Minhlangano Ya Ntirho Ya July

Vhiki Leri Sungulaka Hi July 6

Risimu 110

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo.

15 min: “I Swinene Swonghasi Ku Va Kona Minkarhi Hinkwayo!” Swivutiso ni tinhlamulo. Khutaza vantshwa leswaku va va kona eminhlanganweni nkarhi na nkarhi.

20 min: “Vaakelani Va Hina Va Fanele Va Twa Mahungu Lamanene.” Kombela vahuweleri vambirhi kumbe vanharhu lava nga ni vuswikoti leswaku va hlamusela swiringanyeto swa ku fambisiwa ka tibroxara ti nga ri tingani leti vandlha ri nga na tona exitokweni. Hlamusela xivangelo lexi endlaka ti fanela nsimu ya ka n’wina. Kandziyisa pakani ya ku sungula tidyondzo ta Bibele hi ku tirhisa broxara leyi nge Leswi Xi Swi Languteleke kumbe buku leyi nge Vutivi. Endla nkombiso wa xingheniso xo sungula lexi landzeriwaka hi riendzo ro vuyela ni ku sunguriwa ka dyondzo.

Risimu 73 ni xikhongelo xo pfala.

Vhiki Leri Sungulaka Hi July 13

Risimu 116

10 min: Switiviso swa vandlha. Xiviko xa timali. Khutaza hinkwavo leswaku va anakanyisisa hi ku tsarisela vuphayona bya nkarhinyana hi August, laha ku nga ta va ni mahelo-vhiki ya ntlhanu.

15 min: Swilaveko swa vandlha.

20 min: Xana Moya Wa Misava Wu Ku Chela Chefu? Nkulumo hi nkulu leyi sekeriweke eka Xihondzo xo Rindza xa October 1, 1997, matluka 25-9.

Risimu 182 ni xikhongelo xo pfala.

Vhiki Leri Sungulaka Hi July 20

Risimu 18

8 min: Switiviso swa vandlha. Pfuxeta bokisi leri nge “Makume-tsevu-ntlhanu Wa Magidi!”

12 min: “Riendzo Leri Nga Vaka Nkateko.” Bulo exikarhi ka vakulu vambirhi. Hlamusela swikongomelo swa ntirho wa vurisi hilaha swi hlamuseriweke hakona eka Xihondzo xo Rindza xa September 15, 1993, matluka 20-3. Khutaza vandlha hi rirhandzu leswaku ri langutela ku endzeriwa hi vakulu.

25 min: “Ntirho Wa Vuphayona—Xana U Nga Wu Nghenela?” (Tindzimana 1-14) Mulanguteri wa ntirho u sungula hi nhlamuselo yo koma, a khutaza hinkwavo leswaku va anakanyisisa hi ntirho wa vuphayona bya nkarhi hinkwawo. Kutani u hlamusela xivutiso 1, ku katsa ni tinhlamuselo leti nga ehansi ka xihlokwana lexi nge “Enthusiastic Pioneer Spirit” eka 1998 Yearbook, matluka 104-5. Swirho swimbirhi kumbe swinharhu swa vandlha leswi nga maphayona swi ta ya exitejini leswaku swi ya burisana hi xivutiso 2. Va burisana hi langutelo lerinene, ra xiviri ra ndlela leyi va kotaka ku humelela ha yona hi tlhelo ra leswi vonakaka tanihi maphayona. Kutani vatswari vambirhi va ya exitejini leswaku va ya burisana hi xivutiso 3. Va nyikela swivangelo leswinene leswi endlaka vantshwa va fanele va anakanyisisa hi vuenti malunghana ni ntirho wa nkarhi hinkwawo tanihi ntirho-vutomi. Khutaza hinkwavo leswaku va va kona eka Nhlangano wa Ntirho wa vhiki leri taka, laha ku nga ta kambisisiwa swivutiso leswi saleke hinkwaswo.

Risimu 80 ni xikhongelo xo pfala.

Vhiki Leri Sungulaka Hi July 27

Risimu 155

15 min: Switiviso swa vandlha. Tsundzuxa hinkwavo leswaku va tisa swiviko swa ntirho wa nsimu swa July. Tivisa malunghiselelo ya ntirho wa nsimu ya mahelo-vhiki yo sungula ya August, ivi u khutaza hinkwavo leswaku va hlanganyela eka wona. Hlamusela xihloko lexi nge “Nongonoko Lowuntshwa Wa Nhlengeletano Ya Xifundzha.”

30 min: “Ntirho Wa Vuphayona—Xana U Nga Wu Nghenela?” (Tindzimana 15-25) Nkulumo ni bulo leri fambisiwaka hi nkulu. Hlela ka ha ri na nkarhi leswaku maphayona ni lava phayoneke enkarhini lowu nga hundza va hlamusela swi huma embilwini loko va vutisiwa swivutiso 4-5. Va kandziyisa xilaveko xa ku va ni xiyimiso lexinene ni ku xi namarhela, va nyika swikombiso swa swiyimiso leswinene swa vhiki na vhiki leswi fikelelekaka hi ku olova. Nkulu u gimeta hi nkulumo leyi khutazaka leyi hlamulaka xivutiso 6. Leswi lembe ra ntirho ri sungulaka hi September 1 i nkarhi lowunene eka maphayona lamantshwa leswaku ma sungula ntirho wa wona wa nkarhi hinkwawo. Tifomo to endla swikombelo ti nga kumiwa eka xirho xihi na xihi xa Komiti ya Ntirho wa Vandlha.

Risimu 51 ni xikhongelo xo pfala.