Minhlangano Ya Ntirho Ya June
Vhiki Leri Sungulaka Hi June 1
Risimu 223
8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Tsundzuxa vahuweleri leswaku va vika ntirho wa vona wa nsimu wa May hi ku hatlisa. Matsalana ni vafambisi hinkwavo va dyondzo ya buku va fanele va tiyiseka leswaku swiviko hinkwaswo leswi nga vikiwangiki swa ntirho wa nsimu swa tin’hweti leti hundzeke swa tisiwa.
15 min: “Hlomisiwa Hi Ku Helela Eka Ntirho Wun’wana Ni Wun’wana Lowunene.” Swivutiso ni tinhlamulo. Endla nhlamuselo yo koma leyi humaka eka Xihondzo xo Rindza xa February 15, 1989, matluka 22-4.
22 min: “Ku Nyikela Vumbhoni Eka ‘Vanhu Va Mixaka Hinkwayo.’” Nkulu ni vahuweleri va nga ri vangani lava nga ni ntokoto va burisana hi swingheniso leswi ringanyetiwaka. Hi ku komisa kombisa vukhongeri lebyi nga kona ensin’wini ya ka n’wina, kutani u hlamusela xivangelo xa leswaku hi fanele hi tsundzuka tinhla ta ku sungula bulo nkarhi wun’wana ni wun’wana. Endla nkombiso wun’we kumbe mimbirhi hi ku komisa.
Risimu 112 ni xikhongelo xo pfala.
Vhiki Leri Sungulaka Hi June 8
Risimu 209
10 min: Switiviso swa vandlha. Xiviko xa timali.
15 min: “Ku Khathalela Swilo Swa N’wini.” Nkulumo hi nkulu, leyi hlanganisaka rungula leri nga eka xiengetelo.
20 min: “Hinkwerhu Ha Laveka Leswaku Ntirho Wu Hela.” Swivutiso ni tinhlamulo. Hlamusela xivangelo xo va vakulu va titshege hi vatirhi vo tala va ku tirhandzela leswaku ku endliwa swilo leswi lavekaka. Hlamusela swilaveko swa vandlha, swo tanihi ku basisiwa ka Holo ya Mfumo, ku pfuna lava vabyaka ni lava dyuhaleke, ni ku hlanganisiwa ka nsimu. Kombela vakulu va hlamusela ndlela leyi va tlangelaka mpfuno wa ku tirhandzela lowu vo tala va wu nyikelaka. Kandziyisa ndlela leyi matshalatshala ya un’wana ni un’wana ma lavekaka ngopfu ha yona.
Risimu 153 ni xikhongelo xo pfala.
Vhiki Leri Sungulaka Hi June 15
Risimu 7
10 min: Switiviso swa vandlha.
20 min: “Ringetani Hi Matimba.” Nkulumo leyi sekeriweke eka Xihondzo xo Rindza xa January 15, 1986, matluka 10-14. Hlamusela nkoka wa ntirho wa vuphayona bya nkarhi hinkwawo, khutaza vamakwerhu leswaku va byi nghenela hi September 1.
15 min: “Ku Nyikela Vumbhoni Hi Mahanyelo Lamanene.” Swivutiso ni tinhlamulo. Burisana ni vantshwa van’wana lava nga xikombiso lexinene. Va hlamusela ndlela leyi van’wana va tsakisiweke hi mahanyelo ya vona ya Vukreste ha yona. Hlamusela ntokoto wun’we kumbe mimbirhi leyi humaka eka Xihondzo xo Rindza xa January 1, 1995, matluka 24-5.
Risimu 170 ni xikhongelo xo pfala.
Vhiki Leri Sungulaka Hi June 22
Risimu 61
10 min: Switiviso swa vandlha. Vula nkarhi lowu ku hlayiwa ka timali ta vandlha ku hetiweke ha wona.
15 min: Ndlela Yo Sungula Ntila Wa Timagazini. Xaxameta leswi lavekaka: tsala nhlayo ya timagazini hinkwato leti u ti fambiseke, tlhelela ku nga si hela mavhiki mambirhi, hlamusela tinhla letintshwa eka timagazini ta sweswinyana leswaku ku tsakela ku tshama ku ri kona. Ntila wa timagazini wu nga ha katsa vaakelani, vatirhi-kuloni, vaxavisi va le mavhengeleni, vatirhi va le switichini swo chela petirolo ni van’wana. Kombela muhuweleri un’we kumbe vambirhi va hlamusela ntokoto lowu akaka wa malunghana ni mintila ya timagazini.
20 min: Maphayona Ma Pfuna Van’wana. Nkulumo hi mulanguteri wa ntirho, a hlamusela malunghiselelo ya leswaku maphayona ma pfuna van’wana. Hlamusela ndlela leyi minongonoko ya ku pfuna van’wana yi fambisiweke ha yona enkarhini lowu hundzeke. (jv-TS 100; km 8/79 1, 3) Vanhu lavantshwa lava tlulaka miliyoni lava khuvuriweke eka malembe manharhu lama hundzeke va lava ku leteriwa. Nongonoko lowu nge “Maphayona Ma Pfuna Van’wana” wu tirhisa ntokoto ni ndzetelo wa maphayona ya nkarhi hinkwawo ni yo hlawuleka lama veke kona eXikolweni xa Ntirho wa Maphayona. Pakani i ku endla leswaku phayona rin’wana ni rin’wana ri pfuna vahuweleri vambirhi hi lembe leswaku va va ni vutshila evutirhelini leswaku va ta kota ku pfuna vo tala. Lava pfuniwaka a va fanelanga va chava; nchumu wa nkoka i ku nyikela xikhutazo xa rirhandzu ni xa musa. Nongonoko lowu lowuntshwa wu ta pfuna vahuweleri va madzana ya magidi leswaku va va vatirheli lava humelelaka.
Risimu 207 ni xikhongelo xo pfala.
Vhiki Leri Sungulaka Hi June 29
Risimu 114
10 min: Switiviso. Tsundzuxa hinkwavo leswaku va yisa swiviko swa ntirho wa nsimu swa June. Hlamusela nyiko ya buku ya July.
15 min: Swilaveko swa vandlha kumbe xihloko lexi nge Xana Ndzi Hungute Rivilo? Nkulumo hi nkulu leyi sekeriweke eka Xihondzo xo Rindza xa December 15, 1987, matluka 18-19, tindzimana 14-16. Khutaza lava a va hiteka emalembeni yo hlayanyana lama hundzeke leswaku va anakanyisisa hi ntikelo ni mpimo wa ntirho wa vona wo kwetsima.
20 min.: Hinkwerhu Ka Hina Hi Nga Nyikela Vumbhoni Hi Xitshuketa. Nkulumo ni bulo ra vayingiseri leyi sekeriweke eka Xihondzo xo Rindza xa October 15, 1987, matluka 22-7. Kombisa ndlela leyi lava nga riki na nkarhi hikwalaho ka vutihlamuleri bya ntirho wa ku tihanyisa, bya ndyangu kumbe bya munhu hi xiyexe va nga kumaka nkarhi ha yona siku rin’wana ni rin’wana leswaku va byela van’wana mahungu lamanene. Katsa ni mintokoto ya kwala vandlheni.
Risimu 76 ni xikhongelo xo pfala.