Switiviso
◼ Tibuku leti nga ta fambisiwa hi August: Broxara yihi na yihi ya matluka ya 32 eka leti landzelaka hi munyikelo wa R1,20: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini?, Xana Xikwembu Xa Hi Khathalela Hakunene? Tibroxara leti nge Buku Ya Vanhu Hinkwavo, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Our Problems—Who Will Help Us Solve Them?, ti nga fambisiwa loko swi fanerile. September: Vutivi Lebyi Yisaka eVuton’wini Lebyi Nga Heriki hi munyikelo wa R5,00. October: Tikopi ta Xihondzo xo Rindza ni Xalamuka! November: Vutivi Lebyi Yisaka eVuton’wini Lebyi Nga Heriki hi munyikelo wa R5,00.
◼ Vandlha rin’wana ni rin’wana ri ta kuma tifomo ta Literature Inventory (S-AB-18). Matsalana wa vandlha u fanele a vonana ni nandza wa tibuku eku sunguleni ka August ivi va veka siku ro hlaya xitoko xa tibuku ta vandlha eku heleni ka n’hweti. Tibuku hinkwato ti fanele ti hlayiwa, naswona ntsengo wa tona wu fanele wu tsariwa eka fomo ya Literature Inventory. Ntsengo wa timagazini leti nga kona wu nga kumiwa eka nandza wa timagazini. Hi kombela mi heta ku hlaya ku nga si fika September 1 ivi mi rhumela fomo ya kona eka Sosayiti hi ku hatlisa hi laha swi nga kotekaka ha kona endzhaku ka loko mi kume xitatimende xa n’wina xa August. Kopi ya vumbirhi yi vekeni efayilini ya n’wina. Kopi ya vunharhu yi nga ha tirhiseriwa ku tsalela eka yona. Ku hlaya ka xitoko ku fanele ku kongomisiwa hi matsalana, naswona fomo leyi tsariweke yi helela yi fanele yi kambisisiwa hi mulanguteri la ungamelaka. Matsalana ni mulanguteri la ungamelaka va ta sayina fomo leyi.
◼ Tibeji ta ntsombano wa muganga wa 1998 ti fanele ti odiwa naswona ti ta chajiwa eka akhawunti ya tibuku ta vandlha, i khume ra tisente yin’we. Mavandlha lama nga riki na akhawunti eka Sosayiti, kumbe lama nga na xikweleti eka akhawunti ya wona ma fanele ma rhumela oda ya wona ni mali. Hi kombela leswaku mi ti oda hi swiputsa swa 20 loko swi koteka. Tibeji ti kumeka hi Xibunu, Xinghezi, Xipedi, Xiputukezi, Xisuthu, Xitswana, Xixhosa ni Xizulu. Hi kombela mi oda hi fomo ya Literature Order (S-14).Tioda leti ti fanele ti fika eka Sosayiti ku nga si hundza November 1, 1998. Endzhaku ka siku leri a hi nge he titeki tioda ta tibeji.
◼ Ku sukela hi August 28, 1998, ku ya ka August 31, 1998, Sosayiti yi ta va yi hlaya xitoko xa tibuku leti nga kona eBethele. Hikwalaho ka ku hlayiwa loku, a ku nge vi na tioda ta vandlha leti nga ta endliwa.
◼ Komiti ya Ntirho ya Vandlha yi fanele yi yisa nyingiso hi xihatla eka swikombelo hinkwaswo swa ntirho wa vuphayona bya nkarhi hinkwawo. Komiti ya ntirho a yi fanelanga yi tshama ni xikombelo lexi leswaku yi ta vona loko munhu la endleke xikombelo lexi a swi kota ku fikelela xilaveko xa tiawara. Siku leri muhuweleri a endleke xikombelo ha rona ri nga ha cinciwa loko swikombelo swi amukeriwile. Siku ro kombela ku sungula ku phayona a ri nge cinci loko xikombelo xi hlwerile, handle ka loko ku ri ni xivangelo xo twala. Loko xo tshuka xi hlwerile, ku fanele ku tsariwa papila leri hlamuselaka.—Vona xiengetelo xa Vutirheli Bya Hina Bya Mfumo bya August 1986, tindzimana 24-6.
◼ Ku ta dyondziwa tibroxara hi ku landzelelana eDyondzweni ya Buku ya Vandlha endzhaku ka ku heta buku leyi nge Bibele—I Rito Ra Xikwembu Kumbe I Ra Munhu? Xitiviso lexi nga eka Vutirheli Bya Hina Bya Mfumo bya May 1998 xi vule leswaku ku sukela hi evhikini ra September 21, ku ta dyondziwa broxara leyi nge Leswi Xi Swi Languteleke. Broxara leyi yi ta landzeriwa hi leyi nge Xana Xikongomelo Xa Vutomi I Yini—U Nga Xi Kumisa Ku Yini? ni leyi nge Xana Xikwembu Xa Hi Khathalela Hakunene?
◼ Tibuku Letintshwa Leti Kumekaka:
New World Translation of the Holy Scriptures (Vandlha ni vanhu: R20,00; maphayona: R15,00) —Xigiriki, Xipolish