Minhlangano Ya Ntirho Ya August

Vhiki Leri Sungulaka Hi August 3

Risimu 216

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa ntirho wa nsimu wa sweswinyana xa vandlha. Tivisa malunghiselelo ya nsimu ya August 10.

15 min: “Xana August Yi Ta Va N’hweti Yo Hlawuleka?” Swivutiso ni tinhlamulo. Khutaza hinkwavo leswaku va hlanganyela evutirhelini hi August ni le ka n’hweti yin’wana ni yin’wana ya lembe lerintshwa ra ntirho.

20 min: “Tirhisa Tibroxara Ku Koka Mianakanyo Ni Mbilu.” Burisana ni vayingiseri. Hi ku komisa hlamusela tibroxara leti humesiweke emalembeni lama nga hundza, leswaku ti tivisa vanhu malunghana ni timhaka ta nkoka ta Matsalwa. (Vona Watch Tower Publications Index 1986-1995, matluka 652-3.) Kandziyisa tibroxara ta sweswinyana, ivi u boxa vanhu lava va nga tshukaka va tsakela ku va na tona. Endla nkombiso wun’we kumbe mimbirhi.

Risimu 191 ni xikhongelo xo pfala.

Vhiki Leri Sungulaka Hi August 10

Risimu 127

10 min: Switiviso swa vandlha. Xiviko xa timali. Boxa pakani leyi vahuweleri hinkwavo lava hlanganyelaka evutirhelini bya nsimu va faneleke va yi fikelela hi August.

15 min: Swilaveko swa vandlha.

20 min: “Vantshwa—Tirhisani Nkarhi Wa Ku Nghena Xikolo Hi Ndlela Leyinene.” Swivutiso ni tinhlamulo. Katsa ni tinhlamuselo leti faneleke leti humaka eka Xalamuka! (ya Xinghezi) ya April 8, 1992, matluka 17-19, ni ya March 8, 1993, matluka 17-19.

Risimu 37 na xikhongelo xo pfala.

Vhiki Leri Sungulaka Hi August 17

Risimu 163

10 min: Switiviso swa vandlha. Kombela vandlha leswaku ri hlamusela hi ku komisa ndlela ya ku kuma vito ni adirese ya munhu la nyikiweke vumbhoni exitarateni, ephakeni kumbe kun’wanyana, leswaku ku ta tlheleriwa eka yena.

35 min: “Ku Kambisisa Ntirho Wa Xihatla Wa Ku Endla Vadyondzisiwa.” Swivutiso ni tinhlamulo. Hlaya tindzimana 5, 10 na 11. Hlamusela ndlela leyi ntirho wa ku fambisa tidyondzo ta Bibele wu yaka emahlweni ha yona evandlheni. Khutaza hinkwavo lava fambisaka tidyondzo leswaku va tlhela va hlaya xiengetelo xa Vutirheli Bya Hina Bya Mfumo bya June 1996, leswaku va ta antswisa vutshila bya vona byo dyondzisa. Kandziyisa tindzimana 5 na 25 ta xiengetelo xexo.

Risimu 108 ni xikhongelo xo pfala.

Vhiki Leri Sungulaka Hi August 24

Risimu 213

15 min: Switiviso swa vandlha. Hlamusela bokisi leri nge “Makume-tsevu-ntlhanu Wa Magidi!” lexi nga eka Vutirheli Bya Hina Bya Hina Bya Mfumo bya July 1998. Leswi se ku saleke mahelo-vhiki man’we ya August, khutaza hinkwavo leswaku va hlanganyela evutirhelini ku nga si hela n’hweti. Hlamusela “Nongonoko Lowuntshwa Wa Nhlengeletano Yo Hlawuleka Ya Siku Rin’we.” Xiviko xa nhluvuko wa le nsin’wini leyi nga aviwangiki. Burisana ni muhuweleri un’we kumbe vambirhi lava humeleleke ku fikela sweswi. Tivisa vandlha hi malunghiselelo ya September.

