hlaya ka Bibele ka vhiki na vhiki; vona w91-TS 3/1 tl. 21 ndz. 4.]

6. Ku pfumelelana na Vaefesa 5:33, leswaku wansati u fanele a va ni xichavo lexi enteke eka nuna wakwe a swi vuli swona leswaku u fanele a nga phofuli vonelo ra yena, ngopfu-ngopfu loko ku ri ni leswi n’wi karhataka. [kl-TS tl. 144 tindz. 12-13]

7. Tanihi leswi Matewu 11:11 yi kombisaka leswaku “exikarhi ka lava velekiweke hi vavasati a ku si humelela lonkulu eka Yohane Mukhuvuri,” u ta va un’wana wa lava nga ta nyikiwa hakelo ya vutomi bya le tilweni. [td-TS 38B]

8. Tanihi leswi xikongomelo xa Xikwembu xa ku nghenisa Vamatiko evandlheni xi nga twisisiwangiki kahle kukondza vaapostola va vona leswi a swi humelela eku hetisekeni ka vuprofeta, Timbhoni ta Yehovha ti vone leswaku ku twisisa ka tona timhaka to karhi ku lulamisiwile loko Xikwembu xi ri karhi xi hambeta xi ti voningela. [jv-TS tl. 629 tindz. 3-4]

9. Eka Mintirho 20:20, xiga lexi nge “hi yindlu ni yindlu” xi vula maendzo ya vurisi emakaya ya vapfumeri-kulorhi hikuva mhaka yi kombisa leswaku Pawulo a a vulavula ni vakulukumba va vandlha. [Ku hlaya ka Bibele ka vhiki na vhiki; vona w91-TS 1/15 tl. 11 ndz. 5.]

10. Loko hi letela timbilu ta hina leswaku ti tlangela swilo swa moya, hi khongelela moya wa Xikwembu leswaku wu hi pfuna emhakeni leyi, hi kona hi nga ta papalata “ku anakanya swa nyama.” (Rhom. 8:6, 7) [Ku hlaya ka Bibele ka vhiki na vhiki; vona w91-TS 3/1 tl. 21 ndz. 5.]

Hlamula swivutiso leswi landzelaka:

11. I xiendlakalo xihi ebukwini ya Mintirho lexi kombisaka leswaku ku va ni Rito ra Xikwembu ni ku tihlayela rona a swi enelanga loko u lava ku kuma vutivi lebyi kongomeke lebyi yisaka munhu endleleni ya vutomi? [Ku hlaya ka Bibele ka vhiki na vhiki; vona w91-TS 9/1 tl. 19 ndz. 16.]

12. Hi yihi yinhla leyi Pawulo a yi kombiseke loko a tsale a ku: “Valawuri lava nga kona va vekiwe hi Xikwembu”? (Rhom. 13:1) [kl-TS tl. 131 ndz. 7]

13. Eka Mintirho 11:26, ha yini Vuhundzuluxeri Bya Misava Leyintshwa byi tirhisa xiga lexi nge “va vitaniwa Vakreste hi nkongomiso wa Xikwembu,” kasi vuhundzuluxeri byin’wana bya Bibele a byi yi nghenisi mhaka ya leswaku “hi nkongomiso wa Xikwembu”? [Ku hlaya ka Bibele ka vhiki na vhiki; vona w90-TS 6/1 tl. 19 ndz. 19.]

14. I ku tiyisekisiwa kwihi loku susumetelaka Timbhoni ta Yehovha ku va vakandziyisi ni vahangalasi va Bibele lava hisekaka? [jv-TS tl. 603 ndz. 3]

15. Xana i dyondzo ya muxaka muni ya munhu hi xiyexe leyi khutaziwaka eka Mintirho 17:11? [si-TS tl. 205 ndz. 38]

16. Epapileni rakwe leri yaka eka Vakreste va le Rhoma, i yini lexi Pawulo a xi kandziyiseke swinene malunghana ni Vayuda ni lava nga riki Vayuda? [si-TS tl. 206 ndz. 2]

17. Hi ku ya hi Varhoma 12:2, xana vumunhu bya Vakreste byi hundzuriwa hi matimba ya Rito ra Xikwembu ku fikela kwihi? [Ku hlaya ka Bibele ka vhiki na vhiki; vona w90-TS 4/1 tl. 16 ndz. 3.]

18. I yini “xihundla [xo] kwetsima” lexi vuriwaka hi Pawulo eka Varhoma 11:25? [Ku hlaya ka Bibele ka vhiki na vhiki; vona w84-TS 2/1 tl. 6 ndz. 16.]

19. Ha yini vandlha ra Vukreste ri kombisa vululami hi ku susa vadyohi lava nga hundzukiki? (1 Kor. 5:11, 13) [Ku hlaya ka Bibele ka vhiki na vhiki; vona g96-TS 9/8 tl. 29 tindz. 2-3.]

20. Xana ku fumba makala lama pfurhaka enhlokweni ya nala swi pfuna ku hlula vubihi hi ndlela yihi? (Rhom. 12:20, 21) [Ku hlaya ka Bibele ka vhiki na vhiki; vona g86 1/22 tl. 6 ndz. 5.]

