Switiviso

◼ Tibuku leti nga ta fambisiwa hi April na May: Xikhokhelo xa lembe rin’we xa Xihondzo xo Rindza xa poso hi munyikelo wa R48,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R24,00. Swikhokhelo swa ntlawa i R24,00 na R12,00 hi ku hambana ka swona. Tikarhatele ku fambisa tikopi ta timagazini loko xona xi ariwa. June: Ku Lavisisa Ka Vanhu Xikwembu hi munyikelo wa R7,50. July na August: Broxara yihi na yihi ya matluka ya 32 eka leti landzelaka hi munyikelo wa R1,20 yin’we: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini?—U Nga Xi Kumisa Ku Yini? ni leyi nge Xana Xikwembu Xa Hi Khathalela Hakunene? Tibroxara leti nge Buku Ya Vanhu Hinkwavo, Mimoya Ya Vafi—Xana Yi Nga Hi Pfuna Kumbe Yi Nga Hi Vavisa? Xana Yi Kona Hakunene?, Our Problems—Who Will Help Us Solve Them?, ni leyi nge Will There Ever Be a World Without War? ti nga ha fambisiwa loko swi fanerile.

◼ Tanihi leswi n’hweti ya May yi nga ni mahelo-vhiki ya ntlhanu, i n’hweti leyinene eka vo tala leswaku va phayona nkarhinyana.

◼ Laha Bethele ku ni xilaveko xa xihatla xa dokodela wa meno la swi thwaseleke ni muongori la swi thwaseleke lava nga kotaka ku tirha nkarhi hinkwawo. Loko u ri exikarhi ka malembe ya 19 na 35 hi vukhale, u ri ni rihanyo lerinene, u titshamele-wexe, kumbe loko u nghenele vukati naswona ku nga ri na vanhu lava u bohekaka ku va wundla, xana u nga endla xikombelo xa lunghelo leri ra ntirho wa Bethele? Loko swi ri tano, hi kombela u tsalela Sosayiti kumbe u yi bela riqingho leswaku u ta nyikiwa vuxokoxoko byin’wana.

◼ Mavandlha ma fanele ma sungula ku oda tivholumo ta The Watchtower na Awake! ta 1997. Tivholumo leti ti ta kumeka hi Xijarimani, Xinghezi ni Xiputukezi. Mi nga rhumeli mali ni odara xikan’we loko vandlha ra ka n’wina ri ri ni akhawunti ya tibuku eka Sosayiti. Tivholumo leti ti nga hlayiwa eka akhawunti ya tibuku ta vandlha. Endzhaku ka loko tivholumo ti kumekile naswona ti rhumeriwile, ti ta endliwa “Back Ordered” eka ti-invoice ta vandlha. Mavandlha lama nga ni xikweleti eka akhawunti ya wona ya tibuku ma fanele ma rhumela tiodara ta wona kun’we ni mali. Tivholumo leti i swilo leswi odiwaka hi ku hlawuleka naswona ti ta xaviwa hi vandlha, vanhu ni maphayona hi R30,00 yin’we.

◼ Tsima ra nsimu leyi nga aviwangiki ri ta va hi tin’hweti ta August ku ya eka October 1998. Vahuweleri ni maphayona va khutaziwa ku seketela lunghiselelo leri, leswaku vanhu vo tala ensin’wini leyi nga aviwangiki va kuma vumbhoni bya rixaladza.

◼ Sosayiti a yi swi amukeli swikombelo swa muhuweleri ha un’we-un’we swa tibuku. Mulanguteri la ungamelaka u fanele a hlela leswaku ku endliwa xitiviso n’hweti yin’wana ni yin’wana odara ya tibuku ta vandlha ya n’hweti na n’hweti yi nga si rhumeriwa eka Sosayiti leswaku hinkwavo lava tsakelaka ku tikumela tibuku va ta tivisa makwerhu la tamelaka tibuku. Hi kombela leswaku mi nga rivali leswaku i tibuku tihi leti odiwaka hi ku hlawuleka.

◼ Tidiskete Letintshwa Leti Kumekaka:

Kingdom Melodies, Vholumo 7 (Vuyimbeleri bya swichayachayana; vandlha, vanhu ni maphayona: R17,00)