Minhlangano Ya Ntirho Ya April
Vhiki Leri Sungulaka Hi April 6
Risimu 27
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa hinkwavo malunghana ni ndhawu ni nkarhi wa ku tlangeriwa ka Xitsundzuxo hi Mugqivela, April 11. Marungula Ya Swa Mfumo.
15 min: “Vutirheli Bya Hina—Xikombiso Xa Rirhandzu Ra Xiviri.” Swivutiso ni tinhlamulo. Katsa ni tinhlamuselo to koma eka Xihondzo xo Rindza xa February 1, 1987, matluka 16-17, tindzimana 3-7.
20 min: “Timagazini Ti Huwelela Mfumo.” Nkulu u kambisisa xihloko lexi ni ntlawa wa vahuweleri vanharhu kumbe mune lava humelelaka swinene eku fambiseni ka timagazini. Hlamusela swiyenge leswi tsakisaka swa timagazini ta sweswinyana, ringanyeta tindlela leti tinhla leti ti nga tirhisiwaka ha yona tanihi xiphemu xa swingheniso swa hina. Kombisa ndlela leyi ku hangalasiwa ka timagazini ku nga engeteriwaka ha yona ensin’wini ya ka n’wina. Hi ku tirhisa minkandziyiso ya sweswinyana, kombisa swihloko leswi nga pfuxaka ku tsakela, swo tanihi leswi vulavulaka hi swiphiqo swa ntshamisano, ndyangu kumbe tiko. Endla nkombiso wo koma wa swingheniso swimbirhi kumbe swinharhu.
Risimu 205 ni xikhongelo xo pfala.
Vhiki Leri Sungulaka Hi April 13
Risimu 90
10 min: Switiviso swa vandlha. Xiviko xa timali.
15 min: Swilaveko swa vandlha.
20 min: “Ku Va Kona eMinhlanganweni ‘Hilaha Ku Engetelekeke.’” Swivutiso ni tinhlamulo. Loko nkarhi wu pfumela, hlamusela xikhutazo lexi nga ebukwini leyi nge Vutirheli Bya Hina, matluka 64-5. Hi rirhandzu khutaza hinkwavo lava vaka kona eminhlanganweni nkarhi na nkarhi.
Risimu 119 ni xikhongelo xo pfala.
Vhiki Leri Sungulaka Hi April 20
Risimu 5
10 min: Switiviso swa vandlha. Hlamusela leswaku nkarhi wa ha ri kona wo endla xikombelo xa vuphayona bya nkarhinyana hi May.
10 min: Bokisi Ra Swivutiso. Nkulumo hi nkulu loyi a nga ta kombisa tindlela leti kongomeke malunghana ni ku antswisa loku nga endliwaka evandlheni.
25 min: “Ku Laveka—Tidyondzo Ta Bibele Leti Engetelekeke.” Nkulumo ni ku hlanganyela ka vayingiseri leyi fambisiwaka hi mulanguteri wa ntirho. Hlamusela ntirho wa ku fambisiwa ka tidyondzo ta Bibele ta kwala vandlheni. Bumabumela vandlha laha ri endleke kahle kona. Kombisa leswi nga endliwaka leswaku ku sunguriwa tidyondzo ta Bibele ni ku ti fambisa, ku katsa ni tidyondzo ta ndyangu. Endla nkombiso eka ndzimana 5 hi ku burisana ni mutswari la fambisaka dyondzo ya ndyangu nkarhi na nkarhi. Hlaya ndzimana 8, ivi u kandziyisa tinhla ta nhungu leti xaxametiweke kwalaho. Hlamusela ndzimana 13 hi ku rhamba muhuweleri la humelelaka eku fambiseni ka tidyondzo ta Bibele leswaku a hlamusela ndlela leyi swi kotekaka ha yona ku hlanganisa rungula ro karhi handle ko hlwela. Katsa ni ntokoto lowu hlawuriweke kahle lowu kombisaka ndlela leyi vuyelo lebyinene byi fikeleriwaka ha yona kwala vandlheni.
Risimu 109 ni xikhongelo xo pfala.
Vhiki Leri Sungulaka Hi April 27
Risimu 100
12 min: Switiviso swa vandlha. Tsundzuxa hinkwavo leswaku va yisa swiviko swa vona swa April. Tivisa mavito ya lava nga ta phayona nkarhinyana hi May. Boxa malunghiselelo lama engetelekeke lama nga eku endliweni kwala vandlheni ya minhlangano ya ntirho wa nsimu. Hlamusela swiringanyeto leswi pfunaka swa ku lunghiselela swingheniso swa ku fambisa timagazini ta sweswinyana.—Vona Vutirheli Bya Hina Bya Mfumo, bya October 1996 tluka 12.
15 min: Ndlela Leyi Varisi Va Vakreste Va Ku Tirhelaka Ha Yona. Nkulumo hi nkulu, leyi sekeriweke eka Xihondzo xo Rindza xa March 15, 1996, matluka 24-7.
18 min: Vana Ni Langutelo Lerinene Loko U Chumayela eNsin’wini Leyi Tirhiwaka Nkarhi Na Nkarhi. Nkulu u vulavula hi xilaveko lexi a ri ni vahuweleri vambirhi kumbe vanharhu lava hetiwaka matimba hikwalaho ka n’wangulo lowu nga nyawuriki ensin’wini leyi tirhiwaka hi ku phindha-phindha. U pfuxeta na vona Xihondzo xo Rindza xa July 15, 1988, matluka 16-19, tindzimana 4-14. Va vulavula hi tindlela to tirhisa swiringanyeto leswi kwala vandlheni hi ntshembo wa leswaku swi ta famba kahle.
Risimu 191 ni xikhongelo xo pfala.