Tsala (ma)rito kumbe xiga lexi lavekaka ku hetisisa tinhlamuselo leti landzelaka:

21. Filipi u hlamusele mutsheniwa wa Muetiyopiya ndlela leyi vuprofeta bya ․․․․․․․․ byi hetisekeke ha yona, naswona hikwalaho ka leswi a voningeriweke, munhu loyi hi ku titsongahata u kombele ․․․․․․․․. (Mintirho 8:28-35) [si-TS tl. 204 ndz. 33]

22. Loko ku vile ni njhekanjhekisano malunghana ni mhaka ya ․․․․․․․․, ․․․․․․․․ u seketele xiboho xakwe hi ku vula a ku: “Marito ya Vaprofeta ma pfumelelana na swona leswi, hilaha ku tsariweke hakona.” (Mintirho 15:15-18) [Ku hlaya ka Bibele ka vhiki na vhiki; vona si-TS tl. 204 ndz. 33.]

23. Xivangelo xin’we ntsena xa Matsalwa xa ku dlaya vukati i ․․․․․․․․. (Mt. 19:9) [td-TS 35A]

24. Hi ku ya hi xifaniso xa Pawulo xa murhi wa mutlhwari wo fanekisela eka Varhoma ndzima 11, tanihi leswi tinyimba ta 12 ta Israyele ti humaka eka Abrahama hi ku tirhisa Isaka, hikwalaho tinyimba ta 12 to fanekisela ta ․․․․․․․․ ti huma eka ․․․․․․․․ hi ku tirhisa ․․․․․․․․. [Ku hlaya ka Bibele ka vhiki na vhiki; vona w84-TS 2/1 tl. 6 ndz. 15.]

25. A ku ri hi July 1917, endzhaku ka ku fa ka Russell, laha Sosayiti ya Watch Tower yi humeseke buku leyi nge ․․․․․․․․, leyi hlamuselaka ․․․․․․․․ na ․․․․․․․․ kun’we na ․․․․․․․․. [jv-TS tl. 647 ndz. 2]

Hlawula nhlamulo leyi nga yona eka yin’wana ni yin’wana ya tinhlamuselo leti landzelaka:

26. Eka nkulumo yakwe leyi kumekaka eka Mintirho ndzima 17, hi vutlhari Pawulo u kandziyisa (vuhosi bya; vululami bya; rirhandzu ra) Xikwembu lexi hanyaka. [Ku hlaya ka Bibele ka vhiki na vhiki; vona si-TS tl. 204 ndz. 37.]

27. (Pawulo; Petro; Luka) hi rirhandzu u bumabumele vanhu va le (Beriya; Makedoniya; Yerusalema), a va vula lava nga ni “mianakanyo yo hluteka.” (Mint. 17:11) [Ku hlaya ka Bibele ka vhiki na vhiki; vona w95-TS 5/1 tl. 14 ndz. 3.]

28. Ku hemba, kumbe mavunwa, leswi boxiweke eka Varhoma 1:25 swi vula (ku gandzela swifaniso; swiendlo swa rimbewu leswi nga basangiki; ku tolovela ku hemba). [Ku hlaya ka Bibele ka vhiki na vhiki; vona it-2 tl. 245 ndz. 2.]

29. Hi 1878, C. T. Russell ni vanghana vakwe va hlangavetane ni ndzingo lowukulu swinene wa vutshembeki bya vona eka Rito ra Xikwembu. Mhaka ya kona a ku ri (ku voniwa ka “hlonga ro tshembeka ni ro tlhariha”; vukona bya Yesu lebyi nga vonakiki; ntikelo wa nkutsulo wa miri ni ngati ya Yesu). [jv-TS tl. 619 ndz. 3]

30. Pawulo u tsale papila rakwe ro sungula ri ya eka Vakorinto loko a ri (eRhoma; aEfesa; eKorinto) kwalomu ka lembe ra (52; 55; 56) C.E. [si-TS tl. 210 ndz. 3]

Twananisa matsalwa lama landzelaka ni tinhlamuselo leti xaxametiweke laha hansi: Ps. 73:28; Swiv. 24:3; Esa. 65:13; Mint. 10:34, 35; 2 Kor. 12:7-9

31. Tanihi malandza ya Yehovha, hi fanele hi languta vanhu va tinxaka hinkwato hilaha a va langutaka hakona. [Ku hlaya ka Bibele ka vhiki na vhiki; vona w88-TS 5/15 tl. 16 ndz. 6.]

32. Bibele yi nyikela misinya ya milawu leyi fanaka ni switirho leswi pfunaka munhu ku aka ndyangu lowu tsakeke. [kl-TS tl. 140 ndz. 3]

33. Lava tshinelaka ekusuhi na Yehovha va tiphina hi ntsako wa ntiyiso ni ku rhula ka mianakanyo. [kl-TS tl. 151 ndz. 3]

34. Ematin’wini hinkwawo, Yehovha u phamele vanhu vakwe swakudya swa moya tanihi ntlawa. [kl-TS tl. 162 ndz. 6]

35. Yehovha a nga ha pfumelela xiyimo lexi ringaka leswaku xi va kona swa xinkarhana, kambe wa swi hlamula swikhongelo naswona u tiva nkarhi lowunene wa ku endla tano. [kl-TS tl. 156 ndz. 15]