15 min: Ndlela Yo Tiyisela eNtirhweni Wa Vuphayona. Nkulumo leyi sekeriweke eka Xihondzo xo Rindza xa September 15, 1993, matluka 28-31. Burisana ni phayona leri langutaneke ni swiphiqo leswikulu kambe ri hambeta ri phayona.

15 min: Byi Tirhise Kahle Vutirheli Bya Hina Bya Mfumo. Burisana ni vayingiseri. Loko u tirhisa swikombiso swa sweswinyana, kombisa rungula leri nga enkarhini leri kumekaka eka Vutirheli Bya Hina Bya Mfumo ni vuyelo lebyi hi kumaka eka byona: (1) swihloko leswi hi susumetelaka ku hlanganyela nkarhi na nkarhi evutirhelini; (2) mintokoto leyi hi khutazaka entirhweni wa hina lowo kwetsima; (3) swiringanyeto leswi hi pfunaka ku twarisa mahungu lamanene hilaha ku humelelaka; (4) switiviso swa tibuku letintshwa leti kumekaka leti pfunaka ensin’wini ya ka hina; (5) swiviko swa ntirho wa nsimu, leswi kombisaka nhluvuko wa ntirho wa Mfumo; (6) Marungula Ya Swa Mfumo, lama vikaka nhluvuko wa ntirho wa misava hinkwayo; (7) switiviso ni swiyimiso leswi hi pfunaka ku tshama hi tiva swiendlakalo swa nkarhi lowu taka; (8) Bokisi Ra Swivutiso leri hlamulaka timhaka ta nkoka leti hi khumbaka; ni (9) swiengetelo leswi hi byelaka timhaka ta mintsombano, matsima yo hlawuleka ni timhaka tin’wana leti hi endlaka hi tshama hi xalamukele swilaveko swa hina swa moya. Khutaza hinkwavo leswaku va hlaya nkandziyiso wun’wana ni wun’wana, va tirhisa swiringanyeto swa wona, va ta na byona eNhlanganweni wa Ntirho ni le minhlanganweni ya ntirho wa nsimu, ni ku byi hlayisa etifayilini leswaku va ta byi tirhisa enkarhini lowu taka.

Risimu 210 ni xikhongelo xo pfala.

Vhiki Leri Sungulaka Hi August 31

Risimu 65

12 min: Switiviso swa vandlha. Tsundzuxa hinkwaswo leswaku va nghenisa swiviko swa ntirho wa nsimu swa August. Vafambisi va Dyondzo ya Buku ya Vandlha va fanele va vutisa un’wana ni un’wana la nge entlaweni leswaku swiviko hinkwaswo swi ta va swi hlanganisiwile hi September 6. Hlamusela buku leyi nga ta fambisiwa hi September. Hi ku komisa endla nkombiso lowu nga ta pfuxa xivutiso lexi nge, “Ha yini hi fanele hi tirhisa vito ra Xikwembu?” Xi hlamule hi ku tirhisa buku leyi nge Vutivi, eka ndzima 3, ndzimana 6.

15 min: “Valanguteri Lava Rhangelaka—Mulanguteri La Ungamelaka.” Nkulumo hi mulanguteri la ungamelaka. Endzhaku ka loko a hlamusele mintirho yakwe, u tlangela vandlha hikwalaho ka ntirhisano wa rona ni vakulu loko va risa ntlhambi.

18 min: Pfuna N’wana Wa Wena Leswaku A Hlula Swiphiqo eXikolweni. Nkulu u burisana ni vatswari vambirhi kumbe vanharhu lava nga ni vana lava nghenaka xikolo. Hi ku komisa hlamusela swin’wana swa swiphiqo leswi toloveriweke, leswi vana va langutanaka na swona, hilaha swi hlamuseriweke hakona eka Xalamuka! ya August 8, 1994, matluka 5-7. Kutani loko u kombetela eka matluka 8-10, hlamusela ndlela leyi vatswari va nga sirhelelaka vana va vona ha yona ni ku hlayisa vuxaka lebyinene exikarhi ka vatswari ni vadyondzisi.

Risimu 24 ni xikhongelo xo pfala.