Switiviso

◼ Tibuku leti nga ta fambisiwa hi October: Timagazini ta Xihondzo xo Rindza ni Xalamuka! November: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka leta xifunengeto xo tsindziyela ni R3,75 eka leta xifunengeto lexo olova. December: Vutivi Lebyi Yisaka eVuton’wini Lebyi Nga Heriki kun’we ni Vuhundzuluxeri Bya Misava Leyintshwa hi munyikelo wa R12,50 loko ku fambisiwa buku ya xifunengeto xo tsindziyela ni R11,25 loko ku fambisiwa buku ya xifunengeto lexo olova. January: Ku Lavisisa Ka Vanhu Xikwembu hi munyikelo wa R7,50.

◼ Xiengetelo lexi nga enkandziyisweni lowu wa Vutirheli Bya Hina Bya Mfumo i “Xiyimiso Xa Xikolo Xa Vutirheli Bya Le Tilweni Xa 1999” naswona xi fanele xi hlayisiwa leswaku xi ta tirhisiwa hi 1999.

◼ Loko minkarhi ya minhlangano ya vandlha ra ka n’wina yi ta cinca hi January 1, ku nga ha laveka leswaku mi oda mphakelo lowuntshwa wa swiphephana swa minkarhi ya minhlangano leswi kombisaka minkarhi ya minhlangano leyi cinciweke.

◼ Hi Mugqivela, October 17, 1998, Kaya ra Bethele kun’we ni fektri swi ta va swi pfariwile leswaku ku ta basisiwa. A ku nge vi na malunghiselelo ya ku valanga kumbe ya leswaku mavandlha ma ta teka tibuku hi siku rolero.

◼ Sweswi mavandlha ma nga ha oda tsalwa ra lembe ra 1999 hi Xibunu, Xinghezi, Xisuthu, Xixhosa ni Xizulu hi ntsengo wa R16,00 rin’we, ri ta chajiwa eka akhawunti ya tibuku ta vandlha. Mavandlha lama nga ni xikweleti eka akhawunti ya tibuku ma fanele ma rhumela tiodara ta wona ni mali. Ku ringanyetiwa leswaku mavandlha hinkwawo ma humesa ndzimana leyintshwa ya lembe hi January 1, 1999.

◼ Mavandlha ma fanele ma sungula ku oda Ku Kambisisa Matsalwa Siku Na Siku—1999 eka odara ya wona ya tibuku ya nkarhi na nkarhi ku sukela hi October 1. Swibukwana leswi swi ta kumeka hi Chichewa, Xibunu, Xifurwa, Xigriki, Xijarimani, Xikwanyama, Xinghezi, Xintariyana, Xipedi, Xiputukezi, Xisuthu, Xitsonga, Xitswana, Xivenda, Xixhosa ni Xizulu. Ku fikela loko swibukwana leswi swi kumekile ni loko swi rhumeriwile, swi ta humelela tanihi “Back Ordered” eka ti-invoice ta vandlha. Ku Kambisisa Matsalwa Siku Na Siku i tibuku leti odiwaka hi ku hlawuleka naswona ti ta chajiwa eka akhawunti ya tibuku hi R2,50 yin’we, ku nga nxavo wa vahuweleri ni maphayona. Maphayona ya nkarhi hinkwawo ni yo hlawuleka lama veke enxaxamelweni ku nga si fika July 1, 1998, ma nga ha tikumela kopi yin’we ya mahala. Mavandlha lama nga riki na yona akhawunti ni Sosayiti kumbe lama nga ni xikweleti eka akhawunti ya wona ya tibuku ma fanele ma rhumela tiodara ta wona ni mali. Mi fanele mi tsala eka fomo yin’wana ya Remittance and Credit Request (S-AB-20) mi kombisa tikopi ta mahala leti mi ti odelaka maphayona. Swibukwana leswi swi fanele swi odiwa hi vandlha. HI KHUTAZA XIRHO XIN’WANA NI XIN’WANA XA NDYANGU, KU KATSA NI VANA LAVA KOTAKA KU HLAYA, LESWAKU VA VA NI TIKOPI TA VONA VINI TA XIBUKWANA LEXI.

◼ Sosayiti yi nkhensa hinkwavo lava nyikeleke eka Mali Yo Famba Ya Varhumiwa Ya 1998, tanihi leswi varhumiwa ni Malandza ya Matiko Hinkwawo lava ringanaka 55 va koteke ku tlhelela ekaya va ya emintsombanweni. Hikwalaho, a ka ha laveki minyikelo yin’wana ya ntirho lowu. Minyikelo ya n’wina ya nkarhi na nkarhi ya ntirho wa Mfumo ya tlangeriwa swinene.

◼ HI KOMBELA MI XIYA: Siku ra ntsombano wa muganga lowu landzelaka ri cincile:

January 1-3, 1999: Gaborone

◼ Tibuku Letintshwa Leti Kumekaka:

Watch Tower Publications Index 1997 (vandlha, vanhu ni maphayona: R2,50)—Xinghezi